Srivijaya

An Srivijaya (Indonesian: Sriwijaya) iyo an Buddhistang thalassocratic na imperyo basado sa isla kan Sumatra (sa modernong panahon na Indonesia), na impluwensyado an kadaklan kan Habagatan-subangan na Asya. An Srivijaya iyo an importanteng sentro para sa expansion kan Budismo poon kaidtong ika-7t sagkod kan ika-11 na siglo AD. An Srivijaya iyo an enot na polity na nagdominar sa kadaklan kan solnopan na Kadagatan na Habagatan-Subangan na Asya. Huli sa saiyang lokasyon, an Srivijaya nag-uswag nin komplikadong teknolohiya sa paggamit nin maritime resources. Dugang pa, an saiyang ekonomiya nagin progresibo na nakadepende sa nag-uuswag na kalakalan sa rehiyon, pigbabago iyan pasiring sa ekonomiya na basado sa prestihiyosong produkto.

Mapa kan expansion kan Imperyong Srivijaya, nagpoon sa Palembang kaidtong ika-7 na siglo, dangan nakaunat sa kadaklan kan Sumatra, dangan nakalakop sa Java, Riau Islands, Bangka Belitung, Singapore, Malay Peninsula (midbid bilang: Kra Peninsula), Thailand, Cambodia, South Vietnam, Kalimantan, Sarawak, Brunei, Sabah, asin nagtapos sa Kahadean kan Dharmasraya sa Jambi kaidtong ika-13 na siglo.