An Cabusao sarong ikalimang klaseng banwaan sa probinsya kan Camarines Sur, Filipinas. An designadong zip code kaini iyo 4406. Susog sa sensus kan 1 Mayo 2020, igwa ining 19,257 katawong nag-eerok digdi sa 4,360 kaharongan. Igwa ining sukol na 46.80 kilometro kwadrado.

Napapalibotan an banwaan kan San Miguel Bay sa norte, Bicol River sa subangan, banwaan kan Libmanan sa sur asin Sipocot sa sulnopan.

Inaapod na mga Cabusaoeño an mga nakaestar igdi.

Mga barangay

Nababanga an Cabusao sa 9 barangay.

Barcelonita
Biong
Camagong
Castillo
New Poblacion
Pandan
San Pedro
Santa Cruz
Santa Lutgarda

Pagtubod

Kompuesto nin duwang Katolikong parokya an banwaan, an Parokya nin San Bernardino de Siena (Poblacion) asin an Parokya nin San Pascual Baylon (barangay Barcelonita). Nagkakaigwa nin fiesta an lambang barangay tangarig tàwan nin onra an saindang patron. Sa kaogmahan na ini, pigsasamnohan an lugar orog na idtong aagihan kan prusisyon.

An parokya sa sentrong banwaan iyo sa pangataman nin San Bernardino de Siena (1914) asin sa Barangay Barcelonita sa pangataman kan patron santo na si San Pascual Baylon.

An iba pang relihiyon iyo an Iglesia ni Cristo, Ang Dating Daan, asin saradit na bilang nin Protestante.

An Katolikong Simbahan padagos na naghihingowa nin pagbabago sa komunidad. An mga pamilyang magkataraid pinaggrupo-grupo, inaapod cluster, na may kamawotan na magin saradit na kristiyanong komunidad o SKK. Pinunan ini kan panahon na an kura paroko iyo si Reverendo Padre Michael dela Rosa (2000-2005) asin pinakarhay asin pinagmarhay pa ni Reverendo Padre Apolinar R. Napoles Jr. (2005-2008). Aktibo an simbahan sa pagtabang sa mga dukha lalo na sa panahon nin mga kalamidad arog kan bagyo asin baha sa paagi kan tolos na pagkoordinar na magkaigwa tolos nin "relief and rehabilitation". Kan taon 2007, nakapatugdok ini nin housing project para sa mga biktima kan bagyong Reming (Noviembre 30, 2006). Naimukna an Dusayan Village (sa tabang kan NASSA, National Secretariat for Social Action, CARITAS INTERNATIONAL, LGU of Cabusao asin PLDFI) asin naitugdok an 88 na mga duplex na kun saen igwa nin 160 pamilya na na nag-eerok. Nakapatugdok man nin GK (Gawad kalinga) San Rafael Village (84 pamilya an nageerok) sa pagtarabangan kan CFC couples for Christ, LGU, asin PLDFI (Prelature of Libmanan Development Foundation Incorporated) asin iba pang mga generosong invidual asin mga grupo.

Mga bantog na produkto

Dinailan

Cabusao
Cabusao
	Kinamumugtakan kan Cabusao
	Tagboan: 13°43′39″N 123°6′51″E Tagboan: 13°43′39″N 123°6′51″E
Nasyon	Filipinas
Barangay	9
Pamamahala
• Electorado	14,516 votantes (9 Mayo 2022)
Hiwas
• Kabuuhan	46.80 km2 (18.07 sq mi)
Elebasyon	2 m (7 ft)
Populasyon (Mayo 1, 2020)
• kabuuhan	19,257
• Densidad	410/km2 (1,100/sq mi)
• Saro	4,360
Economia
• Klase	ikalima na klaseng banwaan
• Ingresos	₱82,798,723.17 (2020)
• Activos	₱152,373,211.83 (2020)
• Pasivos	₱46,244,367.96 (2020)
• Gastos	₱77,467,868.07 (2020)
Kodigo nin postal	4406
PSGC	051707000
Kodigo telefonico	54
Tataramon	Bikol Sentral; tataramon na Tagalog
Websityo	www.cabusao.gov.ph

An Cabusao bantog kan saiyang produktong inaapod na dini'lan. Ini mga dinukdok saka inasinan na balaw asin ginibong pasta. Kun tinitinda, pinoporma ining matilabang bilogon, pormang plato o rektanggulo. Sa pagkakan, pampadugang namit ini sa anoman na giso, o dotdotan.

Dinailan na balaw

Demograpiko

Sensus nin Populasyon kan
Cabusao
Taon	Tawo	±% p.a.
1918	2,559	—
1939	4,743	+2.98%
1948	5,130	+0.88%
1960	8,020	+3.79%
1970	9,078	+1.25%
1975	10,110	+2.18%
1980	10,844	+1.41%
1990	15,305	+3.51%
1995	15,966	+0.80%
2000	16,201	+0.31%
2007	17,599	+1.15%
2010	18,049	+0.92%
2015	18,397	+0.36%
2020	19,257	+0.90%
Toltolan: Philippine Statistics Authority^[2]^[3]^[4]^[5]

Kataytayan nin mga ladawan

Simbahan Katoliko nin Cabusao
Lugar sa Cabusao kung sain mahihiling an mga dayong gamgam

Toltolan

↑ "2020 Census of Population and Housing (2020 CPH) Population Counts Declared Official by the President". Hulyo 7, 2021. Check date values in: |date= (help)
↑ Sensus kan Populasyon (2015). "Rehiyon V (Rehiyon Bikol)". Kabuuhang Populasyon kan lambang Provincia, Syudad, Banwaan asin Barangay. PSA. Retrieved 20 Jun 2016.
↑ Census of Population and Housing (2010). "Rehiyon V (Rehiyon Bikol)". Kabuuhan populasyon sa lambang Provincia, Syudad, Banwaan asin Barangay. NSO. Retrieved 29 Jun 2016.
↑ Mga Sensus kan Populasyon (1903–2007). "Rehiyon V (Rehiyon Bikol)". Table 1. Population Enumerated in Various Censuses by Province/Highly Urbanized City: 1903 to 2007. NSO.
↑ "Province of Camarines Sur". Municipality Population Data. LWUA Research Division. Retrieved 17 December 2016.

Mga panluwas na takod

Pinopoonan an artikulong ini. Makakatabang ka sa Bikol Wikipedia sa pagparambong kaining pahina.

[wikidata-f943d5f09498406daa773e7cad501685ab23de7d-v5-1] "2020 Census of Population and Housing (2020 CPH) Population Counts Declared Official by the President". Hulyo 7, 2021. Check date values in: |date= (help)

[PSA15–05-2] Sensus kan Populasyon (2015). "Rehiyon V (Rehiyon Bikol)". Kabuuhang Populasyon kan lambang Provincia, Syudad, Banwaan asin Barangay. PSA. Retrieved 20 Jun 2016.

[NSO10–05-3] Census of Population and Housing (2010). "Rehiyon V (Rehiyon Bikol)". Kabuuhan populasyon sa lambang Provincia, Syudad, Banwaan asin Barangay. NSO. Retrieved 29 Jun 2016.

[NSO07-05-4] Mga Sensus kan Populasyon (1903–2007). "Rehiyon V (Rehiyon Bikol)". Table 1. Population Enumerated in Various Censuses by Province/Highly Urbanized City: 1903 to 2007. NSO.

[LWUA-PopulationData-5] "Province of Camarines Sur". Municipality Population Data. LWUA Research Division. Retrieved 17 December 2016.

[1]

[2]

[3]

[4]

[5]