Portal:Siyensya

Portal   Pahina kan Proyekto An Portal kan Siyensya An siyensya (gikan sa Kastila: ciencia, Ingles: science, Tagalog: agham) iyo an sistematikong proseso sa pagguno nin kaaraman asin an organisadong parte kan kaaraman na naguno sa paaging ini. An siyentipikong proseso iyo an sistematikong pagguno nin mga bagong kaaraman manungod sa sarong sistema. Harus, an siyentipikong paagi (scientific method) iyo an sistematikong pagguno, asin an natural sagkod manlainlain na parte kaini an saiyang sistema. An siyensya iyo pigbibisto man na an siyentipikong kaaraman na sistemikong naguno nin mga siyentipiko. Napiling artikulo An etanol (Ingles: ethanol, ethyl alcohol), inaapod man na granyulang alkohol, inumong alkohol, ispirito, o simple bilang alkohol, iyo sarong organikong kimikal na kompuwesto. Ini iyo sarong simpleng alkohol na may kimikal na pormula na C2H6O. An pormula pwede man masurat bilang CH3-CH2-OH o C2H5OH (sarong ethyl na grupo na nakasugpon sa hydroxyl na grupo), sagkod pigpapalipot man bilang EtOH. An etanol iyo sarong bolatilo, marikas magkalayo, mayong kulay na likido na may kadikit na karakter na parong. Ini iyo sarong sikoaktibo na substansya, rekreaksyunal na droga, sagkod an aktibong salak sa mga inumong alkoholiko. An etanol iyo natural na nahihimo sa paagi nin permentasyon kan asukar gamit an yeast o sa petrokimikal na proseso arug kan "ethylene hydration". Igwa man ini nin aplikasyong medikal arug kan pagigin antiseptiko sagkod disinpektant. Piggagamit man ini bilang kimikal na panunaw sagkod sa sintesis nin mga organikong kompuwesto. An etanol iyo saro man na alternatibong panggatong na ginikanan. Iba pang marhay-rahay na artikulo: Materya Elektron Bitoon Itom na labot María Orosa Obserbatoryo kan Manila Bataan Nuclear Power Plant COVID-19 DNA Permentasyon Protina Inhinyeriyang pangkimika Asidong asetiko asin iba pa. Napiling mga ladawan Mga test tube na may laog na mga solusyon nin pH 1–10 na pigkulayan gamit an sarong indicator. Higanteng mosaiko kan Hubble sa Crab Nebula, na iyo sarong tada na supernova An komunidad Nobyembre 2007 — Namokna an Kategorya:Siyensya sa Bikol Wikipedia Enero 2021 — Namokna an WikiProyekto Siyensya sa Bikol Wikipedia, an pinakaenot asin solamenteng proyekto manungod sa siyensya sa katutubong tataramon sa Filipinas Marso 2021 — Nakisumaro an siyentipikong komunidad sa WikiGap Philippines 2021 kun sain nahaman an mga biyograpiya kan manlainlain na Filipinang siyentista arug ni María Orosa asin iba pa. Abril 2021 — Sa pagkamokna kan WikiProyekto Gastronomiya, pigbisto an signipiko kan siyensya sa mga pagkakan asin inomon. Mayo 2021 — Namokna an WikiProyekto Matematika, an pinakaenot na aking proyekto kan WikiProyekto Siyensya. Mawot kan proyektong ini na magmokna nin mga artikulo dapit sa matematika - na iyo sarong suway na asignatura sa mga eskwelahan kaysa sa siyensya. Sa depinisyon, sarong lado kan siyensya an matematika kaya an Kategorya:Matematika iyo yaon sa irarom kan Kategorya:Siyensya. Hunyo 19, 2021 — Sa Philippine Institute of Chemical Engineers - Junior Chapter Luzon (PIChE-JCL) Fair 2021, naipresenta ni Ralffralff an saiyang pagboluntaryo bilang paraambag sa Bikol Wikipedia urog na an WikiProyekto Siyensya bilang parte kan ulayon na "Chemical Engineers and the Food & Beverage Industry". An kasibotan iyo pig-atendiran nin mga estudyante kan B.S. Chemical Engineering gikan sa bilog na Luzon sa Zoom. Agosto 2021 — Namokna an Portal kan Siyensya sa Bikol Wikipedia Hilingon man Kabikolan Arte Biyograpiya Kinaban Historya Literatura Matematika Siyensya Sosyedad Tataramon Teknolohiya Gabos na artikulo Dakol pa na mga kategorya... Katakod sa Wikimedia