Kodkodan
An kodkodan o kodkoran masasabing iraidan mansana alagad tuyo sanang pigdesenyo para sa pagkuang pirinong laman kan niyog na gagamiton sa pagpiris o paggunaw kan guta. Sa lumang desensyo, an tarom kaini matabilog na may mga mapapanas na gari'gi' (mga ngipon) palibot asin an arag kaini nakasoksok asin ipinako sa sarong tukawan na kun saen diyan matukaw an parakodkod. Alagad, an mga kodkoran na elektrikal an tarom magka-krus asin ini marikas umitok dara kan pwersa nin elektrisidad. Ngane dai magtaralsik an pigkokodkod, ini may taklob na sim sa ibabaw sa tuyong maghurulog sana an kinodkod sa salod na yaon sa tongod kaini.
