Hidroelektrisidad
An hidroelektrisidad (Ingles: hydroelectricity), o hidroelektrikong kusog (Ingles: hydroelectric power), iyo an kuryenteng namomokna hale sa kusog kan tubig. Kaidtong 2015, an kusog hale sa tubig iyo nakahimo nin 16.6% kan pankinabang kuryente asin 70% kan gabos na naliliwat na elektrisidad,[1] sagkod iyo nahihiling na malangkaw nin harus 3.1% kada taon sa masunod na 25 na taon.
An kusog na hale sa tubig iyo namomokna sa 150 na nasyun, kun sain an Asya-Pasipiko na rehiyon iyo nakakamokna kan 33 porsyento kan pankinabang kusog hale sa tubig kan 2013. An Tsina an may pinakadakulang namomoknang kuryente hale sa tubig na igwang 920 TWh nin produksyon kan 2013 na minarepresenta sa 16.9% kan domestikong paggamit nin kuryente.
An gasto sa hidroelektrisidad iyo relatibong hababa, na minahimo saiya bilang sarong kompetitibong gunuan nin naliliwat na kuryente. An mga hidro-istasyon dae nagkokonsumo nin tubig, bakong arug kan coal o planta nin gas. An tipikal na gasto sa kuryente gikan sa hidro-istasyon iyo mas dakula nin 10 megawatts na iyo 3 hasta 5 US sentabo kada kilowatt hour.[2] Sa pagkaigwa nin dam asin reservoir ini iyo malalain kun kinakaipo huli ta an kantidad na namomokna kan istasyon iyo pwedeng maglain nin marikas (kasinsadit nin pirang segundo), palangkaw o pararom, para makua an pabarabagong pangangaipo kan enerhiya. Sa oras na mahaman an sarong pasilidad, an proyekto mayo nin direktang ati, sagkod harus may hababaon na kontribusyon sa lebel kan greenhouse gases kumpara sa mga plantang potoboltaikong asin minagamit nin fossil fuel.[3] Alagad, kun sa hababang kagubatan pigtugdok, kun sain an inundasyon nin parte kan kagubatan iyo kinakaipo, pwede sindang magluwas nin substansyal na bilang nin greenhouse gases.
An konstruksyon kan sarong pasilidad nin hidroelektrisidad iyo pwedeng magkawsa nin signipikong impak sa kapalibotan, urog na sa pagkawara nin matatanumang daga asin maiistaran. Nakakadisrapto man sinda sa natural na ekolohiya kan salug na nakakaapekto sa mga nabubuhay asin ekosistema, sagkod an siltasyon asin paterno nin erosyon. Mientras an mga dam pwedeng mapaurog an peligro kan pagbaha, pati naman an pagpalya kan dam na pwedeng magin katastropiko.
Hilingon man
baguhonMga panluwas na takod
baguhon| An Wikimedia Commons igwa nin medya dapit sa Hydroelectricity. |
- International Hydropower Association
- Hidroelektrisidad sa Curlie
- National Hydropower Association, US
- Hydropower Reform Coalition Archived 2018-01-08 at the Wayback Machine.
- Interactive demonstration on the effects of dams on rivers Archived 2019-07-25 at the Wayback Machine.
- European Small Hydropower Association
- IEC TC 4: Hydraulic turbines (International Electrotechnical Commission - Technical Committee 4) IEC TC 4 portal with access to scope, documents and TC 4 website Archived 2015-04-27 at the Wayback Machine.
Toltolan
baguhon- ↑ http://www.ren21.net/wp-content/uploads/2016/06/GSR_2016_Full_Report_REN21.pdf
- ↑ Worldwatch Institute (January 2012). "Use and Capacity of Global Hydropower Increases". Archived from the original on 2014-09-24. Retrieved 2012-01-20.
- ↑ Renewables 2011 Global Status Report, page 25, Hydropower, REN21, published 2011, accessed 2016-02-19.
Pinopoonan an artikulong ini sa Siyensya. Makakatabang ka sa Bikol Wikipedia sa pagparambong kaining pahina.