John Phelan

Si Fr. John Joseph "Jack" M. Phelan, S.J., (Agosto 31, 1922 - Nobyembre 6, 2005^[2] ) na inaapod man Fr. Jack, sarong heswitang Amerikano na nadestino sa Ateneo de Naga nin 44 taon, poon 1960 abot 2004 asin ini iyo mansana an itinaong destino para saiya kan saiyang komunidad .^[3]

Ladawan:Fr. Jack Phelan, S.J..jpg

Si Fr. Jack Phelan, S.J.^[1]

An saiyang mga magurang iyo sinda John Anthony Phelan asin Nell Mickler Phelan, pareho na gadan.^[4]

Mga katongdan sa Ateneo de Naga

Si Phelan naglaog sa komunidad kan mga Heswita kan Agosto 14, 1948 asin naordenan padi kan Hunyo 21, 1958. Kan Hulyo 20, 1960 siya sinubol igdi sa Filipinas na magsirbe sa Ateneo de Naga asin poon kaidto hanggan siya guminurang na husto, iyo mansana an saiyang destino. Enot pinatokdo siya nin Ingles asin Relihiyon sa mga estudyante sa haiskul. Alagad, nag'ayaw an mga taon dakul na katongdan an saiyang dinara. Nagin siyang Rektor kan Komunidad kan Heswita (Des. 31, 1985 - Pebrero 1989), Dekano sa Kolehiyo, Direktor kan Guidance Department, Pamayo kan Theology Department, Chaplain sa College asin Moderator kan Christian Life Communities. Sa gabos kaini, an saiyang paglingkod "tanda nin mahuyo na boot, matinabangon, may sabrit nin listong isip, asin daing paabaw-abaw na pakitrato sa kapwa," sa mga tataramon na gayong sinabi ni Fr. Joel Tabora, S.J.^[5]

Namamanwaan Filipino

Si Fr. Phelan, S.J. nagin naman sarong namamanwaan Filipino sa legalidad sa ri'gon kan Dekreto Presidensyal Nu. 836 na pinirmahan ni Presidente Ferdinand Marcos kan Desyembre 3, 1975, numerado 1238. ^[6]

Pagromdom

Sa pagromdom saiya, an siyudad nin Naga, sa ri'gon kan Ordinansa Nu. 2006-011 pigpangaranan an tinampo na nakonekta sa Tecla San Andres Ziga Road pasiring sa atubangan kan Ateneo de Naga High School Campus sa Bgy. Pacol, na "John Phelan Drive".^[7]

An sarong edipisyo man sa kampus kan Ateneo de Naga na Unibersidad pigngaranan na "John J. Phelan, S.J. Science Hall".

Sarong libro (“From the Bronx to Bicol: The Presence of Fr. Jack Phelan, S.J.”) an napublikar manongod sa buhay-buhay niya, an autor iyo si Joanna Selna N. Llorin. Ini pinalagda kan Ateneo de Naga University Press kan taon 2002.

Ilinubong siya sa Sacred Heart Novitiate Cemetery sa Novaliches, Quezon City kan Nobyembre 9, 2005 sa edad na 83.

Panluwas na takod

[1] Archived 2014-05-14 at the Wayback Machine. Manongod sa buhay ni Fr. Jack
[2] Archived 2014-05-15 at the Wayback Machine. Pabisto ni Fr. Joel Tabora, S.J.

Toltolan

↑ Retrato niya sinapi sa Archives, Fr. James O'Brien Library
↑ http://www.adnu.edu.ph/NewsAndEvents/11072005a.asp Archived 2007-06-07 at the Wayback Machine. Kinua 27-08-14
↑ http://www.adnu-alum.org/main1/news/0306/FrJack1.asp^{[permanent dead link]} Kinua 27-08-14
↑ http://www.adnu-alum.org/main1/news/0705/frJack2.asp Archived 2014-05-14 at the Wayback Machine. Kinua 27-08-14
↑ http://www.adnu.edu.ph/NewsAndEvents/11072005a.asp Archived 2007-06-07 at the Wayback Machine. Kinua 27-08-14
↑ http://www.lawphil.net/statutes/presdecs/pd1975/pd_836_1975.html Kinua 29-08-14
↑ http://naga.gov.ph/sp-matters/ordinances/culture-and-heritage-and-naming-of-streets/Kinua^{[permanent dead link]} 27-08-14

Sarong tamboan an artikulong ini. Makakatabang ka sa Wikipedia sa pagpoon kaining pahina.

[1] Retrato niya sinapi sa Archives, Fr. James O'Brien Library

[2] ttp://www.adnu.edu.ph/NewsAndEvents/11072005a.asp Archived 2007-06-07 at the Wayback Machine. Kinua 27-08-14

[3] ttp://www.adnu-alum.org/main1/news/0306/FrJack1.asp^{[permanent dead link]} Kinua 27-08-14

[4] ttp://www.adnu-alum.org/main1/news/0705/frJack2.asp Archived 2014-05-14 at the Wayback Machine. Kinua 27-08-14

[5] ttp://www.adnu.edu.ph/NewsAndEvents/11072005a.asp Archived 2007-06-07 at the Wayback Machine. Kinua 27-08-14

[6] ttp://www.lawphil.net/statutes/presdecs/pd1975/pd_836_1975.html Kinua 29-08-14

[7] ttp://naga.gov.ph/sp-matters/ordinances/culture-and-heritage-and-naming-of-streets/Kinua^{[permanent dead link]} 27-08-14

[2]

[3]

[1]

[4]

[5]

[6]

[7]