Sisig
An sisig terminong Kapampangan na boot sabihon "magsomsom sa kakanon na maalsom" asin sarong klaseng pagkakan na manongod sa mga prutas, parati hubal, na dinodotdot sa asin o suka. Pwede man manongod ini sa pag'ipos kan sira o karne, parati laman orig, na pinapalbag o babad sa maalsom na likido arog kan tagok lemonsito o suka dangan inaasinan, o kaagan paminta o sili asin iba pang rekado.
Ngunyan sa mga restoran dakul nang klaseng sisig- may tuna sisig, may adobong sisig, pork sisig, bangus sisig o pusit sisig. Alagad, an orihinal na preparasyon kaini an ginagamit iyo an dukot na laman kan kara nin payong orig, hutok, an talinga kaini patin ungos asin katoy kaini. An mga ini linuluto na maglumoy dangan tinuturu-tusta, inaasinan, kinakaagan rekado asin pwedeng kaagan sili ngane humarang asin rinaramasan nin hilaw na sugok. Parati ini somsoman sa irinuman, kaabay nin malipot na serbesa. ini man ang saro sa hilig kakanon kan mga dayo, lalo na kung ipapadis sa maluto.
Mga panluwas na takod
baguhon- http://panlasangpinoy.com/2009/07/26/filipino-food-appetizer-pulutan-sisig/ Kinua 17-06-14
- http://www.chow.com/recipes/30381-sisig-filipino-sizzling-pork Archived 2014-05-30 at the Wayback Machine. Kinua 17-06-14
- http://www.cookingchanneltv.com/recipes/sizzling-pork-sisig.html Kinua 17-06-14
