Wikipedia

Wikipedia:Usip nin Proyekto/5th Bikol Wikipedia Day: Aldaw nin Talingkas na Ensiklopedya

< Wikipedia:Usip nin Proyekto
(Nakatukdo hali sa Wikipedia:Wikipedia Takes Naga/Accomplishment Report)
←Bikol Edithon 5th Bikol Wikipedia Day: Aldaw nin Talingkas na Ensiklopedya


Ining pahina pinopònan pa sanang gibohon.
Dakol pang impormasyon dapit sa pahinang ini an tibaad makukua sa Urulay.


READ THE ENGLISH VERSION OF HERE.

An 5th Bikol Wikipedia Day: Aldaw nin Talingkas na Ensiklopedya iyo an selebrasyon kan Bikolnon na Komunidad kan ikalimang taon nin pagkakamuknâ kan Bikol Wikipedia. Pinadrinohan ini kan Wikimedia Philippines, Ateneo de Naga na Unibersidad, Parasurat Bikolnon asin Lokal na Gobyerno nin Syudad nin Naga.

Detalye nin kalakawan

Petsa
Nobyembre 24, 2012
Oras
8:00 A.M.–9:00 P.M
Lugar
Libraryo na James J. O'Brien SJ, Ateneo de Naga na Unibersidad; Mudbugs Sports Bar, Abenidang Peñafrancia, Syudad nin Naga
Tagapadalagan nin proyekto
Irvin Sto. Tomas

Kalendaryo

Bàgo an aldaw kan aktibidad

Nagpadara nin komunikasyon sa Bigg's Diner asin Triboo Bikolano bilang pag-alok na magin padrino kan selebrasyon.
Pakikipag-atubang sa manehamento kan Yellow Cab Food Corporation, abenidang Magsaysay, Balatas, Syudad nin Naga.
  • Nobyembre 7, 2012 - Nagpadara nin komunikasyon sa Bicol Medical Center asin PNP Naga bilang paghagad nin asistensya sa gigibohon na aktibidad katakod kan selebrasyon; sa Graceland Food, Inc. asin Goldilocks Bakeshop, Inc. bilang pag-alok na magin padrino kan selebrasyon.
  • Nobyembre 8, 2012 - Nagpadara nin komunikasyon sa Atlantic Bakery bilang pag-alok na magin padrino kan selebrasyon.
  • Nobyembre 9, 2012
Pakikipag-atubang ki Allan Rey Camata, presidente kan Oragon Photography Association bilang pagpaisi kan gigibohon na aktibidad; asin
Pakikipag-atubang sa manehamento kan Mexita bilang pag-urulay sa paghanap nin posibilidad na gigibohan kan Banggi nin Gawad kan Wikipedia Takes Naga asin Ika-7ng Harampangan kan mga paraambag kan Bikol Wikipedia sa Kalye Taal, Concepcion Pequeña, Syudad nin Naga.
  • Nobyembre 10, 2012 - Tinugotan kan Wikimedia Philippines an alok na proyekto ni Irvin Sto. Tomas na selebrasyon kan 5th Bikol Wikipedia Day: Aldaw nin Talingkas na Ensiklopedya na gigibohon sa Syudad nin Naga sa petsa Nobyembre 24, 2012
  • Nobyembre 13, 2012 - Nagpadara nin komunikasyon sa Ramashinta Resort and Spa bilang pag-alok na magin padrino kan selebrasyon.
  • Nobyembre 17, 2012 - Naako an ipinadarang desensyo kan Wikipedia Takes Naga gikan ki Ajohn Dorotical.
  • Nobyembre 19, 2012 - Nagpadara nin komunikasyon sa ABS-CBN bilang pagpaisi sa gigibohon na selebrasyon.
  • Nobyembre 20, 2012 - Pag-andam sa mga gagamiton sa Wikipedia Takes Naga.
  • Nobyembre 21, 2012 - Naipadara an komunikasyon sa mga myembro kan Bicol Region Librarians Council.
  • Nobyembre 22, 2012 - Inako an kaglimang (50) ipinaimprentang gubing para sa selebrasyon. Kinua an ipinaimprentang taurpaulin.
  • Nobyembre 23, 2012
Pinalisasyon kan preparasyon asin pakikipagnumpungan ki Alfredo Imperial Perdon, kagsadiri kan GNN Naga TV 48, asin Ernie Verdadero bilang pagkikipag-ulay sa pagtao nin news report asin pagtampok kan selebrasyon sa programang Ini an Totoo sa Baker's Plaza, Kalye P. Burgos, Sta. Cruz, Syudad nin Naga.
Preparasyon sa Ateneo de Naga na Unibersidad: pagkabit kan tarpaulin, pag-andam kan Instructional Media Center kan Libraryo na James J. O'Brien S.J.

