Wikipedia

Soju

An soju (gikan sa Koreanong: 소주; 燒酒) iyo sarong malinaw asin mayong kolor na inomong alkoholiko gikan sa Sur na Korea.[1][2][3] Harus pig-iinom ini nin mayong salak, asin poon 16.8% hasta 53% an kusog nin alkohol o alcohol by volume (ABV) kaini.[4][5] Kadaklan sa mga tatak nin modernong soju iyo ginibo sa Sur na Korea. Maski segun sa kaugalian na ginibo ini gikan sa bagas, trigo, o barley, kadaklan sa mga darakulang kompanya iyo pigribayan an bagas nin iba pang mga gawgaw arug kan patatas, kamote, o balinghoy (na inaapod na dangmil sa Koreano).

Soju
Pagbulos nin soju sa baso
KlaseInomong alkoholiko
Nasyung ginikananKorea
Rehiyong ginikananAndong
Kusog nin alkohol16.8–53%
KolorMalinaw
Mga ingredienteBagas

Etimolohiya

baguhon

An boot-sabihon kan soju (소주; 燒酒) iyo "nasusulong arak", kun saen an enot na silabang so (소; 燒; "sulo") iyo uli sa "init nin distilasyon", asin "arak" man an boot-sabihon kan ikaduwang silabang ju (주; 酒).[6] Kaidtong 2008, ipigbale an "soju" sa Merriam-Webster Dictionary.[7] Pigpetsahan kan Merriam-Webster an paglutaw kan taramong ini sa diksyonaryo na Amerikanong Ingles kan 1951.[2] Kaidtong 2016, ipigbale an taramong ini sa Oxford Dictionary of English.[8] Magkaparehas an ginikanan kan taramong soju sa shāojiǔ (烧酒) nin Tsino na mas bistado bilang báijiǔ (白酒), asin an shōchū (焼酎) nin Hapon na may ibang pangaduwang karakter.

An alternatibong pangaran nin soju iyo an noju (노주; 露酒; "hamog na arak"), kun sain an enot na letrang ro (로; 露; "dew") iyo uli sa patak-patak nin mga inipong alkohol sa proseso nin distilasyon sa patak kan hamog.[9][10] Kaiba sa mga tatak kan soju iyo an iseul (이슬), an gurang na taramon kan mga Koreano para sa "dew", o ro (로; 露), an taramong Sino-Koreano para sa "hamog".

Uusipon asin produksyon

baguhon
 
An Sot (cauldron), soju gori (kagamitan sa distilasyon), asin nagkapirang hangari (mga paso) sa pag-gibo nin tradisyonal na soju
 
An Andong soju kan famosong artisano na si Park Jae-seo

Nagpoon an soju sa ika-13 siglong Goryeo, kun nuarin ipinabisto an Lebantinong paagi nin distilasyon sa Rawis nin Korea kaidtong mga pag-atake kan mga Monggol sa Korea (1231–1259), nin mga Monggol kan Yuan na nakakua nin paagi kan pagdistila nin arak gikan sa mga Persyano kaidtong mga pag-atake ninda sa Lebante, Anatolia, asin Persya.[11] Naitindog an mga distilerya sa syudad nin Gaegyeong, an nagligad na kabisera (Kaesong sa ngunyan). Sa mga nakapalibot na lugar sa Kaesong, arak-ju (아락주) man giraray an apud sa soju.[12]

Nagpuon an Andong soju, an direktang ginikanan nin mga modernong baryante kan soju nin Sur na Korea, bilang sarong timplang harong na likor. Ini enot na nagibo sa syudad nin Andong, kun sain nagkasabatan an pamayo kan estasyong panlohistiko nin mga Monggol kan Yuan sa panahong ini.[13]

Segun sa kaugalian, ginigibo an soju sa paagi nin pagdistila kan alkohol gikan sa pina-alsom na granyula.[14] Kadaklang pinapa-alsom an arak-bagas para sa distiladong soju nin mga 15 na aldaw, asin kaiba sa pagdidistila an pagkalakaga nin nasalang, hinog na arak-bagas sa sarong sot (kaldero) na pinapatungan nin soju gori (distilador na may duwang lebel na may pipa). Kaidtong dekada 1920, igwang mas dakol sa 3,200 na serbesahan nin soju sa bilog na Rawis nin Korea.[15]

