Ateneo de Naga na Unibersidad

Ateneo de Naga na Unibersidad
Ateneo de Naga na Unibersidad
	An Heswitang unibersidad sa Rehiyon Bikol, Filipinas
Dating ngaran	Camarines Sur Catholic Academy (1935-1939); Ateneo de Naga (1940-1998)
Motto	Primum Regnum Dei (Latin)
Motto sa Ingles	First, the Kingdom of God (Ingles)
Pagkakamuknâ	1940
Tipo	Pribado
Apilyasyon	Romano Katoliko (Heswita)
Tagapamayo	Atty. Monico V. Jacob
Presidente	Fr. Primitivo E. Viray Jr., S.J.
Prinsipal	Tita S. Natividad; (Sekondarya); Josephine C. Abinuman; (Elementarya)
Academic staff	377
Administrative staff	306
Estudyante	1,500 (Sekondarya); 186 (Elementarya)
Kolehiyo	5,000
Kinamumugtakan	Syudad nin Naga, Camarines Sur, Filipinas; 13°37′48″N 123°11′3″E / 13.63000°N 123.18417°ETagboan: 13°37′48″N 123°11′3″E / 13.63000°N 123.18417°E
Kampus	Panginot na kampus:; Bagumbayan Sur (Kolehiyo); Kampus nin Bonoan:; Barangay Pacol; (Elementarya asin Sekondarya)
Awit nin Alma Mater	"The Regnum Dei"
Mga kolor nin eskwelahan	Asul asin Bulawan
Atletika	Naga City Inter-Collegiate Basketball Tournament
Pakurusogan	Basketball Volleyball Football Swimming Chess Table Tennis Lawn Tennis Badminton
Gahâ	Golden Knights
Maskot	Golden Knight
Affiliations	AJCU-AP, JBEC, ASEACCU, CEAP, COCOPEA
Websityo	[1] http://adnu.edu.ph

An Ateneo de Naga na Unibersidad, sa Ingles Ateneo de Naga University (ADNU), sarong pribadong unibersidad sa pamamayo asin pagsasadiri kan mga Heswita sa Syudad nin Naga sa probinsya nin Camarines Sur, Filipinas.

Iminukna ini kan taon 1940 asin nagin sarong unibersidad kan Pebrero 20 taon 1999. Igwa ning labi sa 5,000 an estudyanteng naka-enrol ngunyan sa unibersidad. An Kolehiyo nin Komersiyo an may pinakadakol na estudyante na minabilog sa halos 40 porsiyento kan gabos na estudyante. An iba pang mga Kolehiyo sa unibersidad iyo an: Arte asin Siyensiya, Pag-adal sa Kompyuter, Edukasyon, Engineering, asin an pinakahuring namuknâ kan Hunyo 2004 na Narsing.

An "ThePILLARS" na namukna kan 1961 iyo an opisyal na publikasyon sa Kolehiyo, mientras an "Blue and Gold" na namukna kan 1949 an sa hayskul.

Kasaysayan

Kan 1940, sa imbitasyon kan Obispo (ngunyan inaapod na Arsobispo) kan Caceres na si Pedro P. Santos, asin sa panginginot ni Fr. Francis D. Burns, S.J. bilang Rector, ipinundar an Ateneo de Naga kan mga pading Heswita para sa mga kaakiaang lalaki. Ginibo an mga enot na eskwela sa edipisyo na dating ginagamit kan Camarines Sur Catholic Academy (ngunyan an Naga Parochial School). Mientras pinunan an pagtugdok kan bagong edipisyong na may facade sa pamosong apod na “four pillars.” Kan bulan kan Disyembre 1941 naglipat sa bago nindang residencia sa eskwelahan an sadit na grupo ning mga Heswita asin pinagpreparan an paglipat kan mga klase sa ipinagtukdok na istruktura pagkatapos kan Pasko, kan bigla man nagkaigwang Pacific War kan Disyembre 8.^[1]

Kan duminatong an mga Japanese Imperial Forces sa Naga, ikinarsel an mga Heswita (apwera ki Bro. Sergio Adriatico, S.J., na iyo sana an Filipino), sinakop an Ateneo de Naga asin ginibong lokal na Fort Santiago. Sa pagliwat kan independencia kan Filipinas kan taong 1946, naliwat man ang klase sa high school.^[2]

Minimidbid man kan Departamento nin Edukasyon an Ateneo de Naga na sarong kan Hunyo 1, 1947.

An urog na pagtalubo kan Ateneo nangaipo nin bagong istruktura nin padalagan. Kaya kan taong 1940 pig-amiendahan an Artikulo nin Inkorporasyon asin By-laws kan taong 1979, inilipat an pinakahalangkaw na autoridad kan pagpapadalagan sa Board of Trustees, an mayorya iyo an mga Heswita.

Sa halos kabangang siglo nin pagkamukna, dakol na importanteng nadiskubre asin dakol na katibaadan an inagihan kan Ateneo. An pagsakit sa ekonomiya kan panahon nin Martial Law nagdara ning pagbagsak kan enrolment sa kolehiyo. Alagad nabuhayan asin buminawi ini kasabay kan pagselebrar nin Golden Jubilee kan taong 1990. Niliwat an Graduate School kan taong 1993 na dai naghaloy kadtong dekada sitenta.

