Si Rodrigo Roa Duterte (namondag Marso 28, 1945), bistado man bilang Digong, Rody, asin sa inisyal na PRRD, sarong Filipinong abogado asin politiko na iyo an ika-16 na presidente kan Filipinas poon 2016 hasta 2022.

Rodrigo Duterte
16th Presidente kan Filipinas
Termino
Hunyo 30, 2016 – Hulyo 1, 2022
Bise Presidente Rodrigo Duterte
Suminunod ki Leni Robredo
Sinundan ni Sara Duterte
Alkalde kan Syudad nin Davao
Termino
Hunyo 30, 2013 – Hunyo 30, 2016
Bise Alkalde Paolo Duterte
Suminunod ki Sara Duterte
Sinundan ni Sara Duterte
Termino
Hunyo 30, 2001 – Hunyo 30, 2010
Bise Alkalde Luis Bonguyan
Sara Duterte
Suminunod ki Benjamin de Guzman
Sinundan ni Sara Duterte
Termino
Pebrero 2, 1988 – Marso 19, 1998
Vice Mayor Dominador Zuño (Acting)
Luis Bonguyan
Benjamin de Guzman
Suminunod ki Jacinto Rubillar
Sinundan ni Benjamin de Guzman
Vice Mayor of Davao City
Termino
Hunyo 30, 2010 – Hunyo 30, 2013
Alkalde Sara Duterte
Suminunod ki Sara Duterte
Sinundan ni Paolo Duterte
Termino
Mayo 2, 1986 – Nobyembre 27, 1987
Officer in Charge
Alkalde Zafiro Respicio
Suminunod ki Cornelio Maskariño
Sinundan ni Gilbert Abellera
Member of the Philippine House of Representatives
from Davao City's 1st district
Termino
Hunyo 30, 1998 – Hunyo 30, 2001
Suminunod ki Prospero Nograles
Sinundan ni Prospero Nograles
Personal na mga detalye
Kamundagan Rodrigo Roa Duterte
(1945-03-28) Marso 28, 1945 (edad 79)
Maasin, Leyte, Philippines
Partido politikal PDP–Laban (2001–present)
Iba pang partido Kabataang Makabayan[1] (1970s)
Laban ng Makabayang Masang Pilipino (1998–2001)
Hugpong sa Tawong Lungsod (2011–present)
Kasaroan Honeylet Avanceña
Mga aki 4, including Paolo and Sara
Mga magurang Vicente Duterte
Soledad Roa
Dinakulaan Bahay Pagbabago[2][3][4]
Alma mater Lyceum of the Philippines University
San Beda College
Lagda
Websityo Official website
President Duterte sa SMX Convention Center sa Davao City

Siya an pinaka-enot na taga-Mindanao na nagin presidente. Si Duterte saro sa pinakahalawig na nagtukaw alkalde sa Filipinas. Nagin siyang alkalde sa Siyudad nin Davao nin pitong termino na, uminabot 22 na taon. Siya nagin man kongresista asin bise-alkalde kan Davao.[5]

Kan Nobyembre 27, 2015, si Duterte nagsangat kan saiyang kandidatura sa pagkaPresidente kan Filipinas sa mag'aaboton na 2016 na eleksyon sa opisina kan COMELEC sa Intramuros, Manila.[6] Si Duterte ginana an eleksyon presidensyal susog sa deklarasyon kan Kongreso, na nagtukaw bilang National Board of Canvassers, na nakakuang botong 16,601,997. Ini representado kan 39.01% kan enterong boto para sa mga kandidato para presidente.[7][8].[9]

Mga enot na taon baguhon

Si Duterte namundag Marso 28, 1945 sa Syudad nin Maasin, Southern Leyte, Filipinas. An saiyang ama iyo si Vicente G. Duterte, na nagin gobernador kan probinsya nin Davao (1959-1965) asin man nagtukaw alkalde kan Syudad nin Danao, Cebu poon 1983 sundo 1986. An ina niya, si Soledad Roa, sarong maestra asin lider sibiko na namundag sa Siyudad nin Cabadbaran, Agusan del Norte.[10]

Opisyo sa Siyudad nin Davao baguhon

Kan matapos an Rebolusyon kan Poder nin Banwaan 1986, si Duterte nanombrahan bise-alkalde. Kan 1988, siya nagdalagan komo alkalde asin nanggana, nagtukaw hanggan 1998. Nangyaring pinatukaw niya an mga representante sa siyudad na subol kan grupong Lumad asin Moro sa pinakaenot na pagkakataon ngane an mga ini may boses man sa pagpalakaw kan gobyerno. Dangan ta bawal na saiya magkapot kan pwesto pagkaalkalde, siya nagdalagan bilang kongresista asin guminana, dara niya an Enot na Distrito kan siyudad nin Davao. Kan 2001, nagdalagan liwat sa pagka'alkalde asin nanggana. Si Duterte napili ule' sa pagkaalkalde sa eleksyon kan 2004 asin 2007.

