Gregorio Rosal
Si Gregorio Rosal (19 Abril 1947 – 22 Hunyo 2011), na bantog man sa tagong-ngaran na Ka Roger, iyo an pamayo kan Melito Glor Command kan New People's Army (NPA) sa rona nin Habagatan Tagalog nin Filipinas, asin man tagataram kan Partido Komunista nin Filipinas (CPP) poon 1994 sundo 2006.[2]
| Gregorio Rosal | |
|---|---|
| Kamundagan | 19 Abril 1947[1] Ibaan, Batangas, Filipinas |
| Kagadanan | 22 Hunyo 2011 (edad 64) Luzon, Filipinas |
| Nasyunalidad | Filipino |
| Iba pang mga ngaran | "Ka Roger" |
| Mga taon na aktibo | 1970s – 2011 |
| Midbid bilang | Tagataram kan Partido Komunista nin Filipinas-Bagong Hokbo nin Banwa |
Kaamayi kan buhay
baguhonSi Roger Rosal ikatolo sa anom na aki ninda Pablo Rosal asin Crispina Crusat, na pareho mga sakada. Mga tugang niya iyo sinda Nicetas, Bernardo, Felicidad, Emilia asin Remedios.[1] Siya sarong estudyanteng matale' kan Ibaan Elementary School asin St. James Academy sa haiskul, asin kun ano-ano na lang linalaogan na trabaho siring kan pagbalidya' nin kubong asin pagkolekta sa mga pataya' sa jueteng. Nagpoon kuta siyang mag'entra sa kolehiyo sa Golden Gate Colleges sa Batangas City kan 1971 sa edad na 24 alagad nagbutas pag'adal sa ikaduwang taon asin nagin nang myembro sa Partido Komunista nin Filipinas bago si Ferdinand Marcos nagdeklarang ley militar kan 1972.[3] Siya saro man na unyonista asin aktibistang estudyante, komo sarong kaapil sa Kabataang Makabayan.[4]Kan 1973, siya nasikop kan mga ahente sa seguridad kan gobyerno asin nakulong sa Kampo Vicente Lim sa Laguna, alagad nahimong makadulag pakalihis 5 bulan.[5] Si Rosal nag'apil na sa New People's Army pakalihis kaidto.
Karera sa Wala
baguhonSi Rosal natokahan kan trabaho na magtugdas nin mga pwersang NPA sa Habagatan Tagalog asin sa mga Bicol na mga probinsya durante kan mga 1970 asin mga 1980.[4] Si Rosal nagin tagataram sa lebel nasyonal kan Partido Komunista nin Filipinas kan 1994, dara niya mga pahayag asin interbyu sa telebisyon asin mga radyo. Imbitado niya an mga peryodista sa mga kampo kan NPA, parati siya pa personal an nangangagda.[5] Siya idinamay kan dating Chairman kan CPP Central Commitee na si Rodolfo Salas bilang saro sa lider kan makuring pageliminar kan mga sinasahutan na mga espiya sa laog kan hiron kan mga rebelde sa Habagatan Tagalog na nangyari kan 1988 na binansagan na "Operation Missing LInk." Alagad an Partido Komunista nagpaluwas nin pahayag kan 2003 na si Rosal mayo man nin kasa'lan.[6] Nagsarabi an iba na siya "makuring pinagsita asin dinisiplina"[4] dai niya napauntok an mga panggagadan sa soboot mga espiya, alagad dai man nasabi kun anong kastigo saiya.[5]
Hilnga man
baguhonToltolan
baguhon- ↑ 1.0 1.1 "Communist spokesman Ka Roger Rosal is dead – CPP". GMA News. 9 October 2011. http://www.gmanetwork.com/news/news/nation/234799/communist-spokesman-ka-roger-rosal-is-dead-cpp/story/. Retrieved on 29 November 2017.
- ↑ "AFP to NPA: Prove Ka Roger is still alive". GMA News. 30 November 2010. http://www.gmanetwork.com/news/news/nation/207209/afp-to-npa-prove-ka-roger-is-still-alive/story/. Retrieved on 29 November 2017.
- ↑ Salamat, Marya (30 March 2016). "Thousands pay tribute to Ka Roger Rosal, a revolutionary". Retrieved 30 November 2017.
- ↑ 4.0 4.1 4.2 Villanueva, Raymund (17 October 2011). "Red fighters in Batangas salute Ka Roger". Retrieved 30 November 2017.
- ↑ 5.0 5.1 5.2 Avendaño, Christine O.; Mallari, Delfin Jr. T.; Pazzibugan, Dona Z. (10 October 2011). "Ka Roger died of heart attack 4 months ago—CPP". Philippine Daily Inquirer. http://newsinfo.inquirer.net/73091/ka-roger-died-of-heart-attack-4-months-ago-cpp. Retrieved on 30 November 2017.
- ↑ Villa, Benjie (7 February 2003). "CPP clears Ka Roger of bloody 1988 purge". The Philippine Star. http://www.philstar.com:8080/headlines/194489/cpp-clears-ka-roger-bloody-1988-purge. Retrieved on 30 November 2017.
