Better Living Through Xeroxography

Better Living Through Xeroxography
Kamugtakan	Aktibo
Genre	Surusadiring publikasyon
Kalakawan	Taonan
Lugar	Manlainlain
Kinamumugtakan	• Syudad nin Quezon ; • Syudad nin Baguio ; • Syudad nin Cagayan de Oro ; • Syudad nin Naga
Pinonan	2010
Kagtugdas	Adam David asin Chingbee Cruz
Aktibidad	Tiripon asin bentahan

An Better Living Through Xeroxography (BLTX) sarong taonan na tiripon nin mga lokal na parasurat, parakurit asin iba pang artista sa Filipinas tanganing makapaghiras kan saindang mga suru-sadiring gibong babasahon, komiks, padukot, poster asin manlainlain na obra na kadaklan naiprodusir gamit an pagpapakopya sa paagi nin siroksograpiya o iba pang baratong paagi nin reproduksyon.^[1] Nagpoon ini kan 2010 sa syudad nin Quezon sagkod na naglakop sa iba pang parte kan nasyon sagkod sa syudad nin Baguio, Davao, Cagayan de Oro asin Naga.^[2]

Agi-agi

Namundag an BLTX sa sarong restobar sa Cubao, syudad nin Quezon kan 2010. Binalihan an nainot na serye kan tiripon nin mga parasurat na nag-aalok nin mga publikasyon asin iba pang interesanteng bagay-bagay na ginibo nin mano-mano o kun apodon do-it-yourself (DIY). Kadaklan sa mga ini mga babasahon na suru-sadiring pinalagdâ huli sa kawàran nin prensang mapublikar o mayong merkado nin parabasa.

An pagpabantog kan suru-sadiring pagpalagdâ o self-publishing iyo an pinakakatuyohan kaini. Nagpoon an ideya kan taonan na tiripon sa duwang-ribong tataramon na artikulong sinurat kan sarô sa mga kagtugdas kaini na si Adam David. Sa saiyang sinurat na nagluwas sa Philippines Free Press, inagda kaini an saradit na mga parasurat na dai magsarig sa darakulang prensa asin maghanap nin paagi tanganing maipublikar asin maihiras an mga gibo-gibo.

BLTX Naga

Hilinga man: Better Living Through Xeroxography Naga

Lamesa kan Parasurat Bikolnon sa BLTX Naga 3 kan 2017

Dinara ninda Jay Salvosa asin Ahj Eufracio an BLTX kan Hulyo 30, 2016 pakatapos na makapagpartisipar sa syudad nin Quezon. Dawà na nakabandera an sinyal numero uno huli sa bagyong paaboton, ginibo an tiripon na inapod DIYos Mabalos sa Anthosia Café sa syudad nin Naga. Sinundan tulos ini bàgo matapos an taon sa parehong establisyemento.

Tulong beses nang ginigibo ini sa syudad kun sain an pinakahuri ginibo sa Kape Naga kan Desyembre 15, 2017 mantang nakabandera an sinyal numero 2 sa Camarines Sur.

Kabali sa mga grupo na nagpapartisipar digdi iyo an Meet Every Other Weekend (MEOW), an Ateneo Literary Association, The Writers Project, Parasurat Bikolnon asin iba pa.

Toltolan

↑ Art through Xeroxography Archived 2017-12-29 at the Wayback Machine. Philippines^{[permanent dead link]}
↑ The power of the small press: On self-publishing in the digital age Archived 2017-09-13 at the Wayback Machine. CNN Philippines Archived 2015-06-17 at the Wayback Machine.

Mga panluwas na takod

Better Living Through Xeroxography Archived 2016-03-09 at the Wayback Machine. sa rocketkapre.com Archived 2018-01-10 at the Wayback Machine.
Better Living Through Xeroxography sa Facebook
BLTX sa Imgrum
BLTX sa tumblr.com
BLTX 7 Davao sa paoloramirez.wordpress.com

Pinopoonan an artikulong ini sa Literatura. Makakatabang ka sa Bikol Wikipedia sa pagparambong kaining pahina.

[1] Art through Xeroxography Archived 2017-12-29 at the Wayback Machine. Philippines^{[permanent dead link]}

[2] The power of the small press: On self-publishing in the digital age Archived 2017-09-13 at the Wayback Machine. CNN Philippines Archived 2015-06-17 at the Wayback Machine.

[1]

[2]