Gomihan

An gomihan (Artocarpus sericicarpus; Ingles: monkey-jackfruit), na inaapod man gomian asin gumihan, sarong nagkakahoy na tinanom sakop kan pamilya Moraceae. Natural na tubo sa Borneo, Sulawesi asin sa Filipinas, ini nalangkaw abot 120 na pye. An saiyang prutas, na naabot 20 sentimetro (8 pul.) an pagkadakula, nataong mga kunab na puti, malumoy, mamulotpulot pero naghahalnas, mahamot asin may pambihirang hamis asin namit. An bunga mismo bilogon, patos nin malomhok na "buhok" asin kun ini hinog na, nagkokolor malamulaw, o buru-bulawan. Ini totoo nagtutubo man na layas sa mga kadlagan, asin sa natad nataong mahiwas na limpoy, pakinabang na gayo kun mainit o masaldang. An mga dahon kaini nakaagid sa ogob saka sa rimas.

Gomihan
An bunga
Binaak na bunga
Sayantipiko na klasipikasyon
Kahadean:	Plantae
Klado:	Angiosperms
Klado:	Eudicots
Klado:	Core eudicots
Klado:	Rosids
Orden:	Rosales
Pamilya:	Moraceae
Genus:	Artocarpus
Espesyes:	A. sericicarpus
Ngaran binomyal
Artocarpus sericicarpus F.M.Jarrett

An mga pisog na hinalean nang kunab, pwede man labo'nan, sanlagon o pritoson. Ngane magnamit, winiwirikan gasiprot na asin. Garo mansana ini mani o pisog-langka na pwedeng pagsinga'singaon. Sa sarong bunga, pwedeng makakua nin dai mababa sa 40 pisog.

Mga arapodan sa ibang tataramon: pedalai, pulantan, tera bulu.

Kataytayan nin mga ladawan

• 
  Mga pisog, hinalean nang mga kunab
• 
  Mga gomihan na tamboan
• 
  Gomihan, masarong taon
• 
  Gomihan, 2 taon edad
• 
  Mga pisog may kunab pa

Mga panluwas na takod

• http://www.htbg.com/Moraceae/ART-011-1-20-002/ Archived 2015-12-20 at the Wayback Machine. Kinua 17-06-14
• http://www.rarepalmseeds.com/pix/ArtSer.shtml Kinua 17-06-14
• http://www.starrenvironmental.com/images/species/?q=artocarpus+sericicarpus&o=plants Kinua 17-06-14