An soju daa sarong distiladong inumon na may 35% ABV hasta taong 1965, kun nuarin naglutaw an pinalabnaw na soju na may 30% ABV kaidtong pagbabawal nin gobyerno kan Sur na Korea sa tradisyonal na distilasyon nin soju gikan sa bagas para makapagpabawas sa mga kakulangan nin bagas.[5][15] Imbes kaini, ipigtao para sa soju an sobra na distiladong ethanol (95% ABV) gikan sa kamote asin balinghoy na piglaagan nin mga pampalasa, pampa-amis, asin tubig.[11][16] Minamarket an mga produkto sa manlain-lain na tatak nin soju. May sarong kompanya (Korea Ethanol Supplies Company) iyo an nagbebenta nin etanol sa gabos na paragibo nin soju sa Sur na Korea. Hasta sa huring parte kan dekada 1980, sakarina an pinakapopular na pampa-amis na ginamit nin industriya, pero naribyan na ini nin istebyosido.[17]

Maski ipinawarang-bisa an pagbabawal kaidtong 1999, padagos-dagos an paggibo nin baratong soju sa paaging ini. Naglalakop an pinalabnaw na soju sa mas hababang kusog nin alkohol. Kaidtong 1973, nagin 25% an ABV na dating 30%, asin nagin 23% ini kan 1998.[15] Sa ngunyan, lakop an soju na may ABV na mas hababa sa 17%.[4]

Pinapuon liwat nin mga pipirang rehiyon an pagdistila nin soju gikan sa mga granyula puon kaidtong 1999. An tradisyonal asin gibong-kamot na Andong soju iyo igwang harus 45% na ABV. An Hwayo (화요) iyo sarong tatak na may limang halo na nagbibilog sa rango nin ABV gikan 17% hasta 53%.[5]

Kaidtong dekada 2000, nagpuon mangibabaw an soju sa merkado nin likor sa bilog na kinaban.[nangangaipo nin toltolan] Jinro soju an pinakamabentang likor sa bilog na kinaban nin mas haloy sa sarong dekada.[18][19] Nakatampok an duwa pang tatak nin soju, an Chum Churum asin Good Day, sa nangengenot na 10, asin nasa nangengenot na 100 sa pankinabang likor kan 2016 an tolo pang tatak nin soju.[18]

Etiketa

baguhon

An pinaka-importanteng kinaugalian sa etiketa nin pag-inom sa Korea iyo an pinakajoven na tawo sa grupo an mabulos nin inomon sa mga kagurangan. Dae ini nag-aaplikar sa edad sana pero pati man sa hirarkiya sa laog nin kompanya. Sa pagbulos asin pag-resibe nin alkohol, parehong kamot dapat an gamiton sa pagkapot nin baso.

Mga tatak

baguhon
 
Sarong bote nin Chamisul na soju
  • Jinro - An pinakadakulang paragibo nin soju na responsable sa kabanga nin gabos na puting likor na nabenta sa Sur na Korea.[20] Pigbibilog kan soju an 97% sa kategorya. 750 milyong bote an pankinabang benta kaini kan 2013.[21] Sa ngunyan, an pinakasikat na baryante nin soju iyo an Chamisul[20] (참이슬 - literal na "totoong hamog"),[nangangaipo nin toltolan] sarong soju na pig-sara nin apat na beses na gibo nin Jinro. Pero kan mga nakaagi sana, pigpapadakula an Cheoeum-Cheoreom (처음처럼, lit. "arug kan enot na beses") kan Lotte Chilsung (롯데칠성) asin Good Day (좋은데이) kan Muhak (무학) an saindang parte sa merkado.
  • C1 Soju (시원 소주) - An lokal asin pinakasikat na tatak sa Busan
  • Ipsaeju (잎새주 - "bariking dahon") - Pigsasabing popular sa rehiyon nin Jeollanam-do[22]
  • Kumbokju - An kaggibo nin soju sa Kadakulaang Daegu na may sikat na tatak na Cham (참).[23][24]
  • Andong Soju - Saro sa may natatadang tradisyunal na pigdisdistilang tatk nin soju sa Korea[25]
  • Hallasan Soju - An pinakalakop na tatak na ipinangaran sa pangenot na bukid sa isla na iyo an Halla na mahihiling sa Espesyal na Probinsya na Namamayo sa Sadiri Jeju-do.[22]

Pagkonsumo

baguhon
 
An Sur na Korea an nangengenot sa pagkonsumo nin hard liquor sa bilog na kinaban.

