Dain Linaw an Hinaw

An librong Dain Linaw an Hinaw (Where there is no clarity in Divination) sinurat kan Bikolanang parasurat na si Marissa dela Cruz Reorizo-Redburn. Laog kaini an saiyang mga osipon na ipigpalis man sa lenggwaheng Ingles ninda Paz Verdades M. Santos asin an saiya man na sadiring aki na si Helga Andrea Reorizo Casillan. Ini naisapublikar kan taon 2016 sa irarom kan Reorizo-Redburn Press(Del Rosario, Syudad nin Naga, Filipinas) asin pinag-imprenta man kan LJ Graphics & Literacy Exponent (Syudad nin Quezon, Metro Manila, Filipinas). Si Paz Verdades M. Santos an nagtao nin pataratara para sa libro.

Dain Linaw an Hinaw

Nasyon	Filipinas
Tataramon	Bikol Sentral asin tataramon na Ingles
Genre	Antolohiya/Osipon
Kagpublikar	Reorizo-Redburn Press/LJ Graphics & Literacy Exponent
Taon kan publikasyon	2016
Klase nin media	Imprenta

Laog kan Libro

Laog kan Libro

Bilang	Titulo kan Usipon	Bersyon sa Ingles
1	Uran	Rain
2	Kinaban	The World
3	Hubasanan	Ebb Tide
4	Kuweba	Cave
5	Paghuros	Erosion
6	Pagbulong	Healing
7	Kabilogan kan Bulan	Full Moon
8	Pagturog	Slumber
9	Dain Linaw an Hinaw	Where there is no clarity in Divination
10	Nagralapagan	The Chase
11	Serbesa	Beer
12	Garapata	Ticks
13	Service Tea	Service Tea
14	Trangkaso	Influenza
15	Kasimbagan ki Iskulmeyt	Reply to a Schoolmate
16	Pagmata	Awakening
17	Aurea	Aurea
18	Pagpaaram	Parting
19	Abaniko	Weaving Palm Fans

Manungod sa Kagsurat

Namundag si Marissa Dela Cruz Reorizo-Redburn kan Abril 26, 1969 sa lugar kan San Pascual, Masbate, alagad sya nagdakula sa syudad na kan Naga. Gradwado sya nin Batsilyer sa Edukason Pan-elementarya sa Unibersidad kan Sta. Isabel. Nagtrabaho man sya sa mga Non-Government Organization na ipigtutulod an deretsos kan mga kababaihan asin mga parauma asin pakalihis kaini, sya nagin maestra sa mga pampublikong eskwelahan sa laog nin pitong taon. Pira sa saiyang mga naisurat nakaayon naman sa mga publikasyon arog kan Burak, Hagkus:The 21st Century Bicol Women Writers, An Tambobong nin Literaturang Bikolnon, Hagong, Sagurong, An Satuyang Kakanon sa Arualdaw, Lipwas 21st Century Literature asin Bangraw. Nagin fellow man sya sa ika-43 UP Writing Workshop na ginibo sa syudad kan Baguio, primerong Arejola-Fajardo Writing Workshop sa Pili, asin sa Pagsurat Bikolnon sa Unibersidad kan Aquinas. Saro sya sa mga kagmukna kan Parasurat Bikolnon, Inc. asin nagin presidente man kan Kabulig Bikol, Inc. Sa presente, nagtatrabaho sya sa saiyang sadiring kompaniyang pankonstruksiyon.

Si Marissa Reorizo-Redburn

Manungod sa mga Nagpalis

Si Paz Verdades M. Santos ipigmundag sa Manila alagad haloy nagtener sa rehiyon Bikol. Igwa sya nin nagkakapirang mga libro manungod sa literaturang Bikolnon arog kan Hagkus: Twentieth Century Bikol Women Writers(2003), Maharang, Mahamis na Literatura sa mga Tataramon sa Bikol(2010),Sagurong(2011),Hagong(2012),The Naga We Know(2013),Obras Maestras(2014), asin man an Lipwas 21st Century Literature(2016).

Si Helga Andrea Reorizo Casillan aki kan kagsurat kan libro. Nag-adal sya nin kursong Heolohiya sa Unibersidad kan Filipinas asin nagkua man nin kursong Civil Engineering. Sya saro man na visual artist asin para-usipon.

Si Paz Verdades Santos

Toltolan

*Reorizo-Redburn,Marissa dela Cruz,Dain Linaw an Hinaw,2016,Reorizo-Redburn Press