Kan 1979, an Kolehiyo asin High School an pinakainot sa Camarines Sur na ma-accredit kan Philippine Accrediting Association of Schools, Colleges, and Universities (PAASCU) asin tig-accredit na pantulong beses kan taon 1992. Kan taon 1991 ibinugtak kan Department of Education, Culture, and Sports an Ateneo sa listahan ning 18 matitibay na unibersidad asin kolehiyo sa nasyon.

An 90s an dekada ning pagtalubo para sa eskwelahan. Pinaotob an CORPLAN 2000. An programa para sa paghasa nin mga paratukdo tanganing magka-igwa sinda ning graduate degrees. Nagkaigwang pondo hali sa mga donasyon para sa scholarships asin professorial chairs. Nilangkawan an standards. Nagmukna man nin mga Centers asin Institutes. Nagtugdok ning mga bagong edipisyo. Luminangkaw ang enrolment. Kan taong 1997 tigbaranga an Kolehiyo sa apat na saradit na Kolehiyo: Arts & Sciences, Commerce, Education, asin Information Techonolgy asin Engineering.

Kan Pebrero 20 taon 1999, binistong sarong Unibersidad kan Commission on Higher Education an Ateneo de Naga sa pamamayo ni depuntong Fr. Raul J. Bonoan, S.J. Agosto 28 taon 1999 man nagin panduwang Presidente kan Unibersidad si Fr. Joel E. Tabora, S.J. Kan Hulyo 1, 2011 nasanglean siya ni Fr. Primitivo E. Viray, S.J. asin sagkod ngonyan (2014) an huri iyo pa an namamayo sa unibersidad na ini.

Sa ngunyan, an ADNU iyo an pinakainot sa bilog na nasyon na nagkaigwa ning Institutional Accreditation hali sa PAASCU. Ini apwera pa sa Autonomous Status na itinao kan Commission on Higher Education (CHED) asin kan Philippine Accrediting Association of Schools, Colleges, and Universities (PAASCU) Level III sa mga panginot kaining programa.

Mga himno

The Regnum Dei (J.P. Sousa)	Alma Mater Song (Nemesio S. Que, S.J.)
From Isarog through Bicol land To lofty Mayon Peak, Our flag is carried flying high in vict'ry or defeat. And never have we furled it yet in spite of foemen's might. We'll cheer our men unto the end We'll cheer them as they fight. Here's Ateneo's marching song We sing of victory. Through childhood days and youthful years High shall our purpose be. Regnum Dei is our cry, our fame and glory too, we'll fight and win or fight and die. ATENEO FOR GOD AND YOU.	Ateneo, Alma Mater, Your colors we raise on high Over mountains and hills, your honor we'll bring unto the glorious end. You have taught us to pay the price To be men for God and country. May we learn to love, may we learn To serve, for tomorrow belongs to us. Ateneo Alma Mater, High shall our purpose be. Regnum Dei is our cry. Our fame and Glory too. We'll keep our hearts forever true ATENEO FOR GOD AND YOU.

Prensa Unibersidad

Kan 2005 an Ateneo nagbugtak nin sarong university press para sa mga pagimprenta kan mga obra nin mga researcher asin kan mga manuskrito maninigo ipublikar. An mga operasyon kaini sa arop-aldaw an nagmamato iyo an sarong direktor manta' an pagpapublikar kan mga obra an pinal na naaprobar iyo an presidente kan unibersidad sunod sa pagrekomendar kan University Press Board.^[3]

Mga maoonabihan na mga alumni

Jesse Robredo: (2010-2012) Secretary of the Interior and Local Government, (1988-2006) Alkalde kan Syudad nin Naga.
Diosdado Macapagal-Arroyo: (2010–presente) Diputado Ikaduwang Distrito kan Camarines Sur.
Bea Saw, aktres asin Pinoy Big Brother Season 2 kampyon.
Raul Roco, Senador kan Filipinas
Joker Arrroyo, Senador kan Filipinas
Cristino Arroyo, Ateneo varsity basketball player

Kataytayan nin ladawan

Burns Memorial Hall
Covered Court

Mga panluwas na takod

Toltolan

↑ p.14-15. Gerona, Danilo M. The Ateneo de Naga At Seventy. University Press. Ateneo de Naga University. Pinublikar 2010. ISBN:978-971-93302-9-5
↑ p.46-52. Gerona, Danilo M. The Ateneo de Naga At Seventy. University Press. Ateneo de Naga University. Pinublikar 2010. ISBN:978-971-93302-9-5
↑ Team, i-Governance. "Ateneo de Naga opens university press with launching of 2 Bikol books « Dagos po sa Maogmang Naga". naga.gov.ph. Archived from the original on 2017-10-02. Retrieved 2017-10-01.

Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.

[1] .14-15. Gerona, Danilo M. The Ateneo de Naga At Seventy. University Press. Ateneo de Naga University. Pinublikar 2010. ISBN:978-971-93302-9-5

[2] .46-52. Gerona, Danilo M. The Ateneo de Naga At Seventy. University Press. Ateneo de Naga University. Pinublikar 2010. ISBN:978-971-93302-9-5

[Ateneo_de_Naga_opens_University_Press-3] Team, i-Governance. "Ateneo de Naga opens university press with launching of 2 Bikol books « Dagos po sa Maogmang Naga". naga.gov.ph. Archived from the original on 2017-10-02. Retrieved 2017-10-01.

[1]

[2]

[3]