Balaw
An balaw (Ingles, krill. Acetes sibogae, Hansen 1919)[1] sarong klaseng kapirino-pinong pasayan napipisan sa pamilyang Sergestidae. Iyo ini an ginigibong dinailan, na pikpikan sa pagkakan o kasalak sa mga lutoon arog kan ginutaan na santol.
| Balaw | |
|---|---|
| |
| Northern krill (Meganyctiphanes norvegica) | |
Sayantipiko na klasipikasyon 
| |
| Missing taxonomy template (pakarhayon): | Euphausiacea |
| Families and genera | |
| |
An mga balaw yaon sa hababang tangga kan inapod na food chain. An pagkakan man kaini an mga phytoplankton, alagad ini man an mayor na pagkakan kan mas darakulang mga hayop dagat. Sinasabi na sa Habagatan Dagat, sarong species an Antarctic krill, Euphausia superba, binibilog nin gabat na 379,000,000 tonelada,[2] na ini sa mga species igwa nin pinakadakulang total nin biomass. Sobra sa kabanga kaining biomass kinakakan kan mga balyena, seals, penguin, pusit, asin kan manlaen-laen pang mga ibang sira. An ibang mga species kaini nabyahe sa hababaw kan dagat kun banggi, na iyo man nagigin pagkakan kan mga naglalangoy sa babaw kan dagat asin pagladop sa kantil kun aldaw iyo man an nagigin pagkakan kan mga hayop dagat nag'eestar sa mga bandang hararom kan dagat
An balaw pigdadakop pangkomersyal sa Habagatan Dagat, sa Hapon asin maski sa Filipinas. An total na ani sa kinaban naabot sa 150,000–200,000 tonnes taon-taon, kadaklan hale sa Dagat Scotia. Kadaklan kan dakop ginagamit sa aquaculture asin pambahog sa mga aquarium, bilang mga paon sa inaapod na sport fishing asin sa industriya nin parmaseutika. Sa Hapon, sa Filipinas asin sa Rusya, an balaw pangkonsumo nin mga konsumidor asin apod sa Hapon okiami (オキアミ). Kinakakan ini sa Espanya asin Filipinas na inaapod na camarones. Sa Filipinas, an balaw inaapod man na alamang hipon (Tagalog) asin nagigibong pastang may askad na an apod dinailan o bagoong.
Toltolan
baguhon- ↑ balaw. Adrados, Jerry Escoto. Daratangan Na Olay. Common Language of the Bikolnon. Other Option Promotions. Tabaco City. 2012. p. 43. ISBN 978-971-95468-0-1
- ↑ A. Atkinson; V. Siegel; E.A. Pakhomov; M.J. Jessopp; V. Loeb (2009). "A re-appraisal of the total biomass and annual production of Antarctic krill". Deep-Sea Research Part I 56 (5): 727–740. doi:. Bibcode: 2009DSRI...56..727A. http://www.iced.ac.uk/documents/Atkinson%20et%20al,%20Deep%20Sea%20Research%20I,%202009.pdf.