An aldaw kan aktibidad

Nobyembre 24, 2012 - Programa kan 5th Bikol Wikipedia Day: Aldaw nin Talingkas na Wikipedia:

Oras Wikipedia Takes Naga
Sentro kan Syudad nin Naga		 Bikol Edithon
Libraryo na O'Brien sa Ateneo de Naga na Unibersidad
Bagumbayan, Syudad nin Naga		 Banggi nin Gawad sa Nanggarana
asin 7th Naga Meetup
Mudbugs Sports Bar sa Peñafrancia Ave.
8:00 - 9:00 Pagpaguhit kan mga partisipante
kan Parasurat Bikolnon
9:00 - 9:15 Pagbukas kan 5th Bikol Wikipedia Day
9:15 - 9:10 Pangadyion asin Pambansang Awit (bidyo)
9:10 - 9:20 Pambungad na mensahe asin
pataratara ni Dindin Daliva
9:20 - 9:40 Manunungod sa Wikipedia Takes the City
ni Irvin Sto. Tomas
9:40 - 9:45 Pagpakua nin Ladawan kan gabos
10:00 - 1:00 Durasyon kan kompetisyon
12:00 - 1:00 Pag-arabotan kan mga partisipante Pagpaguhit kan mga partisipante
kan Parasurat Bikolnon
1:00 - 2:00 Oryentasyon sa pagsàngat sa Wikimedia
Commons kan MyTreatCity		 Pagpadalan kan pelikulang Truth in Numbers
2:00 - 3:00 Pagsumada kan puntos kan
Parasurat Bikolnon		 Urulay dapit sa Hiron nin Wikimedia
ni Ramon Olaño
3:00 - 4:00 Paggawad nin sertipiko sa mga partisipante Bukas na Uruurulay dapit sa Hiron kan Komunidad
(Pagpaliban kan Bikol Edithon)
ni Dindin Daliva
4:00 - 4:15 Mensahe ni Edna San Buenaventura,
Pamayo kan Libraryo
4:15 - 7:00 Paggawad nin sertipiko sa mga partisipante Pag-andam sa Banggi nin Gawad sa Nanggarana
7:00 - 7:30 Pambungad na Mensahe asin Pataratara
ni Dindin Daliva
7:00 - 7:10 Pagpanao nin mga premyo gikan sa padrino
7:10 - 7:10 Mensahe gikan sa Wikimedia Philippines (mayò)
7:10 - 7:20 Mensahe gikan sa Komunidad
ni Ramon Olaño
7:20 - 7:30 Pagpanao nin mga premyo gikan sa padrino
7:30 - 7:45 Paggawad nin Plake sa mga Padrino
7:45 - 8:00 Paggawad nin Premyo sa Nanggarana
8:00 - 8:10 Mensahe gikan sa LGU kan Syudad nin Naga
ni Alec Francis Santos kan ACTO
8:10 - 8:30 Pasasalamat ni Irvin Sto. Tomas
8:30 - 10:00 Sosyal kan mga paraambag sa Bikol Wikipedia

