Si Al Francis Bichara (Setyembre 17, 1952) sarong Bikolanong politiko asin iyo an representante kan Ikaduwang Distrito kan Albay. Lolohon niya si Victor Bichara na kagrugaring kan Bichara Cinema sa rehiyon Bikol kan dekada 1950. Tugang niya man si Maribeth Bichara, sarong parabayle asin personalidad sa telebisyon. Myembro siya kan Partido Nacionalista.

Nagpoon an saiyang karera politikal kan magin alkalde kan Syudad nin Ligao poon 1986 sagkod 1992. Nagtukaw siya nin sarong termino sa Kamara de Representantes kan Filipinas kan 1992, asin naelihir bilang gobernador kan Albay kan 1995, 1998 asin 2001.

Si Bichara nagin embahador kan Filipinas sa Lebanon kan pilion ni Presidente Gloria Macapagal-Arroyo kan 2004 alagad nagbalik man sana sa Kamara de Representantes bilang representante kan Ikatulong Distrito pakalihis nin tulong taon, kan 2007. An saiyang kapangganahan nagtapos sa 42-taon na karera sa politika ni Carlos Imperial.[1] Kan 2013, nakakua siya nin 116,733 boto laban ki Sultan Wally Magdato, sarong independyenteng kandidato, na nakakua sana nin 11,718 boto.[2]

Saro sa mga bantog na propwestong ley ni Bichara iyo an House Bill 2355 na mawot halion an "lehitimo" asin "ilehitimo" sa Family Code kan Filipinas tanganing maprotehiran an kaakian bilang pantay asin mayo nin pagkakaiba o diskriminasyon.[3]

ToltolanLiwaton

Hilingon manLiwaton

Mga panluwas na takodLiwaton