Buboy Aguay
Si Bernardo Miguel "Buboy" O. Aguay Jr., gikan sa San Roque, Calabanga, Camarines Sur, sarong premyadong kagubay na Bikolanong parasurat sa mga tataramon na Ingles, Filipino asin Bikol.[1] Siya sarô man na paratukdô, parasurat sagkod direktor nin dula pan-entablado, parasurat sagkud direktor nin pelikula, asin iyo an kagsurat kan librong Gibsaw sa Salakab na ibinungsod kan 2008.[2][3]
| Bernardo Miguel O. Aguay, Jr. | |
|---|---|
 | |
| Minundagan | Nobyembre 18, 1968 San Roque, Calabanga, Camarines Sur |
| Alyas | Buboy Aguay |
| Kasibotan | Paratukdô |
| Nasyunalidad | Filipino |
| Edukasyon | Bicol College of Arts and Trades, Bachelor of Science in Industrial Education Major in Drafting Technology |
| Genre | Drama pan-entablado, usipon, tula, rawitdawit |
| Bantog na gibo | Gibsaw sa Salakab (2008) |
| Mga bantog na gawad | Gawad Pagromdom ki Carlos Palanca, Gawad Premyadong Parasurat nin Dula sa Bikol na tinao kan NCCA (2017), Gawad Parangal sa Alagad ng Sining |
Siya nagawadan sa Ika-61ng Gawad Pagromdom ki Carlos Palanca kan 2011 para sa saiyang halìpot na dulâ sa tataramon na Filipino na Posporo. Digdi nakamtan niya an ikatulong premyo.[4] Siya nagawadan man kan 2017 nin NCCA Writers Prize sa saiyang librong Balinhaya sa Baksteyds sa kategoryang drama sa tataramon na Bikol na kompunido ni limang halipot na dula na igwang mga titulong: Balinhaya sa Baybayon, Parasaginsagin, Pulang Payong, Sakristan Mayor, asin BurayButu.
Publikasyon
baguhonNagluwas an nagkapira sa saiyang mga rawitdawit sa An Tambobong nin Literaturang Bikolnon.[5][6][7] Kabali man an saiyang mga rawitdawit na may titulong "Kuhol" asin "X-Men an Padalan sa Vic Theater" sa Sagurong: 100 na Kontemporanyong Rawitdawit sa Manlain-lain na Tataramon Bikol (2011) na pigpublikar kan De La Salle University.[1] Nagin tagapakaray kaini, iyo sinda Kristian S. Cordero asin Paz Verdades M. Santos.
Independenteng naipublikar an saiyang koleksyon nin mga tulâ sa titulong TULA.K.ARATULA kan 2011. Apat pang mga panurat an saiyang ipinalagdâ nin surusadiri kan 2012: Posporo, Kan Mag-ati an Tubig sa Dagat, For-Guy asin Pulitika ng Paghuhubad. Kan 2013, kabali an saiyang halìpot na usipon na For-Guy sa antolohiyang Hagong: Mga Osipon na pinakarhay ninda Paz Verdades Santos asin Francisco Peñones, Jr.[8]
Iniluwas niya an suru-sadiring publikasyon na Taragoan Bingkay, sarong koleksyon nin mga usipon, sa Better Living Through Xeroxography kan Hulyo 30, 2016.
Organisasyon
baguhon
Siya pamayong kagmukna kan Parasurat Bikolnon, kaapil asin Artistikong Direktor kan Kaboronyogan Cultural Network asin an kagmuknâ kan Gawad Obrang Literaturang Bikolnon.[9][10]
Nagin kaapil man siya kan Kabulig-Bikol asin kan organisasyon pangkultura na Sumaro Bikolnon kun sain siya nagin bise presidente asin sarô sa mga direktor kaini kan 2010-2011.[11] Kagmukna kan Calabanga Creative Writers Circle asin Kaboronyogan kan mga Artistang Bikolano, Pebrero 2017. Kagmukna asin pamayo kan Bikolano Creative Writers Workshop, Disyembre 2018 bilang sarong aktibidad kan Kaboronyogan Cultural Network bilang pagmidbid sa dakulang kontribusyon kan mga parasurat sa mga dalanon. Representante kan National Commission for Culture and the Arts-National Committee on Dramatic Arts sa Southern Luzon Bikol puon 2020 sagkud sa 2022. Nagawadan nin honra bilang Alagad ng Sining kan Calabanga, Camarines Sur sa paagi kan ika-4 na Pagsalingoy: Surat 2020 na programa kan Central Bicol State University of Agriculture- Calabanga Campus.
Hilingon man
baguhonToltolan
baguhon- ↑ 1.0 1.1 Santos, Paz Verdades asin Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)
- ↑ Bernardo Miguel Jr. O. Aguay Jr. Gibsaw sa Salakab (AMS Press, 2008)
- ↑ Having free ride on cultural initiatives Bicol Mail (pighúgot 2012-01-22)
- ↑ 61st Carlos Palanca Memorial Awards winners Philippine Daily Inquirer (pighugot 2012-01-22)
- ↑ Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
- ↑ Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
- ↑ Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)
- ↑ Ateneo de Naga Press releases anthology of fiction, book of poetry KALATAS (pighugot 2015-06-19)
- ↑ Aguay, Bernardo Miguel, Mga tagapagtaram sa Kumperensya, Ikaapat na Pagsurat-Bikol 2012. Ateneo de Naga University. Abril 29-30, 2012.
- ↑ Gira kan Gawad Obrang Literaturang Bikolnon
- ↑ Sumaro Bikolnon eyes accreditation from city Bicol Mail (pighugot kan 2011-12-14)
Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.