An YouTube iyo an Americano onlayn na paghiras nin bidyo asin platapormang social media na igwa nin headquarter sa San Bruno, California, United States. Naaakses ini sa bilog na kinaban,[1] enot iyan na linansar kaidtong Pebrero 14, 2005, ni Steve Chen, Chad Hurley, asin Jawed Karim. Iyan pagsadiri kan Google asin iyan an ikaduwang pinakapigbibisita na websityo, pagkatapos kan Google Search. Igwa an YouTube nin labi sa 2.5 billion na paragamit kada bulan,[2] na kolektibong nagdadalan nin labi sa sarong bilyon na oras nin mga bidyo kada aldaw.[3]

daing kwadro
An bagong opisina kan Youtube
An mga kagtogdas kan YouTube: sinda Chad Hurley, Steve Chen, asin Jawed Karim

Haros gabos na paradalan pwede magdalan kan mga pinapaluwas igdi pwera lang kun mga pang-gurang an tema asin kaipohan dai magbaba sa edad na 18 an makakadalan. Dai inaako an anoman na mga pornograpiya o idtong mga maririgsok o usmak na pasale.

Agi-agi baguhon

An kompaniya tinogdas ninda Chad Hurley, Steve Chen, asin Jawed Karim, na dati mga empleyado kan Paypal. Si Hurley nag'adal nin desenyo sa Indiana Uinversity kan Pennsylvania, manta si Chen asin Karim sabay nag'adal computer science sa University of Illinois sa Urbana-Champaign.

Susog sa mga oro-istorya na liwatliwat nang nakakaag sa media, si Hurley asin Chen daa naisipan an pagkaag nin serbisyong siring kaini gibo kan nasakitan sinda maghiras nin video manongod sa sarong dinner party sa internet. Si Karim dai man ngane palan nagatender sa sinabing okasyon asin nagsabi na dai man idto nangyari manta na si Hurley nagsabi na seguro an siring na "osipon nagin sana man simpleng ipalakop bilang sarong taktika sa marketing".

An YouTube nagpoon bilang sarong technology startup na nagbangon huli sa inverter na $11.5 milyon kan Sequoia Capital kan Nobyembre 2005 sagkod Abril 2006. An enot na kwartel kan YouTube yaon sa ibabaw kan sarong pizzeria asin restoran na Hapon sa San Mateo, California. An domain name na www.youtube.com naaktibar kan Pebrero 14, 2005 asin an websayt duminakula nang duminakula sa pagsurunod na bulan.

An enot na pigsa'ngat na video sa YouTube may titulong Me at the zoo asin pinahiling si kagtogdas na Karim yaon sa San diego Zoo. An video pigsangat kan Abril 23, 2005, asin pwede pa ngane ngonyan madalan.

Kun pira man an mga nagdadalan sa YouTube, pagtandaan an ibinuyagyag kan kompaniyang ini na kan Hulyo 2006 labi daang 100 na milyon an nagdalan. Ini tuminaas na maray kan Hunyo 2006. Igwang 2.5 bilyon an nagdalan. Manta 50,000 na video an isina'ngat kan Mayo 2006, asin ini nagtaas man sa 65,000 kan Hulyo, parehong taon.

Kan Agosto 2006, an Wall Street Journal sa sarong artikulo nagbuyagyag na an YouTube nagdadara nin 6.1 milyon na video na kaipohan an espasyong sarayan na 45 terabyte Igwa man an YouTube nin mga 500,000 na user account kan panahon na iyan.

An YouTube pigtangro ngona sa publiko an sarong beta test kan Mayo 2005, anom na bulan bago an opisyal na pagbungsod sa Nobyembre 2005. An sityo duminakula nin marikason mala ta kan Hulyo an kompaniya nag'anunsyo na sobra sa 65,000 na mga bagong video an pigsasangat aro'aldaw asin ta an sayt nagreresibi nin pagdalan sa mga video mga 100 milyon aroaldaw. Susog sa datos na pinagbalangibog kan kompaniyang market research na comScore, an YouTube iyo na an dominanteng provider nin online video sa Estados Unidos, na may hiras sa merkado nin mga 43 pursyento asin sobra sa 14 bilyon na video an dinalan kan Mayo 2010. An YouTube naghayag na katumbas sa 48 oras na mga bagong video an isinasangat moro-minuto, asin mga tolo may kaapatan kan materyal naghahale sa luwas kan Estados Unidos. Kan 2007 an YouTube nagkunsumo nin bandwidth katumbas sa nakunsumo kan enterong Internet kan taon 2000. An Alexa rinaranggo an YouTube bilang ikatolong nabisitang maray na websayt, sa likod sana kan Google asin Facebook.

An pangaran man kaini may istorya, mala ta nagkaproblema ta an pangaran palan may haros kaagid, an websayt na www.utube.com. Napiritan an kagrogaring kaini, an Universal Tube & Rollform Equipment, na magsangat nin kaso laban sa YouTube kan Nobyembre 2006 huli ta sobra nang napeperwisyo an sityo kaini kan mga tawong an totoong hinahanap iyo an YouTube. An Universal Tube napiritan logod na maghira kan sayt ninda sa www.utubeonline.com. Kan Hunyo 2008, an magasin na Forbes sa sarong artikulo natanto na an ingreso kan 2008 sa YouTube nag'abot $200 milyon asin naglalangkaw an benta kaini sa advertising.

Lokal na Tataramon baguhon

Nasyon URL Mga Lenggwahe
Australya au.youtube.com Ingles (Australya)
Brasil br.youtube.com Portuges (Brasil)
Kanada ca.youtube.com Ingles (Kanada) asin Pranses (Kanada)
Republika nin Tseka cz.youtube.com Tseka
Pransya fr.youtube.com Pranses
Alemanya de.youtube.com Alemanya
Hong Kong hk.youtube.com Tradisyonal na Tsino
Israel il.youtube.com Ingles
Indya in.youtube.com Ingles (Indiya) asin Hindi
Irelanda ie.youtube.com Ingles (Irelanda)
Italya it.youtube.com Italyano
Hapon jp.youtube.com Hapones
South Korea kr.youtube.com Koreano
Mehiko mx.youtube.com Espanyol (Mehiko)
Olanda nl.youtube.com Olandes
New Zealand nz.youtube.com Ingles (New Zealand)
Poland pl.youtube.com Polish
Rusiya ru.youtube.com Ruso
Espanya es.youtube.com Espanyol
Sweden se.youtube.com Swedish
Republika nin Tsina (Taiwan) tw.youtube.com Tradisyonal na Tsino
Reino Unido uk.youtube.com Ingles (Reyna Unido)

Toltolan baguhon

  1. Excluding blocked countries.
  2. "Top Social Media Statistics And Trends Of 2023 – Forbes Advisor". www.forbes.com. Retrieved 2023-06-15. 
  3. Goodrow, Cristos (February 27, 2017). "You know what's cool? A billion hours" (in English). YouTube. Archived from the original on August 6, 2020. Retrieved April 19, 2021.  Unknown parameter |url-status= ignored (help)

Mga panluwas na takod baguhon