Si Mariano Valenciano Arana (Abril 14, 1860 - ? 1896) saro sa kaglimang martir na inaresto kan Septyembre 16, 1896 asin kan Nobyembre 6, 1896, kairiba an ibang mga inaresto, pinagdestierro sa Fernando Poo, Aprika huli sa pagtubod kan gobyerno kolonyal na imbwelto sa rebelyon laban sa Kastila. Labilabi an inagihan niyang kastigo sa kamot kan mga Espanyol, binabalod, kinakadog, hinuhumbalan, ginugutom, binabalad sa init kan an bapor na nasakayan niya nagbaktas sa Dagat Pasipiko pasiring Espanya dangan pasiring Fernando Poo. An kairiba niya na pigdestierro sa Fernando Poo iyo sinda Ludovico Arejola, Tomas Valenciano, Vicente Ursua, Jose Desiderio Magulay, Antonio Arejola, Severino Patrocinio asin si Esteban Villareal. Siya duman na sa islang idto nagadan.[2]

Ladawan:Mariano Arana.JPG
Si Mariano Arana [1]

Pamilya baguhon

Siya namundag sa Magarao, Camarines Sur asin nagklase sa Seminario Conciliar de Nueva Caceres asin ta mapadi kuta siya alagad dai nakaantos ta siya herelangon na maray. An mga magurang niya iyo sinda Cleto Arana asin Vicenta Valenciano na mga prominente asin mga mayayaman igdi sa munisipyo kan Naga. May enot siyang agom na tagaBombon, Ambos Camarines alagad sa ikawalong bulan nin pagsaro, taon 1882, nagadan huli sa helang na cholera. An ikaduwang agom niya iyo si Paula Siguenza na tagaLibon, Albay. Sa agom niyang ini, nagkaigwa siyang pitong aki na iyo sinda: Zacarias, Josefina, Domingo, Angela, Vicenta, Cleto asin Rosa.[3]


Sa pagtaong onra saiya, saiya ipigpangaran an Kalye Arana


Toltolan baguhon

  1. Sarong pinta niya pinakopya kan pamilya Bartilet na mga taga-San Agustin, Canaman
  2. Meliton, Ignacio asin Ursua, Jacinto. Mga Sinarakit Bikolnon. 1944. Manuskrito. 102 pahina. Copyright by authors, 1946. Kinua 18-03-14
  3. op. cit. above. Meliton, Ignacio asin Ursua, Jacinto. Mga Sinarakit Bikolnon. 1944. Manuskrito. 102 pahina. Copyright by authors, 1946. Kinua 18-03-14