An Sabi ni Levy

An Sabi ni Levy titulo nin sarong kolum ni Liberato Aureus sa Bicol Mail. Kaidto regular, pero ngonyan medyo pasoro-solbod na sana. Kan mga enot na taon an dinadarang pangaran, Ilampog Ilabay. An saiyang kolum barasahon nanggad ta makangisi, makapapusngak pa ngane, minsan makidit sa pagtuyaw, huli sa magagayon na pagtarahi kan mga pasuba asin mga pang-waki' niyang oro-istorya. Dai nakakalihis sa saiyang pagtalayop an iba-ibang sektor kan sosyedad. Mala ta igwa siyang masubang mga tuyaw sa mga mag'aragom, sa mga may number 2, mga pulitiko, sa simbahan, sa akademya, sa ordinaryong pulis asin namamanwaan.

An Sabi ni Levy

Nasyon	Filipinas
Tataramon	Bikol Sentral
Kagpublikar	Bicol Mail
Taon kan publikasyon	2007
Klase nin media	Imprenta

Sarong halimbawa sa suba niya iyo an klasikong osipon niya na "an mga padi (daa) ngonyan atubang na kun nagmimisa ta pigtatandaan kun siisay naglilimos."

An saiyang kolum na halawig nang nagluluwas, nagresulta sa pagpalagda' kan Bicol Mail nin sarong libro na kadamotan kan mga nagluwas na sa saiyang kolum nin pirang taon. Pinagbungsod ini kan Hunyo 18, 2007, sa titulong An Sabi Ni Levy.

Mga panluwas na takod

• An kolum ni Levy Aureus, An Sabi ni Levy