Partido Nacionalista
An Partido Nacionalista sarong partido pulitikal sa Filipinas na tinogdas kan Abril 29, 1907 na Manuel Quezon, Sergio Osmeña, asin ni Jose Fuentebella.
Ini an pinakagurang nang grupong pulitikal sa Filipinas, asin iyo an haros namayo sa liderato sa pagpadalagan kan nasyon sa haros kalawigan kan ika-20ng siglo poon kan ini matogdas kan 1907.
An partidong ini nagin behikulo sa pag'ogsod kan hiron nin katalingkasan, pagtogdok nin sarong modernong estado, asin hanggan sa pagtolod nin mahusay asin eficienteng pagpamahala kan gobyerno kan Filipinas. Ini nagdominar sa Asambliya Nasyunal (1907-1916), sa Lehislatura kan Filipinas (1916-1941).
Kan lumaog an Hapon asin sinakop an Filpinas (1941-1945) winara an gabos na partido pulitikal asin nagsangle an inaapod na KALIBAPI. Paglaog kan huring kabangaan kan siglong ika-20, an partidong ini saro sa mayor na nakikipagnosnosan sa pagkapot nin liderato, kaagaw-agaw an mga yaon sa Partido Liberal asin sa Partido Progresibo, durante kan mga dekada sa pag'tangaan kan ratak kan ika-2ng Gerang Pangkinaban asin kan mga pang'iiipit resulta kan diktadurya ipig'imponer ni Pres. Ferdinand Marcos.
Kan panahon ni Marcos, pig'alok an mga partido na magsararo na sa lindong kan inapod na Kilusan Bagong Lipunan pero an Partido Nacionalista dai naki-ayon asin pigbuhay liwat ini kan hurihan nin mga 1980 asin 1990 kan mga Laurel, na iyo an namoon poon pa kan mga 1950. Ngonyan nata'wan nin dagdag na pag'osol an partido kan si Manuel Villar, Jr. dinara an bandera kan partido sa saiyang pagbungsod kan saiyang kandidatura bilang presidente sa eleksyon presidensyal nin 2010.
Hilingon man
baguhonMga panluwas na takod
baguhon- An Opisyal na websayt kan Partido Nacionalista- http://www.nacionalistaparty.com/ Archived 2006-03-04 at the Wayback Machine.
- Agi-agi kan pagkamundag asin pagtalubo kan Partido Archived 2012-03-06 at the Wayback Machine.
