Bukasan an pangenot na hùyagan
Kalye Arana sa tongod kan kwartel kan pulis Naga
Parte kan Kalye Arana kun saen namomogtak monumento ni Obispo Barlin

]]

An solar kan dating Casino Español iyo an namomogtakan na kan McDonalds

An Kalye Arana sarong tinampo na namomogtak sa siyudad nin Naga, Camarine Sur, Filipinas. Ini nadungto' sa Kalye Bayawas sa sarong ibong, naaging kwartel kan National Integrated Police asin sa monumento ni Obispo Jorge Barlin, dangan nabaktas sa Kalye Elias Angeles kun saen sa magkaibong na kanto kaini yaon an edipisyo kan McDonalds asin natapos sa kalye Penafrancia tongod na gayo kan Simbahan nin San Francisco.

Sarong masalaysay na tinampoLiwaton

An tinampong Arana saro man sa historikong tinampo ta igdi nangyari nanggad an sagupaan kan mga rebeldeng Filipino na iyo si dating gwardya sibil laban sa mga Espanyol kan taon 1898. Sa kalabaan kan tinampo nagborokbokan an duwang pwersa ta an kwartel kan Gwardya Sibil harani sanang gayo sa Simbahan nin San Francisco kun saen nagpaili an mga Espanyol. An dating kwartel kan Gwardya Sibil iyo na an solar na ginagamit kan National Integrated Police.

 
An mapa kan Naga

An lansangan na ini ipigngaran ki Mariano Arana, saro sa Kaglimang Martir kan Bicolandia asin sarong makahulogan na pangyari ta sa poro kan Kalye Arana itinindog an Plasa Quince Martires. Sa ibong kan Quince Martires, sa tongod kun saen na ngonyan namomogtak an edipisyo kan McDonalds yaon dati nakatogdok an Casino Español. Igdi nagtitiripon an mga Espanyol kan panahon kolonyal kun saen naglinga-linga sinda.

Hilinga manLiwaton

ToltolanLiwaton