Kalye Liboton
An Kalye Liboton sarong tinampo na namomogtak sa siyudad nin Naga, Camarines Sur, Pilipinas. Ini ngonyan inaapod nang M.T. Villanueva Ave sa ri'gon kan Akta Republika Numero 9704, aprobado kan Agosto 7, 2009.[1] Pigngaran ini ki Melchor Trinidad Villanueva, kagtogdas kan Naga College Foundation (NCF), sa pag'onra kan siyudad sa saiya.
Tinutubod kan mga gurang na nangaranan ini kaidtong panahon na "Liboton" ta kun mapasiring sa Simbahan nin Peñafrancia sa may tongod kan Barangay San Felipe, nalikaw pang gayo imbes na diretso malakaw pasiring simbahan na maagi sa Via Gainza (Kalye Peñafrancia). Yaon igdi naatubang man an eskwelahan na Naga College Foundation asin igdi makukua an residensya ni dainang Dolores Sison. An iba nagsasarabi na piglilibot kan enot na mga panahon an imahen ni Ina igdi sa lugar na ini.
An kalye Liboton o M.T. Villanueva Avenue sa ibong na poro konektado sa Kalye Bagumbayan asin sa ibong man na poro kaini nasumpay an Kalye Peñafrancia.