Maski sumisikat na ang serbesa, whiskey, asin iba pang mga arak sa mga nakaaging taon, mantinidong saro sa mga pinakapopular na likor an soju sa Korea uli sa saiyang pagiging lakop asin medyo hababang presyo. Mas dakol sa 3 bilyon bote an naubos sa Sur na Korea kaidtong 2004.[26] Kaidtong 2006, pigtantya na an ordinaryong Koreano na may-edad (mas matanda sa 20) iyo nakaubos nin 90 na bote nin soju sa taong ito.[27] Kaidtong 2014, naiheras na nakaubos an mga Sur na Koreano nin yaon sa edad kan pag-inom nin 13.7 na tagay nin likor kada semana; an tantya sa Rusya, sa pangaduwang lugar, iyo 6.3. Harayo digdi an pagkonsumo sa Estados Unidos na iyo 3.3 na tagay, sa Canada iyo 2.5, asin sa Reyno Unido iyo 2.3 na tagay.[28]

Kaktel

baguhon
 
Sarong "soju cola" na pigpreparar sa pagpapalutaw kan soju sa ibabaw kan cola sa tabang nin napkin

Maski iniinom an soju nin mayong kaiba segun sa kaugalian, ginagamit an soju sa mga pipirang kaktel na halong inumon bilang baseng likor. Pupuwedeng isalak an serbesa asin soju para makagibo nin somaek (소맥), sarong portmanteau nin mga taramong soju asin maekju (맥주 serbesa).[29] Igwa man pinalasang soju. Popular man an pagsalak nin prutas sa soju asin iinumon ini sa saiyang pormang "lapunaw".[30] Sarong popular na pinalasang soju man an soju de-yogurt (요구르트 소주) na kombinasyon nin soju, yogurt, asin sodang limon-dayap.[31]

An poktanju (폭탄주) ("inumong bomba") iyo pigbibilog nin sarong tagay nin soju na hinulog sa pint kan serbesa (arug sa sarong boilermaker); iniinom ini nin marikas.[32] Arug ini sa bombang sake kan mga Hapon.[33]

Kun minsan, sala na pigsasabi an soju bilang cheongju (청주), na sarong Koreanong arak-bagas. Isinasala man an mass-produced na soju bilang Tsinong baijiu, sarong pang-likor na granyula, asin shōchū na sarong inumong Hapones.