Mga tuyaw baguhon

Si Duterte, na binansagan kan Time magasin na "The Punisher" (An Parakastigo) tinutugot niya daa an inaapod na "extrajudicial killings" kan mga kriminal kan mga grupong vigilante o kan inapod na Davao death squad. Tinutugot niya daa an paggadan o an pagsotsot sa mga vigilante na gumadan o isalvage an mga kaggibo nin krimen. Sa sarong report kan Abril 2009 kan UN General Assembly kan Human Rights Council, sinabi na si Duterte daa "mayong ginigbong aksyon na mapondo o maulang an padagos na panggagagadan kan mga elementong kriminal asin garo ngane logod nag'aandoyog pa sa siring na mga aktibidad." An Human Rights Watch nag'osip na kan mga taon 2001-2002, si Duterte nagbuyagyag sa radyo asin telebisyon kan mga pangaran nin mga kriminal asin pakalihis pirang semana, an magkapira kaini biglang dinurukot asin ginaradan kan mga dai nabibistong mga vigilante. Sa sarong crime summit ginibo sa Manila Hotel kan Hulyo 2005, si Duterte maisog nagpahayag na an "summary execution" kan mga kriminal iyo an pinakaepektibong paagi sana ngane masumpo an kuriyat na krimen nin kidnapping asin ilegal na droga."[11]

Sabi pa niya kan 2009, "kun ika naggigibo nin mga ilegal na aktibidad sa sakong siyudad, sagkod na ako an alkalde, ika lehitimong target nin asasinasyon."

Toltolan baguhon

  1. Punzalan, Jamaine (May 3, 2016). "Duterte eyeing revolutionary gov't with Joma Sison: Trillanes". ABS-CBN News (Manila). http://news.abs-cbn.com/halalan2016/nation/05/03/16/duterte-eyeing-revolutionary-govt-with-joma-sison-trillanes. Retrieved on July 2, 2016. 
  2. Mendez, Christina (July 7, 2016). "Rody chooses Bahay Pangarap". The Philippine Star. http://www.philstar.com/headlines/2016/07/07/1600373/rody-chooses-bahay-pangarap. Retrieved on July 7, 2016. 
  3. Mendez, Christina (July 12, 2016). "Duterte moves into 'Bahay ng Pagbabago'". The Philippine Star. http://www.philstar.com/headlines/2016/07/13/1602375/duterte-moves-bahay-ng-pagbabago. Retrieved on July 13, 2016. 
  4. Andolong, Ina (July 27, 2016). "LOOK: President Duterte, Honeylet Avanceña give tour of Bahay Pagbabago". CNN Philippines. Archived from the original on December 25, 2018. https://web.archive.org/web/20181225131748/http://cnnphilippines.com/news/2016/07/26/Duterte-Bahay-Pagbabago-tour.html. Retrieved on July 28, 2016. 
  5. http://www.filipiknow.net/rodrigo-duterte/ Kinua 16-12-15
  6. http://www.rappler.com/nation/politics/elections/2016/114173-sara-duterte-run-davao-mayor Kinua 16-12-15
  7. http://news.abs-cbn.com/halalan2016/nation/05/27/16/duterte-robredo-win-2016-polls/ kinua 4-8-16
  8. http://www.bbc.com/news/world-asia-36253612 Kinua 4-8-16
  9. http://cnnphilippines.com/news/2016/05/27/official-count-duterte-president-robredo-vp.html Archived 2018-12-25 at the Wayback Machine. Kinua 4-8-16
  10. http://www.filipiknow.net/rodrigo-duterte/ Kinua 16-12-15
  11. http://www.news.com.au/world/asia/the-philippines-reallife-punisher-davao-city-mayor-rodrigo-duterte-urged-to-run-for-president/news-story/9a15371561b108e18f7157f00f642ea7 Kinua 18.12.15