Wikipedia

Diosesis kan Isla nin Hong Kong

An Diosesis kan Isla nin Hong Kong saro sa tulong diosesis sa lindong kan Hong Kong Sheng Kung Hui, sarong probinsya kan Anglican Communion. Sakop kan teritoryo kaini an Isla nin Hong Kong asin pagtaraid na mga isla. An katedral kan Diosesis, an Katedral nin San Juan Evangelista, iyo an pinakagurang na nakatindog na edipisyong relihiyosong Sulponanon sa Hong Kong.[1] Itinugdok ini kan mga 1840.[2] An presenteng Obisyo kan Isla nin Hong Kong, siring man Arsobispo asin Primate kan Hong Kong, iyo si Paul Kwong, na itinalaga asin konsegrado kan 25 Marso 2006[3] asin 15 Enero 2007 susog sa pagkasunod. Matapos magretiro kan dating Arsobispong si Peter Kwong kan 2007,[4] siya pinili kan 3 Pebrero[5] asin konsegrado kan 26 Septyembre[6] sa parehong taon, bilang kasalihid kan pagretirong Arsobispo.

Diosesis kan Isla nin HongKong

香港島教區
Coat of arms of the Diosesis kan Isla nin HongKong
Coat of arms
Location
TerritoryHong Kong Island
Outlying islands
Ecclesiastical provinceHong Kong
HeadquartersSt. Stephen's Church
Statistics
Parishes9
Churches16
Schools33
Information
DenominationAnglican
RiteUse of Salisbury[nangangaipo nin toltolan]
Established22 September 1998
CathedralSt. John's Cathedral
Current leadership
BishopPaul Kwong
DeanMatthias Tze-wo Der
Bishops emeritusPeter Kwong
Website
dhk.hkskh.org
Mga Obispo
Pangaran Mga taon nin pagtukaw
Peter Kwong 1998–2007
Paul Kwong 2007–
  • St. Paul's Church
    St. Paul's Church
  • St. John's Cathedral
    St. John's Cathedral
  • Emmanuel Church
    Emmanuel Church
  • St. Matthew's Church
    St. Matthew's Church
  • St. Stephen's Church
    St. Stephen's Church
  • St. Mary's Church
    St. Mary's Church

Kasaysayan

baguhon

Matapos mamukna an Syudad nin Hong Kong kan 1843, pinili kan Simbahan kan Inglaterra si Reverendo Vincent John Stanton as bilang pinakainot na pading konlonyal tanganing magserbe sa Europeanong komunidad sa Hong Kong asin tanganing magmukna nin ministro sa bagong kolonya. Itinugdas ni Stanton an St Paul’s College tanganing mag-ensayo nin sarong bagong henerasyon nin mga Tsinong ministro para sa lokal na komunidad. Siya man an nagpatindog kan Katedral nin San Juan Evangelista.

Nagkapirang taon na nakalihis, itinugdas an Diosesis kan Victoria kan 1849 tanganing pahiwason an ministro sa Hong Kong, Tsina asin pagtaraid na mga rehiyon, asin si Reverendo George Smith an konsegrado asin napiling pinakainot na obisyo kan bagong diseosis. Sakop kan Diosesis an sarong mahiwas na lugar kabali an Hong Kong, Tsina asin Hapon. Si Bishop Smith nagparabyahe tanganing mapakarhay an ministro asin makatao nin pastoral na pangangataman sa mga bagong simbaha. Kan 1863, si Law Sum-yuen nagin dekano asin ini an nagin pinakainot na ordinasyon kan sarong Tsinong padi asin an pinakainot na Tsinong parokya, an Simbahan nin San Esteban, itinugdas kan 1865.[7]

Mga simbahan

baguhon

Sakop kan diosesis an labi sa 16 na mga simbahan asin mga kapilya sa bilog na Isla nin Hong Kong asin pagtaraid na mga isla.[8]

Mga parokya

baguhon
  • Katedral nin San Juan Evangelista, Sentral
  • Simbahan nin San Esteban, Sai Wan
  • Simbahan nin Holy Nativity, Shau Kei Wan
  • Simbahan nin San Pedro, North Point
  • Simbahan nin Santa Maria, Causeway Bay
  • Simbahan nin Santiago, Wan Chai
  • Simbahan nin San Pablo, Mid-Levels
  • Simbahan nin San Mateo, Sheung Wan
  • Simbahan nin San Lucas, Kennedy Town

Mga misyon

baguhon
  • Simbahan nin San Timoteo, Pok Fu Lam
  • Simbahan nin Grasya, Stanley
  • Simbahan kan Incarnacion, Discovery Bay
  • Simbahan kan Asuncion, Tung Chung
  • Simbahan nin Discovery Bay
  • Kapilya nin St. Stephen's Chapel (namumugtak sa St. Stephen's College), Stanley
  • Simbahan nin Emmanuel (namumugtak sai George C. Tso Memorial Chapel kan dai nang Béthanie Sanatorium), Pok Fu Lam

Toltolan

baguhon
  1. ↑ "St John's Cathedral". Hong Kong Tourism Board. 
  2. ↑ "A Brief History of St John's Cathedral". 
  3. ↑ "New Archbishop of Hong Kong elected". 
  4. ↑ "Hong Kong Sheng Kung Hui - History of the Province". 
  5. ↑ "鄺保羅獲選為香港聖公會大主教". 
  6. ↑ "本地教會 第3320期". 
  7. ↑ The Concise History of the Diocese of Hong Kong Island Archived 2017-08-05 at the Wayback Machine. [https://web.archive.org/web/20131229053741/http://dhk.hkskh.org/index.aspx?lang=1 Archived 2013-12-29 at the Wayback Machine. Websityo kan Diocese of Hong Kong Island (Anglican) Ginuno 13 Nobyembre 2019.
  8. ↑ "Parishes and Mission Churches". dhk.hkskh.org. Archived from the original on 2018-12-09. Retrieved 2017-05-12. 

Mga panluwas na takod

baguhon
Kinua sa "https://bcl.wikipedia.org/w/index.php?title=Diosesis_kan_Isla_nin_Hong_Kong&oldid=258981"