Iraidan

An iraidan (inapod man kodkodan, iba lang desinyo) sarong kasangkapan sa kusina na panpidasong pirino kan mga bungang arog kan prutas, gulay o tinapay na may katagasan. An iraidan gibo parati sa sim na piglabot-labotan alagad sa ibang lugar igwa man iraidan gibo sa seramiko o porselana, asin uso naman ngane kaini an gibo sa plastik. Iginuguragod sa ibong kan pigralabotan an prutas.

Iraidan keso

An bunga halimbawa patatas iginogosgos sa mga uro-uroldot na kagaspangan resulta kan pagkaralabot kaini asin sa irarom kaini may salong plato o anoman kun saen an mga iniraid naghuhurulog.

Pag-aandam sa pagluto

Iba-ibang klaseng iraidan an igwang iba-ibang sukol kan mga labot depende sa hahandaon na pagluto. Alagad an mga ini inuusar sa pagpino kan keso, kan ubak nin aranghita (sa pagkua kan kiri), pagrunot kan patatas o kan iba pang lutoon na nag'agi na sa pagla'bon.

Historya

An iraidan keso naimbento ni François Boullier kan mga 1540 sa Pransya sa katuyohan na an mga matatagas nang keso mapakinabangan pa.

Mga ladawan nin iraidan

• 
  Tinugodan na iraidan
• 
  Pangkua kan kiri nin aranghita
• 
  Iraidan nutmeg
• 
  Mga iraidan sa mga magkapirang gilid
• 
  Porselanang iraidan la'ya