Bukasan an pangenot na hùyagan

Si Ferdinand Emmanuel Edralín Marcos (Setyembre 11, 1917Setyembre 28 1989) an ika-sampulong Presidente kan Republika kan Filipinas poon 1965 hanggan 1986. Sarô siyang abogado, myembro kan Kamara de Representantes (1949-1959), asin kan Senado kan Filipinas (1959-1965). Kan Ika-2ng Giyerang Pangkinaban, hinihinako' niya na nagin siya lider kan sarong gerilyang grupo na inapod niyang Ang Maharlika na nag-operar duman sa amihanan kan Luzon.

His Excellency
Ferdinand Marcos
Ferdinand Marcos.JPEG
Marcos in 1982
10th President of the Philippines
Termino
December 30, 1965 – February 25, 1986
Prime Minister Himself (1978–1981)
Cesar Virata (1981–1986)
Bise Presidente Fernando López (1965–1973)
Suminunod ki Diosdado Macapagal
Sinundan ni Corazon Aquino
3rd Prime Minister of the Philippines
Termino
June 12, 1978 – June 30, 1981
Suminunod ki Office established
(Position previously held by Jorge B. Vargas)
Sinundan ni Cesar Virata
Secretary of National Defense
Termino
August 28, 1971 – January 3, 1972
President Himself
Suminunod ki Juan Ponce Enrile
Sinundan ni Juan Ponce Enrile
Termino
December 31, 1965 – January 20, 1967
President Himself
Suminunod ki Macario Peralta
Sinundan ni Ernesto Mata
11th President of the Senate of the Philippines
Termino
April 5, 1963 – December 30, 1965
President Diosdado Macapagal
Suminunod ki Eulogio Rodriguez
Sinundan ni Arturo Tolentino
Senator of the Philippines
Termino
December 30, 1959 – December 30, 1965
Member of the Philippine House of Representatives from Ilocos Norte's 2nd District
Termino
December 30, 1949 – December 30, 1959
Suminunod ki Pedro Albano
Sinundan ni Simeon M. Valdez
Personal na mga detalye
Kamundagan Ferdinand Emmanuel Edralin Marcos
(1917-09-11)Septyembre 11, 1917
Sarrat, Ilocos Norte, Philippine Islands
Kagadanan Septyembre 28, 1989(1989-09-28) (edad 72)
Honolulu, Hawaii, U.S.
Lulubngan Ferdinand E. Marcos Presidential Center, Batac, Ilocos Norte
(1993–2016)
Heroes' Cemetery, Taguig, Metro Manila
(since November 18, 2016)
Partido politikal Kilusang Bagong Lipunan
Iba pang partido Liberal Party (1946–1965)
Nacionalista Party (1965–1978)
Agom Plantilya:Marriage
Mga aki 4 (Imee, Bongbong, Irene, and an adopted child, Aimee)
Alma mater University of the Philippines
Trabaho
Lagda
Military service
Allegiance Philippines / United States[lower-alpha 1]
Ranggo First lieutenant
Major
Unit 11th Infantry Division
14th Infantry Regiment
Battles/wars World War II


Siya pa lang an duwang beses naboto sa siring na pwesto. Siya man an kag-togdas kan Ley Militar (Sept. 21, 1972) sa kasagsagan kan pagbungkaras kan mga Kumunista asin kan mga maka-wala sa panahon na idto. Siya an presidente na halawig na gayo nagkapot kan siring na pwesto ta uminabot nin 21 taon (1965-1986). Siya man an presidente na napatalsik sa pwesto huli sa Matoninong na People Power kan Pebrero, 1986.

Mga laog

Kaamayan kan saiyang buhayLiwaton

Namundag si Marcos sa Sarrat, Ilocos Norte asin binunyagan sa pangaran ni Ferdinand VIII kan Espanya sa kagustohan kan saiyang mga magurang na sinda Mariano Marcos asin Josefa Edralin. Binunyagan siya sa simbahan kan Philippine Independent Church. Sinasabi na siya mahusay sa pakidebate, sarong boksyador, maray sa paglangoy, wrestler (pakikigumol) kan siya estudfyante pa sa Unibersidad kan Pilipinas.

Siya naggraduar na cum laude asin nakatapos kan adal nin abogasya sa U.P. College of Law kan 1939. Kan siya huben pang estudyante, nasahotan siya asin kinasuhan sa paggadan ki Julio Nalundasan, an lalaking duwang beses dinaog an saiyang ama sa pagkandidato sa pwesto sa Asambliya Nasyonal. Ano pa, nadaog siya sa kaso asin nasentensyahan. Kan siya nakukulong sa preso, lapigot na nag-adal siya kan kurso niya sa abogasya asin nakapasar sa halangkaw na maray na grado.

