Tataramon na Kamayo

An Kamayo (Kinamayo o pigbabaybay man bilan Camayo), pig'aapod man na Kadi, Kinadi, o Mandaya, saróng minor na tataramon na Austronesyo kan sentral subangan Gilid-baybayon kan Mindanao sa Filipinas.

Kamayo
Subong sa	Filipinas
Rehiyon	Surigao del Sur asin Davao Oriental
Subong	Mga tawo nin Kamayo Mandayas
Subong na mga parataram	360,000 (2000 census)
Pamilya nin Tataramon	Austronesyo Malayo-Polinesyo Filipino Sentral Filipino Mansakan Kamayo
Mga kodigo nin tataramon
ISO 639-3	kyk
Glotologo	kama1363

Distribusyon

Pigtataram ini sa mga pirang lugar kan Surigao del Sur (sa syudad kan Bislig asin sa mga munisipalidad kan Barobo, Hinatuan, Lingig, Tagbina, Lianga, San Agustin & Marihatag) asin Davao Oriental, magkaiba an Kamayo poon sa saróng munisipalidad sa saró. An mga Lingiganon kakaiba sa iba pang mga munisipalidad sa paagi kan pagtaram ninda kan tataramon na Kamayo. Pigbaretá man kan Ethnologue na pigtataram man an Kamayo sa hangganan kan mga lugar sa Provincia nin Agusan del Sur, asin sa provincial nin Davao Oriental na natatangâ kan Lingig asin Boston.

Mga Diyalektos

An Kamayo halawakang pigtataram kan mga Mandayas sa mga lugar nin Davao Oriental. Kaano-ano kaini an Tandaganon asin Surigaonon. An pagkakaiba-iba kan mga diyalektos sanhí kan mga komunikasyon na magkakahalong diyalektos arog kan Tataramon na Cebuano sa mga barangay nin Mangagoy & Pob. Bislig. An mga banwaan nin Barobo, Hinatuan, asin Lingig igwang distinct bersyon an tinataram. An "hulapí" pigdadagdag sa kadaklan na adhetibo sa mga pormang superlatibo; halimbawa, an kataga na "gamay" sa Cebuano (Bikol Sentral: sadit) iyo an gamayay samantala an kataga na "dako" (Bikol Sentral: dakulá) pigtataram na dako-ay sa Bislig.

Pigklasipikar an mga diyalektos bilan Norteng Kamayo asin Sur Kamayo (Ethnologue).

Bokabularyo

Karaniwang mga pariralá

Kamayo	Tagalog	Bikol Sentral
Adi	Dito	Digdi
Ngadto	Doon	Duman
Ampan	Wala	Mayó
Aron	Meron	Igwa
Basi / Basin	Baka	Inda
Butang	Lagay	Laag
Hain	Saan	Saen (pigsusurat man na Sain)
Idtu	Ayon	otó/utó
Inday	Ewan	Dae ko aram/Inda
Ini / Ngini	Ito	Ini
Itun	Ayan	Uyá
Kamang	Kuha	Kua
Kinu	Kailan	Nuarin
Nanga sa	Bakit	Táno
uNaan / Naan	Ano	Ano
Pila	Magkano	Pira/Gura'no
Sinu / Sin-u	Sino	Siisay/Sisay
Tagi	Bigay	Táwan
Unuhon	Paano	Páno
Wara	Wala	Wará
Isu	Bata	Aki
hinuod	Matanda	Gurang
Irong	Ilong	Dungó

Hilingon man

• Mga tataramon kan Filipinas
• Mga tataramon na Mindanao