Hilingon man

baguhon

Toltolan

baguhon
  1. ↑ "soju". Oxford Dictionary of English. Oxford University Press. Archived from the original on 17 May 2019. Retrieved 14 April 2017. 
  2. ↑ 2.0 2.1 "soju". Merriam-Webster Dictionary. Encyclopædia Britannica. Retrieved 22 November 2014. 
  3. ↑ Miller, Norman (2 December 2013). "Soju: the most popular booze in the world". The Guardian. https://www.theguardian.com/lifeandstyle/wordofmouth/2013/dec/02/soju-popular-booze-world-south-korea. 
  4. ↑ 4.0 4.1 Park, Eun-jee (19 November 2014). "Koreans looking for weaker soju". Korea JoongAng Daily. Retrieved 14 April 2017. 
  5. ↑ 5.0 5.1 5.2 Hall, Joshua (17 October 2014). "Soju Makers Aim to Turn Fire Water Into Liquid Gold". The Wall Street Journal. https://blogs.wsj.com/korearealtime/2014/10/17/soju-makers-aim-to-turn-fire-water-into-liquid-gold/. 
  6. ↑ "soju" 소주. Standard Korean Language Dictionary (in Korean). National Institute of Korean Language. Archived from the original on 15 April 2017. Retrieved 14 April 2017. 
  7. ↑ Boutin, Paul (8 July 2008). "Merriam-Webster's new dictionary words for 2008". Gawker. http://gawker.com/5022982/merriam-websters-new-dictionary-words-for-2008. 
  8. ↑ "New words list June 2016". Oxford English Dictionary. Archived from the original on 14 April 2017. https://web.archive.org/web/20170414082403/http://public.oed.com/the-oed-today/recent-updates-to-the-oed/june-2016-update/new-words-list-june-2016/. 
  9. ↑ "noju" 노주. Standard Korean Language Dictionary (in Korean). National Institute of Korean Language. Archived from the original on 14 April 2017. Retrieved 14 April 2017. 
  10. ↑ Pettid, Michael J. (2008). Korean Cuisine: An Illustrated History. London: Reaktion Books. p. 118. ISBN 978-1-86189-348-2. 
  11. ↑ 11.0 11.1 Cho, Ines (20 October 2005). "Moving beyond the green blur: a history of soju". Korea JoongAng Daily. Retrieved 14 April 2017. 
  12. ↑ "soju" 소주. Doopedia. Doosan Corporation. Retrieved 7 December 2008. 
  13. ↑ 도, 현신 (2011). Jeonjaengi yorihan eumsigui yeoksa 전쟁이 요리한 음식의 역사. Seoul: Sidae Books. pp. 213–224. ISBN 978-89-5940-200-7. 
  14. ↑ Jang, Gyehyang (1670). Eumsik dimibang [Guidebook of Homemade Food and Drinks] (in Middle Korean). Andong, Joseon Korea. 
  15. ↑ 15.0 15.1 15.2 Schwartzman, Nathan (25 March 2009). "90 Years of Soju". Asian Correspondent. Archived from the original on 9 July 2018. https://web.archive.org/web/20180709154220/https://asiancorrespondent.com/2009/03/90-years-of-soju/. Retrieved on 20 November 2020. 
  16. ↑ Chosun.com Infographics Team (29 August 2016). "증류식 소주 vs. 희석식 소주의 차이" (in ko). The Chosun Ilbo. Archived from the original on 28 September 2020. https://web.archive.org/web/20200928021643/http://thestory.chosun.com/site/data/html_dir/2016/08/29/2016082900988.html. Retrieved on 20 November 2020. 
  17. ↑ Chosun.com Infographics Team (22 August 2016). "이슬과 땀의 술, 소주 한잔 하실래요?" (in ko). The Chosun Ilbo. Archived from the original on 17 October 2016. https://web.archive.org/web/20161017042435/http://thestory.chosun.com/site/data/html_dir/2016/08/22/2016082202743.html. Retrieved on 20 November 2020. 
  18. ↑ 18.0 18.1 "Soju dominates Real 100" (PDF). International Wine and Spirit Research. 13 July 2016. Archived from the original (PDF) on 15 April 2017. Retrieved 14 April 2017. 
  19. ↑ Archibald, Anna (27 August 2015). "Why You Should Be Drinking Korean Soju Right Now". Liquor.com. http://www.liquor.com/articles/korean-soju/. 
  20. ↑ 20.0 20.1 "It's official: Jinro soju is the world's best-selling liquor". Cable News Network. Turner Broadcasting System, Inc. Retrieved December 15, 2015. 
  21. ↑ "Jinro Soju – the world leader". The Whiskey Exchange. Retrieved December 14, 2015. 
  22. ↑ 22.0 22.1 "The Most Popular Soju by Region in South Korea". Viki Inc. Archived from the original on August 3, 2016. Retrieved December 14, 2015. 
  23. ↑ "Charm Soju". EtradeDaegu. Archived from the original on August 2, 2016. Retrieved November 22, 2014. 
  24. ↑ "ð -"ִ "". Retrieved November 22, 2014. 
  25. ↑ "Archived copy". Archived from the original on 2012-04-02. Retrieved 2011-11-09. 
  26. ↑ "Cigarette Sales Surge to Historic High". Chosun Ilbo. Archived from the original on October 17, 2007. Retrieved June 29, 2005. 
  27. ↑ "Let's Have a Soju Tonight". KBS World. Archived from the original on March 9, 2010. Retrieved January 1, 2008. 
  28. ↑ "South Koreans drink twice as much liquor as Russians and more than four times as much as Americans". Quartz. Retrieved December 14, 2015. 
  29. ↑ "Korean Drink Soju Cocktail : Socol, Somaek". Foodstoryist. Archived from the original on May 27, 2016. Retrieved December 14, 2015. 
  30. ↑ "Slushie Soju, a new way for Koreans (the #1 alcoholic beverage consumers) in the world to enjoy their favorite beverage". 6Theory Media, LLC. Retrieved December 14, 2015. 
  31. ↑ "koreataste.org". Archived from the original on 2012-06-20. 
  32. ↑ "Heavy-Drinking Culture Challenged in S. Korea". The Seoul Times Company. Retrieved December 14, 2015. 
  33. ↑ "Sake Bomb". Autodesk Inc. Retrieved December 14, 2015. 

Panluwas na takod

baguhon
An Wikimedia Commons igwa nin medya dapit sa Soju.
Kinua sa "https://bcl.wikipedia.org/w/index.php?title=Soju&oldid=273255"