Wikipedia:WikiProyekto Siyensya

Maugmang pag-abot sa WikiProyekto Siyensya! Saro ining WikiProyekto na pigmokna para sa paggibo asin pagpapaurog nin mga artikulong manungod sa siyensya sa Bikol Wikipedia.

An proyektong ini mawot hamanon an Kategorya:Siyensya sa Bikol Wikipedia, asin dagos maitampok sa Portal kan Siyensya.

Introduksyon baguhon

Bihira sana o harus dae pigsusurat an mga siyentipikong artikulo sa tataramong Bikol Sentral. Sa ngunyan, an nasambit na lenggwahe iyo harus mababasa sana sa mga panurat na relatibo sa kultura, historya, relihiyon (urog na sa Romano Katolika), lokal na pagbareta, asin iba pa. Alagad an paggamit sa mga ladong ini iyo harayuon pa sa kamugtakan kan siyensya. Saro na ngani an programang "Mother Tongue-Based Multilingual Education" (MTB-MLE) sa mga nagin pagporbar sa pagsugpon kan "siyensya" sa dilang kinagima'tan.

Sa Bikol Wikipedia, an WikiProyekto Siyensya namokna bilang sarong inisyatibo kan komunidad tanganing irani an ultanan sa tahaw nin siyensya asin kan dilang kinagima'tan. Nahaman an proyektong ini kan Enero 2021, asin kan Mayo 2021 nahaman naman an pinakaenot kaining aki na proyekto ― an WikiProyekto Matematika.

Sa ngunyan, nagpapadagos an WikiProyekto Siyensya bilang saro sa mga pinakaaktibong proyekto sa Bikol Wikipedia.

Mga katuyohan kan proyekto baguhon

An Bikol Wikipedia bilang pangenot na gunuan nin mga siyentipikong artikulo na nakasurat sa lenggwaheng Bikol Sentral.
Teknikal na pagsurat nin mga siyentipikong artikulo gamit an lenggwaheng Bikol Sentral
Makahaman nin burabod na kaaraman sa dilang kinagamitan tanganing makatabang sa mga paraadal urog na sa elementarya
Makatabang sa pagpapadakul asin pagpapaurog nin mga artikulo sa Bikol Wikipedia

Hilingon man baguhon

Mga WikiProyekto sa Bikol Wikipedia
WikiProject Science sa Ingles na Wikipedia
Science and technology in the Philippines - artikulo sa Ingles na Wikipedia