Jigme Singye Wangchuck
Si Jigme Singye Wangchuck (Dzongkha: འཇིགས་མེད་སེང་གེ་དབང་ཕྱུག་, Wylie: jigs med seng ge dbang phyung;[1] namundag 11 Nobyembre 1955) sarong myembro sa Harong nin Wangchuck na dati iyo siya an hade kan Butan (Druk Gyalpo) poon 1972 sagkod na siya nagbutas sa katongdan a pabor kan saiyang matuang aki, si Jigme Khesar Namgyel Wangchuck, kan 2006.
Jigme Singye Wangchuck | |
|---|---|
 | |
| King of Bhutan | |
| Panahon kan Kapanyarihan | 24 July 1972 – 9 Desyembre 2006 |
| Koronasyon | 2 Hunyo 1974 |
| Suminunod ki | Jigme Dorji Wangchuck |
| Sinundan ni | Jigme Khesar Namgyel Wangchuck |
| Iminundag | 11 Nobyembre 1955 Palasyo Dechencholing, Thimphu |
| Spouse | 1st consort-Dorji Wangmo 2nd consort-Tshering Pem 3rd consort-Tshering Yangdon 4th consort-Sangay Choden |
| Isyu | Chimi Yangzom Wangchuck Jigme Khesar Namgyel Wangchuck Sonam Dechen Wangchuck Dechen Yangzom Wangchuck Kesang Choden Wangchuck Jigyel Ugyen Wangchuck Khamsum Singye Wangchuck Jigme Dorji Wangchuck Euphelma Choden Wangchuck Ugyen Jigme Wangchuck |
| Harong | Wangchuck |
| Amá | Jigme Dorji Wangchuck |
| Iná | Kesang Choden |
| Relihiyon | Tibetanong Budhismo |
Durante kan saiyang pamomoon, ipigtolod niya an paggamit kan inapod na Gross National Happiness index sa pagsukol kan kamugtakan kan mga namamanwaan imbes an Gross Domestic Product.[2]
Kaamayi kan buhay
baguhonSi Jigme Singye Wangchuck namundag sa [[Palasyo Dechencholing]] sa Thimphu, Butan, kan 11 Nobyembre 1955.[3] sa mga magurang niya na sinda Jigme Dorji Wangchuck asin Ashi Kesang Choden Wangchuck.[4] An opisyal politikal kan India nakaestasyon sa Sikkim asin an representante kan gobyerno Sikkim nagduruman sa pagtaong galang sa mga magurang asin pagtaong onra sa bagong mundag na tagamanang prinsipe. Sa edad na apat, mga 1959, an Prinsipe pigresibe an mga atang asin maogmang pataratara kan publiko, mga monghe, asin mga opisyales kan gobyerno sa enot na pangyayari sa Tashichho Dzong.[nangangaipo nin toltolan]
Si Wangchuck nagresibi nin edukasyon sa manlaen-laen na institusyon.Nagpoon siyang mag'adal sa Palasyo Dechencholing, kan siya anom sa edad kan taon 1961. Dangan kaidto nag'entra siya sa St. Joseph's School, Darjeeling, sa India. Kan 1964, siya nagklase sa Heatherdown School sa Inglatierra kun saen natapos niya an saiyang pag'adal, taon 1969. Sunod na peryodo kan saiyang pormal na edukasyon nangyari sa Palasyo Namselling kan 1969. Pinalmente, siya nag'atender klase sa Ugyen Wangchuck Academy sa Satsham Choten sa Paro, na ini natugdas kan 1970, kasarabay niya an mga iba pang mga piling estudyante harale sa iba-ibang lugar kan Bhutan.
Tagamanang Prinsipe
baguhonKan 1971 an ama ni Wangchuck pignombrahan siya komo Pamayo kan National Planning Commission, na iyo an kag'atom kan pagpanday asin pagbilog kan 5-taon na plano nin pagpauswag.[5] Sunod na taon, kan 16 Hunyo 1972, siya ginibong Trongsa Penlop na nagwaras saiya direktamente nin saffron na baliog o namza. An Ika-3 limang-taon na Plano (FYP),[6] na pinaglawig sa peryodong 1971–77, nagdadalagan na gayo kan an saiyang ama nagadan. Si Wangchuck 16 pa sana kaiyan. 1972 abot 1976 iyo an peryodong Ika-3 FYP, asin 1976 abot 1981 iyo man an peryodong Ika-4 na FYP.[7] Bilang Hade asin Pamayo kan National Planning Commission, na iyo an dalaydayan kan gabos na mga programa, siyang gayo an naggiya kan mga aktibidad enot sa heneral dangan sa mas detalyadong paagi kan nagadan na ama niya.
Toltola
baguhon- ↑ "Early life of King Jigme Singye Wangchuck". Bhutan Department of Information Technology. Retrieved 6 November 2008.
- ↑ Gross National Happiness
- ↑ WANGCHUCK DYNASTY. 100 Years of Enlightened Monarchy in Bhutan. Lham Dorji
- ↑ dpal ‘brug zhib ‘jug lte ba (2008). ‘brug brgyd ‘zin gyi rgyal mchog bzhi pa mi dbang ‘jigs med seng ge dbang pyug mchog ge rtogs rtogs brjod bzhugs so (The Biography of the Fourth King of Bhutan). Thimphu: The Centre for Bhutan Studies. ISBN 978-99936-14-57-9.
- ↑ Gross National Happiness Commission, Thimphu, Bhutan
- ↑ Gross National Happiness Commission. "Third Five Year Plan" (PDF). Archived from the original (PDF) on 29 March 2017. Retrieved 12 June 2015. Unknown parameter
|url-status=ignored (help) - ↑ "Salient Features of 4th Plan" (PDF). Gross National Happiness Commission. Archived from the original (PDF) on 14 July 2015. Retrieved 12 June 2015. Unknown parameter
|url-status=ignored (help)
