Deposisyon

An deposisyon (Ingles: deposition) iyo an pagbabago nin istado kun sain an gas nagigin solido nin dae na nag-aagi sa istadong likido. An deposisyon iyo sarong termodinamikong proseso. An kabaliktadan kan deposisyon iyo an sublimasyon kaya minsan iyo inaapod man ini na desublimasyon.

An mga tubig-sangaw hale sa humidong ere nin tag-yelo iyo nakadeposito nin direkta sa solido, kristalikong yelo sa bintana, na dae nagigin likido sa proseso.

Aplikasyon

Mga halimbawa

Sarong halimbawa kan deposisyon iyo an proseso kun sain, sa partidang nagyeyelong ere, an tubig-sangaw iyo naliliwat nin direkta sa yelo na dae nagigin likido ngona. Ini iyo kun pano an frost asin an hoar frost iyo namomokna sa kadagan o iba pang lugar. An iba pang halimbawa iyo kun an frost iyo maporma sa mga dahon.

Para mangyari an deposisyon, dapat mahali an termal na enerhiya hale sa gas. Kapag an ere nagin malipotong maray, an tubig-sangaw sa ere na nakapalibot sa dahon iyo nawawaran nin tamang termal na enerhiya para maliwat pasiring sa solido. Maski an temperatura kan ere iyo mas hababa sa puntong dew, an tubig-sangaw iyo dae makaka-kondensa nin basta-basta kun mayo nin paagi para mahali an latentong init. Kan pig-introdusir an dahon, an pinalipot na maray na tubig-sangaw iyo bigla na lang makondensa, pero sa puntong ini iyo nakalagpas na sa punto nin pagyelo. Ini iyo minakawsa sa tubig-sangaw na maliwat nin direkta sa solido.

An saro pang halimbawa iyo an mga itom-itom na nakadeposito sa pader nin mga chimney. An mga bagay na ini iyo nagsakat gikan sa kalayo sa mainit asin istadong gas. Kapag nagkaigwa sinda nin kontak sa pader, sinda iyo naglilipot sagkod naliliwat pasiring sa istadong solido, nin dae nagigin likido. An prosesong ini iyo minagamit nin deposisyong kombustyong kimikal na bapor.

Industriyal na aplikasyon

Igwa nin industriyal na proseso para sa pagtaklob, bisto bilang ebaporatibong deposisyon, kun sain an solidong materyal iyo pigpapainitan sa istadong gas sa kamarang may hababang presyon, an mga molekulang gas iyo nagbabyahe sa espasyo kan kamara asin nagdedeposio sa istadong solido sa target na lugar, na minahimo nin malumoy asin piot na lebel sa target na lugar. Liwat, an mga molekula iyo nag-aagi sa tahaw na istado nin likido kapag nagpapasiring gikan sa gas pasiring sa solido. Hilingon man sa deposisyon nin pisikal na bapor, na iyo klase nin mga proseso na ginagamit sa pagdeposito nin piot na lebel kan nagkapirang materyal sa manlainlain na ibabaw nin mga bagay.

An deposisyon iyo minaluwas nin enerhiya kaya ini iyo sarong eksotermikong pagbabago nin istado.

Hilingon man

• Sublimasyon
• Pagyelo
• Kondensasyon

Toltolan

• Gaja, Shiv P., Fundamentals of Atmospheric Modeling, Cambridge University Press, 2nd ed., 2005, p. 525 ISBN 978-0-521-83970-9
• Moore, John W., et al., Principles of Chemistry: The Molecular Science, Brooks Cole, 2009, p. 387 ISBN 978-0-495-39079-4
• Whitten, Kenneth W., et al., Chemistry, Brooks-Cole, 9th ed., 2009, p. 7 ISBN 978-0-495-39163-0
• Focus on Physical Science. Glencoe Science.