Neten Zangmo
Si Neten Zangmo (namundag 23 Septyembre 1961) [1] sarong opisyal sa gobyerno kan Bhutan asin pulitiko. Siya naging pamayo kan Komisyon Laban sa Korapsyon kan Bhutan, asin tinawan nin titulong Dasho kan 2009. [2]
Kan 29 Mayo 2017, siya naging pamayo kan Partido kan Bhutan Kuen-Nyam. [3] [4] Siya naghali sa pwesto kan Septyembre 16, 2018, sarong aldaw pakatapos dae ma-aser kan partido an inot na botohan para makasali sa general na eleksyon, alagad haros duwang taon bago maako kan BK an saiyang paghali. [5] An nagtogdas sa Partido na si Sonam Togbay, nagsabi sa Bhutan Broadcasting Service na masakiton na ribayan si Zangmo, huli ta kinokonsidera niya si Zangmo na pinakadakulang asset kan Partido. " Sa pamilyang BKP, igwa kami nin halangkaw na paggalang sa saiya asin may mga inaasahan man kami saiya.” [6]
Buhay asin Karera
baguhonNamundag siya sa Bumthang asin nagklase sa Sherubtse na pampublikong eskwelahan sa Trashigang.
Nagpoon siya magtrabaho para sa estado kan Bhutan kan 1985 bilang National Service Trainee asin kan naghaloy nagtaas sa rango kan Ministro kan Edukasyon. [7]
Kan 1986 sagkod 1989, siya nagserbi bilang Bise Principal sa Royal Bhutan Polytechnic; kan 1990 sagkod 1992, siya nagserbi bilang Prinsipal.
Kan 19 Oktubre 1990, siya naglipat sa Royal Technical Institure, kun sain siya naging Prinsipal sagkod 1999.
Siya naging Direktor kan Komisyon nin Pagpaplano kan 1996 sagkod 1999.
Kan 1999 sagkod 2003, nagserbi siya bilang Sekretarya kan Seckretariat kan Gabinete.
Kan 2003 sagkod 2006, siya an Sekretarya kan Ministro kan Foreign Affairs. [1]
Siya nanombrahan kan Hadi na si Jigme Singye Wangchuck bilang pamayo kan Komisyon Laban sa Korapsyon kan 4 Enero 2006. [1][2]
Komisyon Laban sa Korapsyon
baguhonBilang pamayo kan Komisyon Laban sa Korapsyon, siya nagpoon nin maisog na kampanya kontra igdi, asin nagbukas nin mga kaso laban sa mga tawong may halangkaw na katungdan. Sa sarong nasyon na mayong stigma an korapsyon, siya nagtrabaho para mas magmangno an publiko. Siya nag-agi sa mga huma asin insulto. Alagad, sinuportaran siya kan Hadi kan Bhutan na si Jigme Singye Wangchuck asin itinao sa saiya an titulo ni Dasho, kaya siya an naging pinaka-inot na babayi na nakakua kan titulo. [2]
Siya sinasabing "Iron Lady kan Bhutan", [7] asin bilang "alamat" asin "pinaka-importanteng babayi sa nasyon", sabi ni Bunty Avieson. [2]
Mga Toltolan
baguhon- ↑ 1.0 1.1 1.2 "CURRICULUM VITAE" (PDF). Royal Institute of Governance and Strategic Studies. Archived from the original (PDF) on 7 November 2017. Retrieved 4 November 2017. Unknown parameter
|url-status=ignored (help) - ↑ 2.0 2.1 2.2 2.3 Avieson, Bunty (2015). The Dragon's Voice: How Modern Media Found Bhutan. University of Queensland Press. pp. 154–157. ISBN 9780702253577.
- ↑ "Dasho Neten Zangmo is BKP President". Kuensel. Retrieved 3 November 2017.
- ↑ "BKP introduces three candidates". Kuensel. Retrieved 3 November 2017.
- ↑ "Dasho Neten Zangmo exits BKP". Kuensel. https://kuenselonline.com/dasho-neten-zangmo-exits-bkp/.
- ↑ Subba. "BKP requests Dasho Neten to reconsider resignation". Kuenselonline.com. https://kuenselonline.com/bkp-requests-dasho-neten-to-reconsider-resignation/.
- ↑ 7.0 7.1 "A tribute to the guardian of integrity: the first Commission of the ACC". Anti-Corruption Commission. Retrieved 4 November 2017.