Pakatapos kan aktibidad

  • Nobyembre 27, 2012 - Ipinaluwas sa ABS-CBN TV Patrol Bicol asin sa GMA 7 Baretang Bikol an bareta dapit sa selebrasyon.
  • Nobyembre 29, 2012 - Limang aldaw matapos an matriyumpong aktibidad, itinao kan tagapadalagan an usip nin gastos sa tesorero kan organisasyon.
  • Nobyembre 30, 2012 - Nagpaluwas nin desisyon nin tesorero si Balingit dapit sa dai pagmidbid sa gastos sa cellphone load na P325.00 na dai nin resibo. Dai kainakaipohan nin resibo para sa cellphone load huli ta nin gawi nin pagtao nin resibo sa mga tindahan liban sa mga convenient store. Huli ta igwa nin resibo an P300.00 na iba pang gastos sa cellphone, dai minidbid kan tesorero an gastos na dai nin resibo.[1]
  • Desyembre 1, 2012 - Nagplano nin Bikol Wikipedia Takes Cebu na gigibohon sa Enero 14, 2013 sa Syudad nin Cebu bilang inisyatibo ni Irvin Sto. Tomas.
  • Desyembre 3, 2012 - Ipinadara an mga orihinal na resibo sa opisina kan organisasyon sa Syudad nin Makati. Nagigiromdoman kan tagapadalagan na igwa nin nakatalaan na Panghihinanapos na Tiripon an organisasyon para sa mga usip nin proyekto sa petsa Desyembre 15, huli kaiyan, nangigot an tagapadalagan kan proyekto na ipadara pa man giraray tulos an orihinal na resibo dawà ngani mayò ini nin personal na pondo nin huli ta katatapos pa sanang aktibidad. Bàgo kaini, siniguro kan tesorero na ipapadara kaini an tseke para sa reimbursement pakaakoa niya kan orihinal na mga resibo alagad mayong nareresibeng tseke an pobreng tagapadalagan kan proyekto sagkod ngunyan dawà an P95 na gasto sa pagpadara kan mga resibo.
  • Desyembre 4, 2012 - Itinampok nin live sa GNN TV 48 Naga sa programang Ini an Totoo ni Ernie Verdadero an Bikolnon na Komunidad nin Wikimedia. Yaon sa programan sinda Irvin Sto. Tomas, Ramon Olaño asin Dindin Daliva.
  • Desyembre 5, 2012 - Ipinahiling an replay an programang Ini an Totoo sa GNN TV 48 Naga. Kinulibat an tesorero sa updated expense report sosog sa Expense Policy.
  • Enero 6, 2013 - Ginibo an Naga Wicnic sa Naga Ecological Park, San Felipe, Syudad nin Naga.
  • Enero 7, 2013 - An aldaw na ipapadara kuta kan tesorero an updated expense report sosog sa Expense Policy. Nagkaulay an tagapadalagan kan proyekto asin an tesorero kan organisasyon sa Facebook dapit sa pag-alok kaini nin paghaman nin kasangling-usip nin proyekto para sa proyektong 5th Bikol Wikipedia Day. An usip nin proyekto para sa aktibidad na ini kaipohan maitao dai mahaloy sa 3ng bulan pakatapos kan aktibidad o Pebrero 24, 2013 pa.
  • Enero 12, 2013 - Nakanselar an flight ni Sto. Tomas pa-Cebu kun kaya ginibo kaini an Legazpi Photo Walk sa Syudad nin Legazpi bilang inisyatibo.
  • Enero 16, 2013 - An Komunidad nagpadara nin Wikipedia activity design sa Lokal na Gobyerno nin Naga para sa selebration kan Bikol Arts Festival Celebration sa bulan nin Pebrero.
  • Enero 23, 2013 - An Komunidad nagpadara nin project proposal Bikol Wikipedia Exhibit and Bikolano Digital Heritage Launching sa Board.
  • Enero 27, 2013 - An Mga Katiwatiwala kan organisasyon inamyendaran an Resolution: Philippine Wikimedia Communities.[2][3] Namatì kan tagapadalagan kan proyekto na an pag-amyendar sarong hirô tanganing hidalion ini na makatao nin usip nin proyekto. Kun an resolusyon ipapasunod, nangangahulogan ini na an 45 na aldaw pakatapos kan proyekto iyo Enero 8, 2013. Kun satong babalikan, ini, sarong aldaw bàgo an urulay kan duwa sa Facebook, na gigibohan an tagapadalagan kan proyekto nin pananggling usip para sa bakô niya man na proyekto. Siring pa man sa nasasabi sa inamyendaran na resolusyon, makakahagad nin 30 aldaw na ekstensyon an tagapadalagan kan proyekto kun mahagad ini kaini. Boot sabihon, an ekstensyon na ini kutâ, mapatak na Pebrero 8, 2013 o halìpot na 16 aldaw sa kutâ nang Pebrero 24, 2013 sa orihinal palugit sa pagtao kan usip nin proyekto. Sa pag-atid-atid kan tagapadalagan, igwa nin kun anong nilalamag na petsa kun kaya siring na sana an saiyang hugophugop sa nasabing usip nin proyekto.
  • Hunyo, 2013 - Kan nakaaging semana, nagluwas sa riribayan nin e-koreo igwa nanggad hinahalian kun tàno siring an paghugophugop sa usip nin proyekto kan tagapadalagan. Ipinapamugtak na sarô sa mga dahilan kun kaya huri na nanggad an pagtao man nin usip nin proyekto para sa sarong proyekto kan organisasyon na pinondohan kan Wikimedia Foundation iyo daa an dai pa pagtao nin usip nin proyekto kan tagapadalagan kan proyektong 5th Bikol Wikipedia Day. An nasabing proyekto kan organisasyon natapos kan Hunyo 30, 2012 pa o haros limang (5) bulan bàgo gibohon an aktibidad na 5th Bikol Wikipedia Day.[4]
Totoo nanggad, Pebrero 16, 2012 kan maghagad nin ekstensyon sa petsa nin pagkomple an tesorero para sa nasabing proyekto. Gikan sa orihinal na petsa nin konklusyon kan proyekto na Hunyo 30, 2012, pinalawig ini sagkod sa petsang Desyembre 31, 2012 na mapasakop sa petsa kan implimentasyon kan proyektong 5th Bikol Wikipedia Day, na iyo an petsang Nobyembre 24, 2012. [5]
Huli sa mga nasambit na pangyayari asin huli sa kawàran nin kasilagan sa urulay sagkod man sa kawàran na nin tiwalà, pinagmarahay kaini na pugolon mùna an pagpaluwas kan saiyang usip nin proyekto tanganing dai magin kasangkapan an tagapadalan kan proyekto siring man an Bikol na Komunidad nin Wikimedia sa salang gawigawi kan mga ini.

