Kalye Igualdad
An Kalye Igualdad sarong tinampo na namomogtak sa komersyal na distrito kan siyudad nin Naga, Camarines Sur, Filipinas. Ini inaapod na ngonyan na Dr. Jaime Hernandez Avenue sa pagtaong onra ki Dr. Jaime Hernandez, an kagpundar kan Unibersidad nin Nueva Caceres.[1]
An dating pangaran kaini kun saen naguno man iyo naghale sa kinurahaw kan mga Pranses kan nagputok an Rebolusyon Pranses (1789-1799) kan an banwaan kaini, an mga ordinaryong tawo, nagpirit makalungkas sa kontrol kan monarkiya asin matogdas an demokrasya sa bandera nin "libertad, igualdad y fraternidad".[2]
Igdi sa tinampong ini nakahanggilid an dakulang saod publiko kan siyudad (Naga City People's Mall) asin nakalirinya igdi an kadakul na pwestong komersyal kan mga Kaiinsikan. Ini man gayod an pinakamasibot na tinampo asin mahibog na pirmi igdi an trapik.
An Kalye Igualdad may kalabaan man, napoon sa kanto kan Kalye Zamora sa may Sabang sundo sa tinampo kan kalye Sta. Cruz na an huri iyo na an ginigilidan kan seminaryo.
Hilinga man baguhon
Toltolan baguhon
- ↑ Ordinance No. 1988-015 [1] Archived 2011-02-23 at the Wayback Machine.
- ↑ An Rebolusyon Pranses [2]
