Katedral nin San Juan Evangelista (Hong Kong)
An Katedral nin San Juan Ebanghelista iyo an simbahan na katedral kan Diosesis kan Isla nin Hong Kong, asin magurang na simbahan kan Probinsya kan Hong Kong asin Macao. Digdi nagtutukaw an Arsobispo kan Hong Kong.
| St. John's Cathedral | |||||||||||||
| Tradisyonal na Intsik | 聖約翰座堂 | ||||||||||||
|---|---|---|---|---|---|---|---|---|---|---|---|---|---|
| Pinasimpling Intsik | 圣约翰座堂 | ||||||||||||
| |||||||||||||
Sa Garden Road, Sentral, an Katedral namumugtak sa tahaw kan Bank of China Tower, HSBC Building, Legislative Council Building, Former Central Government Offices, asin Korte kan Apela Pinal.
Saro an Katedral nin San Juan Evangelista sa limang katedral sa Hong Kong. An iba pa iyo an Holy Trinity Cathedral (Anglikano), All Saints' Cathedral (Anglikano), St Luke Orthodox Cathedral (Eastern Orthodox), asin an Katedral kan Imaculada Concepcion (Romano Katoliko).
Uusipon
baguhon
Ginibo an pinakainot na misa sa Katedral nin San Juan Evangelista kan 11 Marso 1849.
Kan 8 Desyembre 1941, an aldaw matapos atakehon kan mga Hapon an Pearl Harbor, sainda man na inatake an Hong Kong. Pasko nin aga kan 1941, si Reverendo Alaric P. Rose nagmisa sa Katedral na inatendiran nin sanggatos na tawo mantang padagos an pagbomba sa isla.
Kan panahon kan Pananakop kan Hapon sa Hong Kong, ginibong ining klub para sa mga Hapon. Dakol sa mga dekorasyon digdi an hinali kabali an mga orihinal na stained glass windows, na ginibo pa kan kompanyang William Morris.[1]
Kan 1981, si Peter Kwong nagin pinakainot na Tsinong Obispo kan Hong Kong.[2]
Kan 5 Hunyo 2012, nagkaigwang misa nin pasasalamat digdi para sa Diamond Jubilee ni Elizabeth II.[3][4]
Arkitektura
baguhonIni an pinakalumang asin nakatindog pang edipisyong panrelihiyosong igwang desenyong pang-arkitekurang Sulnopan sa Hong Kong, asin an pinakagurang na Anglikanong simbahan sa Harayong Subangan.[5]
Inideklarar ining sarong monumento kan Hong Kong taon 1996.[6]
Pagromdom kan Gyera
baguhonKataid kan katedral iyo an sarong dakulang Memorial Cross o Krus nin Pagromdom, na ibiniklad sa publiko ni Gobernador Sir Reginald Stubbs kan 921 bilang pagromdom kan mga soldador na nagadan sa Enot na Guerra Mundial. Kan panahon nin okupasyon kan mga Hapon, an krus ibinaba sa sarong patindog na hariging gibo sa granite. Kan 1952, sinanglian ini nin sarong krus na Celtic, na igwa nin dugang na ukit tanganing giromdomon idtong nagkagaradan sa duwang Guerra Mundial. An orihinal na bronseng tabla na igwa nin mga pangaran kan nagkagaradan kan Enot na Gyerra Mundial namumugtak sa laog kan katedral sa Kapilya nin San Miguel.
Lambang taon an mga dating myembro kan British Army minagibo nin sarong atang na seremonya sa Memorial Cross.
Kataid kan Memorial Cross iyo an sarong lapida na nakatahob sa lulubngan ni Private Ronald Douglas Maxwell, na nagadan sa Wan Chai tulong alaw bago an untok purutokan o ceasefire. Ini sana an lulubngan sa laog kan katedral, asin ipinagrehistro sa Commonwealth War Graves Commission.[7]
Toltolan
baguhon- ↑ "St John's Cathedral - A Historical Tour".
- ↑ "The Right Reverend Peter Kwong".
- ↑ "Home". Government of the United Kingdom. Archived from the original on 16 July 2012. Retrieved 16 December 2017.
- ↑ "Archived copy". Archived from the original on 14 December 2012. Retrieved 6 June 2012.
- ↑ "Hong Kong Tourism Board will organise some training programs preparing the Tour Guides" (PDF). Retrieved 16 December 2017.
- ↑ "St. John's Cathedral, Garden Road, Central – Declared Monuments – Antiquities and Monuments Office". Government of Hong Kong. Archived from the original on 2019-10-31. Retrieved 2019-10-31.
- ↑ "Casualty Record". Cwgc.org. Ginuno kan 16 Desyembre 2017.
