Saringsing Writers Workshop

An Saringsing Writers Workshop sarong taonan na workshop para sa mga nagpopoon na magsurat nin rawitdawit, usipon asin drama pang-entablado sa Filipinas. Pinapadalagan ini kan organisasyon nin Parasurat Bikolnon sa Camarines Sur katuwang kan lokal na gobyerno kan Syudad nin Naga asin manlainlain na institusyon asin organisasyon sa probinsya nin Camarines Sur. Ginigibo ini tuyong tig-init bàgo an anibersaryo kan organisasyon maliban kan 2011 asin 2014.[1]

Saringsing Writers Workshop
Saringsingwritersworkshop.jpg
Tatak kan hunglonan nin pagsurat
Kamugtakan Aktibo
Genre Kumperensya
Kalakawan Taonan
Lugar Manlainlain
Lokasyon  • Syudad nin Naga
(2011, 2013, 2016)
 • Pili, Camarines Sur
(2012, 2015)
 • Sentral na Bikolanong Unibersidad nin Estado kan Agrikultura-Pili, Camarines Sur (2014)
 • Kolehiyong Pundasyon nin Naga asin Pasacao, Camarines Sur (2017)
Pinonan 2011
Kagtugdas Buboy Aguay, asin iba pa
Mga partisipante Mga Bikolanong parasurat
Aktibidad Hunglonan nin pagsurat
Inorganisar kan Parasurat Bikolnon

Mga laog

Uusipon kan hunglonan nin pagsuratLiwaton

An workshop nagpoon bilang sarong impormal na riribayan nin tuyaw sa bàgong haman na mga rawitdawit kan myembro kan organisasyon. Ginibo ini kan Abril 27, 2011 sa Syudad nin Naga. Nasundan ini kan Marso 18 kan sumunod na taon sa Pili, Camarines Sur kun sain mga rawitdawit kan anom (6) na myembro kan organisasyon an isinalang para sa kritika.

Sa pakikipagtabangan kan lokal na gobyerno kan Syudad nin Naga ginibo Ika-3ng Saringsing Writers Workshop sa Naga City Hall bilang parte kan selebrasyon kan Bikol Arts Festival. Binuksan sa publiko an pag-akò nin mga partisipante kun sain kagduwang (12) mga parasurat an napilì para tulong-aldaw na workshop sa rawitdawit, rawitdawit pan-akì, halìpot na usipon asin usipon na pan-akì.[2] Nagin tagapagtaram sa workshop si Gabriel Bordado.

Sinundan an hunglonan nin pagsurat kan Desyembre 21-23, 2014 na ginibo sa Sentral na Bikolanong Unibersidad nin Estado kan Agrikultura (CBSUA) sa Pili, Camarines Sur. Ini an inot na pagkakataon na ginibo an aktibidad sa huring parte kan taon. Digdi, kagsaro (11) sa mga aplikante an napilì kun sain isinalang para sa kritika an mga rawitdawit asin halìpot na usipon sa mga tataramon na Bikol Sentral, Rinconada Bikol, Bikol Sulnopan na Albay asin Masbatenyo. Nagin katuwang kan organisasyon an Association of Student Grants-in-Aid for Poverty Alleviation (ASGP-PA) asin Philippine Rural Reconstruction Youth Association (PRRYA).[3]

Tulos na sinundan an workshop na ginibo liwat sa Palestina, Pili, Camarines Sur na nainot na ipig-anunsyo na gigibohon sa CBSUA-Pili Main. An duwang aldaw na hunglonan sa pagsurat itinaon sa ikalimang anibersaryo kan organisasyon.[4]

Ginibo an ikaanom na taon kan workshop sa Raul S. Roco Library kan Abril 15-17, 2016. Sa taon na ini, idinugang sa mga kategorya an dakitaramon o pagpalis sa arin man na tataramon na Bikol nin rawitdawit o halìpot na usipon na isinurat nin sarong lokal o dayuhan.[5]

Sampulong indibidwal an nakatapos kan 2017 na ginibo sa Kolehiyong Fundasyon nin Naga asin sa Que Pasacao sa bayabayon kan Pasacao, Camarines Sur.

Mga panelista asin partisipanteLiwaton

Nagtukaw bilang bisitang kritiko an manlainlain na parasurat arog ninda Jay Salvosa kan (2011), Jason Chancoco (2011, 2014, 2015 asin 2016) Frank Peñones (taon-taon maliban kan 2011 asin 2017), Irmina Torres (2013 sagkod 2016) asin Eilyn Nidea (2013 sagkod 2017), siring man ninda Estelito Jacob asin Jun Pesimo (2014 sagkod 2017), Bong de la Torre (2014), Rizaldy Manrique (2016 asin 2017) sagkod Emmanuel Barrameda (2017).

Kabali sa mga myembrong parasurat na nagtataong kritika iyo sinda Buboy Aguay, Marissa Redburn, Elbert Baeta, Jerome Hipolito, Jusan Misolas, Clinton Abilong asin Irvin Sto. Tomas.

Igwa nang tulompulo-apat (59) na parasurat an nagtapos sa Saringsing Writers Workshop poon kan 2012 sagkod 2017 gikan sa Albay, Camarines Sur, Camarines Norte, Catanduanes, Syudad nin Iriga, Syudad nin Legazpi, Syudad nin Ligao, Masbate, Syudad nin Naga asin Metro Manila.

Kataytayan nin mga ladawanLiwaton

ToltolanLiwaton