Nag-apelar siya sa Korte Suprema asin tuminindog siya komo abogado kan sadiri niya. Pinawa'ran-sala siya kan nasabing Korte kan eksaktong Septyembre 21, 1940.

Kalakawan sa panahon nin geraLiwaton

Paggera, siya nagin combat intelligence officer na apil sa ika-21ng Infantry division. Nakadamay siya duman sa sa Dakulang Laban Sa Bataan kan 1942 asin, kaiba an labing 75,000 na mga soldados, nagsakit siya sa pagbaklay kun saen pinirit nanngad na maghubo an mga preso hale sa Mariveles, Bataan pasiring sa Capas, Tarlac. Sa inapod na 'martsang kagadanan' na ini, siya nakadulag pero nadakop man giraray. Sa Fort Santiago kun saen siya ikinonkon, nakadulag otro siya.

Sa saiyang istorya hinihinako niya na dakula an papel niya sa laban duman sa Besang Pass. Alagad dakul an nagdududa kan saiyang mga tinataram sa bagay na ini. Sa mga archivos nin gera kan Estados Unidos mayong nasasambit nin siring. Totoo, sa mga retratong tunay, makikita siya na may mga dekorasyon siring kan Distinguished Medal Cross, Bronze Star asin Purple Heart. Sobra igdi, garo dakul na an dai natubod. Dai pang gayo determinado kan mga historyador kun sagkod saen an totoo sa mga bagay na ini.

 
Hale sa wala: Imee, Irene, si Pres. F. Marcos, Enot na Gining asin si Bongbong

Amay na karera sa pulitikaLiwaton

Kan matapos na an guerra asin matoninong nang naisulit an kamugtakan kan Republika, si Presidente Manuel Roxas pignombrahan siyang special technical assistant. Dangan nagdalagan siya komo Representante sa ika-2 distrito kan Ilocos Norte sa lindong kan Partido Liberal na nataon iyo an maykapot kan administrasyon. Tolong termino nagtukaw siya sa siring na katongdan. Kan 1959, nagdalagan siya sa pagkaSenador asin siya an may pinakahalangkaw na bilang sa boto. Siya tolos nagin Minority Floor Leader. Taon 1963, siya na an napiling magtukaw komo presidente kan Senado apesar siya naghahale sa partidong minoriya.

Sa eleksyon presidentyal kan taon 1965 napiritan si Marcos bumalyo sa Partido Nacionalista. Nagin siya kagdara kan estandarte kaini asin siya an inampon magin kandidato para presidente. Nangyari ini nin huli ta si Presidente Diosdado Macapagal binari' an pangako na dai na liwat makandidato asin si Marcos na an padadalaganon sa siring na pwesto na dara kan saindang partido, an Partido Liberal.

Anopang masabi, si Marcos an guminanang labilabi sa eleksyon na idto asin sinawsawan si Macapagal.

GobyernoLiwaton

Kan siya presidente kan Filipinas asin nagin komo sarong diktador kan madeklara an Ley Militar (1972), an gabos na pagboot naghahale na saiya. Seguro masabi na yaon sa infraestruktura asin sa diplomasya pang-internasyonal an saiyang dakulang kahamanan. An administrasyon niya kaidto naoonabi sa labislabis na korupsyon, nepotismo, asin despotismo asin sa pang-iipit pulitikal. sinasabi man na grabi an mga paglapas kan administrasyon sa mga deretsong pangtawo asin pagwara nin respeto igdi. Sa mga dekadang siya an solamenteng kagboot asin an saiyang tataramon ley nanggad dakul an mga makawala asin mga nagkokontra saiya an mysterioso asin biglang nagkawarara asin tinutubod na pinagadan na sana basta kan saiyang militar.

Kan Pebrero 1986, napatalsik siya sa poder na kinapotan niya sobrang duwang polong taon huli sa inaapod na People Power (Panbanwang Pwersa) kun saen nag-alsa an minilyon na mga Pilipino na hinuhurot nanggad na siya humilig na sa pwesto ta sabi ngani sa mga plakang iwinawagayway kan banwaan "tama na, sobra na, hale na!"

Mga panluwas na takodLiwaton

Mga toltolanLiwaton

  • Marcos, Ferdinand (1973). Notes on the New Society of the Philippines.
  • Library of Congress: Country Studies: Philippines. The Inheritance from Marcos
  • Valor: World War II Saga of Ferdinand E. Marcos, Jose Crisol & Uldarico Baclagon

.DAP. 1983.


Sambiton an kasalaan: <ref> mga tatak na eksistido para sa sarong grupo na pinagngaranan na "lower-alpha", alagad mayong kinasungkoan na <mga pinapanungdanan na grupo="lower-alpha"/>na tatak an nanagboan, o sarong panarado </ref> an nawawara