An Kinàban (Ingles: Earth) an ikatolong planeta poon sa Saldang asin an pinakadakulà sa mga terestreng planeta sa Sistemang Solar, sa diametro sagkod masa. Inaapod man ining An Kinàban, Planetang Kinàban, asin Dagâ.
Susog sa radyometrikong pagkarkulo asin iba pang mga ginugunoan na ebidensya, an kinaban iyo naporma sa nakaaging 4.5 bilyon na taon. Sa ngonyan, ini sana an aram na bagay sa uniberso na tinataluboan nin organismong mga may buhay.
An Kinaban iyo an solamenteng planeta sa Sistemang Solar na igwa nin dakulong bilang nin likidongtubig. Harus 74% kan kaibabawan nin Kinaban an pigtatakloban nin likido o nagyeyelong tubig. Huli kaini, an mga tawo minsan inaapod ini bilang an asul na planeta.
Napiling artikulo
An enerhiyang heotermal (Ingles: geothermal energy) iyo sarong klase nin enerhiya na gikan sa init, na nakatago asin nabibilog sa irarom kan daga. An enerhiya kan init iyo nagsasabi kan temperatura nin sarong bagay. An taramong heotermal iyo gikan sa mga tataramong Griyego na γη (ge), kinaban, asin θερμος (thermos), mainit.
An enerhiyang heotermal nin crust kan kinaban iyo gikan sa orihinal na pagkakabilog kan planeta (20%), asin hali sa burak na radyoaktibo nin mga bagay (80%). An pagkakaiba kan temperatura sa ibabaw kan kinaban asin kan tahaw kaini an inaapod na geothermal gradient. Ini an minatao nin dagos-dagos na enerhiya sa porma nin init, hali sa tahaw hasta sa ibabaw kan kinaban.
