Gina Lopez

Sa Pangarang Pilipino, an katahawang pangaran o maternal na pangaran nin pamilya iyo an La'o dangan an apelyido o paternal na pangaran nin pamilya iyo an Lopez.

Si Regina Paz "Gina" La'o Lopez (Disyembre 27, 1953–Agosto 19, 2019) sarong Pilipinong enviromentalista asin pilantropo, sya namayo sa Pasig Rehabilitation Commission. Nagsirbi sya bilang sekretarya kan Department of Environmental and Natural Resources (DENR) kan Pilipinas sa ad interim na estado sa irarom kan gobyerno ni Presidente Rodrigo Duterte. Sya saro man na misyonaryo kan yoga asin kagmukna kan corporate social responsibility.

Gina Lopez
Si Lopez kan 2017
Kahilom kan Environment and Natural Resources Ad interim
Termino Hunyo 30, 2016 – Mayo 3, 2017
President	Rodrigo Duterte
Suminunod ki	Ramon Paje
Sinundan ni	Roy Cimatu
Chairperson kan Pasig River Rehabilitation Commission
Termino Agosto 23, 2010 – Agosto 19, 2019
President	Benigno S. Aquino III Rodrigo Duterte
Suminunod ki	Horacio C. Ramos
Sinundan ni	Jose Antonio E. Goitia
Personal na mga detalye
Kamundagan	Regina Paz La'O Lopez (1953-12-27)Desyembre 27, 1953
Kagadanan	Agosto 19, 2019(2019-08-19) (edad 65) Makati, Metro Manila, Pilipinas
Agom	Sona Roy (separated)
Mga aki	Roberto "Bobby" Roy Benjamin "Ben" Roy
Mga magurang	Eugenio Lopez Jr. Conchita La'O
Alma mater	Assumption College Boston College Asian Institute of Management
Kasibotan	Kahilom nin gabinite ehekutibo environmentalista pilantropo

Kan Mayo 3, 2017, an Commission on Appointments pormal na hinali an saiyang pagigin environment secretary. Sya an panduwang myembro kan gabinete ni Presidente Rodrigo Duterte na hinali kan Commission on Appointments, sunod ki dating Sekretarya kan Department of Foreign Affairs na si Perfecto Yasay.

Kaamayi kan buhay

Si Lopez aki kan dating ABS-CBN Chairman Eugenio Lopez, Jr. kan Iloilo asin Conchita La'o kan Manila. Igwa syang anom (6) na tugang; tugang nya man an ABS-CBN Chairman na si Eugenio Lopez III. Si Lopez nagtapos sa Assumption College asin Newton College of the Sacred Heart sa Boston (na ngunyan inaapod nang Boston College). Igwa sya nin pangmasteral na degree sa Development Management sa Asian Institute of Management. Igwa sya nin duwang (2) aki.

Imbweltong pangsibiko

Pagkatapos kan saiyang pagklase sa Estados Unidos, si Lopez binayaan an saiyang marangyang buhay sa Manila para magin sarong misyonaryo kan yoga, kun sain itinao nya an saiyang baynteng (20) taon na pagbuhay asin nag-istar sa Portugal, India, asin Africa. Nabisto nya sa Africa an saiyang dating agom, ama kan saiyang duwang aki. Sya nagin sarong Ananda Marga yoga missionary na nagtutukdo nin yoga, asin nagpapadalagan man nin sarong eskwelahan pang-aki asin nagtataong harong sa mga pobreng kaakian. Nag-istar sya kaiba an mga tao sa mga pobreng lugar sa Africa, sya man giniyahan kan saiyang pagtubod na,"An pagsirbi sa sangkatauhan, pagsisirbi man sa Diyos."

Sa saiyang pagbalik sa Pilipinas, pinunan nya an mga programang environmental asin pagbuo kan mga Pilipinong komunidad. Sya nagin Managing Director kan ABS-CBN Foundation.

Sya an naggibo kan Bantay Bata 163, an inot na media-based hotline sa nasyon. Kan 1997, an Bantay Bata resipyente kan United Nations Grand Award para sa ekselehensya na ikinalamang kani sa ibang 187 na mga nayon sa kinaban.

Itinindog nya man an Bantay Kalikasan, kun sain sya ginawadan nin 1997 International Public Relations Award of Excellence for the Environment asin Outstanding Manilans Award for the Environment kan 2009.

Naggibo man sya nin mga edukasyunal na pasali sa telebisyon sa mga asignaturang Science, Math, Values, History, asin English para sa elementarya asin Philippine Literature para sa hasykul. Sa pasaling Sineskwela, si Lopez tinawan onra na UNESCO Kalinga Award, an inot na Southeast Asian na makakua kani.

Sya man an Vice-Chairperson kan ABS-CBN Bayan Foundation, na nagtatao nin tabang pinansyal sa mga saradit na negosyante. Dati man syang tagapamayo kan Southeast Asian Children's Television.

Pinanginutan man ni Lopez an pagsalbar kan Salog Pasig asin kan mga hararaning sulog sa paagi kan Kapit Bisig para sa Ilog Pasig Project. An dating binibistong sentro kan pagbuhay kan nasyon, an Pasig River ngunyan iyo an pinakamabasura asin nakakalason na sisteme kan tubig igdi sa Pilipinas. Sa saiyang mga gibo sa pagsalbar kan salog, sya itinalaga ni dating Presidente Benigno S. Aquino bilang tagapamayo kan Pasig River Rehabilitation Commission.

Kahilangan dangan kagadanan

Amay na na-diagnose si Lopez nin kanser sa hutok. Nagadan sya nin huli ta sa mga dorobleng pagkapalya kan organ na relatibo sa hilang sa Sentrong Medikal kan Makati kan Agosto 19, 2019 sa edad na 65.

Sa popular na kultura

Ginampanan ni Paula Peralejo si Lopez sa pelikulang Eskapo kan 1995.

Mga gawad

• United Nations Grand Awardee for Excellence (1997) for the Bantay Bata 163 which she initiated and advocated
• International Public Relations Award of Excellence for the Environment (1997)
• Outstanding Manilans Award for the Environment (2009)
• UNESCO Kalinga Award, where she was the first Southeast Asian to receive the prestigious award
• Doctorate Degree in Humanities, Honoris Causa from the Ateneo de Naga University
• 2017 Seacology Prize

Toltolan

Opisinang Politikal
Suminunod ki Ramon Paje	Secretary of Environment and Natural Resources Ad interim 2016–2017	Sinundan ni Roy Cimatu
Pinanginotan ni Horacio C. Ramos	Namamayo kan Pasig River Rehabilitation Commission 2010–	Nakatukaw sa ngunyan