Raul Bonoan
Si Fr. Raul J. Bonoan, SJ[1] (Hulyo 3, 1935 - Abril 6,1999[2]), sarong Heswitang padi, edukador, parasurat, lider sa komunidad, asin sarong Rizal scholar. Siya nagin dekano (1980) sa Ateneo de Manila University dangan nagin pamayo kan Ateneo de Naga kan Abril 1, 1989. Kan nagin unibersidad an Ateneo de Naga kan Pebrero 20, 1999 siya an nanombrahan na enot na presidente kaini.[3][4][5]
Si Fr. Bonoan iyo an sinasabing nagbangon kan Ateneo de Naga kan ini nagluluya-luya na. Sa laog sana nin tolong taon napagantad niya an kamugtakan kaini, napakaag niya sa lista kan DECS an Ateneo de Naga bilang saro sa mahusay na kolehiyo, napakarhay niya an pinansya kaini hale sa pagkalugi, nakakua siya nin damot na tabang pinansyal mala ta duminakul an mga iskolar kan kolehiyo, napalakbang an mga pasilidad asin nakapatogdok nin mga edipisyo.[6]
Bilang sarong nakikilabot sa problema kan komunidad, siya saro sa kagtogdas kan Bikol National Park Foundation, Sekretaryo Heneral kan Regional Development Summit kan 1993 asin Moderator kan Socio-Economic Summit of Camarines Sur kan 1995.[7] Saro kan edipisyo sa Ateneo Queborac Campus na ginagamit bilang cafeteria asin tiponan kan mga estudyante an ipigngaran saiya.
Siya sarong awardee kan TOFIL (The Outstanding Filipino Award) kan taon 1997 sa lantad nin edukasyon.
Nagadan si Padre Bonoan kan Abril 6, 1999, atake sa puso sa edad na 63.
Mga librong sinurat
baguhon- The Rizal–Pastells Correspondence: The Hitherto Unpublished Letters of Jose Rizal and Portions of Fr. Pablo Pastell’s Fourth Letter and Translation of the Correspondence Together with a Historical Background and Theological Critique. 1994. 229 pahina. Ateneo de Manila University Press (1994). ISBN-10: 9715501230.ISBN-13: 978-9715501231
- Light to the world : the vision of Fr. Raul J. Bonoan, S.J. Editor, Soledad S. Reyes. Office of Research and Publications, Ateneo de Manila University (2000). ASIN: B007ES3S6O.
Mga panluwas na takod
baguhonToltolan
baguhon- ↑ Gerona, Danilo Madrid, The Ateneo de Naga at Seventy Building a Tradition of Excellence , C2010 pp.195
- ↑ https://www.facebook.com/getblued.ateneo/posts/10151513156803947
- ↑ "Ateneo de Naga University - History". Archived from the original on 2013-09-04. Retrieved 2009-09-04.
- ↑ "Ateneo Alumni Association Canada (AAAC)". Archived from the original on 2009-04-04. Retrieved 2009-09-04.
- ↑ http://www.slideshare.net/deanflandez/the-enlightenment-deism-and-rizal Kinua 9-08-14
- ↑ http://www.tofil.ph/awardee_profile.php?id=44 Kinua 9-08-14
- ↑ http://www.tofil.ph/awardee_profile.php?id=44 Kinua 9-08-14
