William Kobbe
Si William August Kobbe (Nueba York, Mayo 10, 1840 - Nobyembre 18, 1931) sarong Amerikanong opisyal sa hokbo kan Estados Unidos. Kan 1900 nagtukaw siya bilang gobernador militar kan Albay asin siring man kan Mindanao asin Jolo, Filipinas.
Buhay asin karera
baguhonSiya nag'adal sa siyudad kan Nueba York asin poon 1854 abot 1857 duman siya nag'adal sa Wiesbaden, Alemanya. Inadalan niya an kurso sa mining engineering sa Freiberg asin Clausthal hanggan 1862 kun kasuarin nagbolunter siya magserbi sa hokbo sagkod na matapos an Gera Sibil. Sa serbisyo niyang ini nagsakat siya sa ranggo poon kapitan, brever-major, tinyente-koronel. Siya nanombrahan bilang tinyente sa regular na hokbo (infanteria) kan 1866 sa Mehiko Nuevo asin Kansas kan panahon nin pakikilaban sa mga Indian sagkod na mabalyo siya sa artilleria taon 1872.
Siya naggraduar sa eskwelahan sa artilleria kan 1873 asin dinara igdi sa Filipinas asin nagserbi igdi panahon kan Filipino-Amerikanong Gera, 1898-1901 na may ranggong komandante sa ika-3ng Artilleria nin Estados Unidos, koronel kan ika-35 United States Volunteers, asin brigadier general kan United States Army. Siya an namayo kan pinagsarong pwersa kan ekspedisyon naval asin army na naghuros sa Bicol sa pagbukas kan negosyo sa abaka sa komersyo asin man ginibo siyang gobernador militar igdi sa Albay, dangan sa Mindanao asin Jolo. Namayo pa man siya kan Departamento nin Dakota sa Saint Paul poon 1902 sagkod 1904 kun kasoarin siya nagretiro na dara an ranggong major-general.
An napangagom niya iyo si Isabella Hoffman na aki kan mag'agom na si William Hoffman, sarong major general sa hokbo kan Estados Unidos asin si Isabella Simpson.
Fort Kobbe
baguhonAn Fort Kobbe, na dati Fort Bruja, pigngaran saiya kan Abril 15, 1932, sa pag'onra asin pagromdom saiya asin kan mga naginibohan niya kan siya nagserbi igdi sa Filipinas.
