Bukasan an pangenot na hùyagan

Si Dr. Maria Lilia Fuentebella Realubit[1] (Oktobre 22, 1930 - Agosto 17, 2017) sarong kagubay na Bikolanang parasurat, retiradong propesor kan Kolehiyo nin Edukasyon kan Unibersidad kan Pilipinas asin resipyente kan Masirang na Bituon kan Kabikolan (Lifetime Achievement Award) sa inot na Premio Tomas Arejola para sa Literaturang Bikolnon kan 2004. Siya an kagmuknâ kan Kabulig Bikol asin Bikol Heritage Society, Inc.[2]

Maria Lilia Fuentebella Realubit
Realubit 2011.jpg
KasibotanParatukdô, parasurat, kritiko
NasyunalidadFilipino
LahìBikolano
GenrePagsaligsig
Bantog na giboBikols of the Philippines (1984); Bikol Literary History (2004)
Mga bantog na gawadMasirang na Bituon kan Kabikolan; Premio Tomas Arejola para sa Literaturang Bikolnon

Kabali sa mga naisurat niya iyo an pagpalis niya sa Ingles kan obra kultural ni Mariano Goyena del Prado an Ibalon: Ethnohistory of the Bikol Region (1983) (Ibalon: Monografia historica de la region bicolana), Bikols of the Philippines (1984), Bikol Dramatic Tradition (1989), Haliya Anthology of Bikol Poets and Poems (2004), Bikol Literary History (2004) asin Jose T. Fuentebella: Nationalist and Statesman (2004).[3] Kan Pebrero 2011, ipigbungsod niya an saiyang Bikol Poetry Galore At Last A Report, sarong kritika sa mga bagong rawitdawit.

KagadananLiwaton

Nagadan si Realubit huli sa helang na kanser sa halanohan.[4]

ToltolanLiwaton

  1. Realubit, Maria Lilia F. Ed.(1994). Journal of Bikol Writing. National Committee on Literary Arts National Commission for Culture and the Arts.
  2. de Ungria, Ricardo M. Enriching Knowledge by Publishing the Regional Languages Asiatic, Unibersidad kan Pilipinas-Mindanao, Hunyo 2009, p. 29-30
  3. Retired UP professor leads 'Premio' honores Bicol Mail (pighugot 2009-07-18)
  4. Ma. Lilia F. Realubit (1931-2017): Scholar, Writer, ‘Bikolista’ Business Mirror (pighugot 2017-08-26)