Mga Ladawan

  •  
    Logo kan Wikipedia Takes Naga
  •  
    Bib kan mga partisipante sa Wikipedia Takes Naga
  •  
    Pagpaguhit kan mga partisipante
  •  
    Pambungad na Programa, Pataratara
  •  
    Wikipedia Take the City
  •  
    Instructional Media Center
  •  
    An mga partisipante sa Wikipedia Takes Naga
  •  
    Poon kan aktibidad
  •  
    Medical Team kan Bicol Medical Center
  •  
    Team EURO at Plaza de Nueva Caceres (Ika-2ng Premyo)
  •  
    Pasìrip sa websityo kan Wikipedia sa mga estudyante
  •  
    MyTreatCity, saro sa mga katuwang
  •  
    Oryentasyon sa Wikimedia Commons
  •  
    Pagsàngat nin mga ladawan sa Wikimedia Commons
  •  
    An mga partisipante sa Bikol Edithon
  •  
    Urulay dapit sa Hiron nin Wikimedia
  •  
    Interbista nin media sa telebisyon (ABS-CBN) ki Dindin
  •  
    Interbista nin media sa telebisyon ki Ringer
  •  
    Interbista nin media sa telebisyon (GMA 7) sa sarong partisipante
  •  
    Paggawad nin sertipiko nin pasasalamat sa mga partisipante
  •  
    Programa sa Pagkabanggi
  •  
    An mga partisipante sa Wikipedia Takes Naga
  •  
    Pagpanao nin iba pang premyo
  • Bisita sa programang Ini an Totoo sa GNNTV48
    Bisita sa programang Ini an Totoo sa GNNTV48

Katuyohan kan proyekto asin sukolan kan akomplisimento

Katuyohan kan proyekto

Kautyohan kan aktibidad na padakolon an mga ladawan dapit a Syudad nin Naga tanganing magamit sa mga artikulo kan Wikipedia, siring man an mapabantog an Wikipedia sa Naga. An aktibidad iyo man an selebrasyon kan ikalimang taon kan Bikol Wikipedia.

  •   Nagibo - Selebrasyon kan ikalimang taon kan Bikol Wikipedia. Matriyumpong naiselebrar kan Komunidad anibersaryo kan Bikol Wikipedia.
  •   Nagibo - Pagpabantog kan Wikipedia sa Syudad nin Naga. Nakakua nin atensyon sa lokal na media an selebrasyon kan anibersaryo. Naibareta ini sa ABS-CBN TV Patrol Bicol asin GMA 7 Baretang Bikol siring man naitampok an Wikipedia sa GNN Naga TV 48 sa programang Ini an Totoo. Nadalan an mga ini sa bilog na rehiyon.
  •   Nagibo - Anduyog sa pagpabantog kan Wikipedia. Nakakua nin manlainlain na suporta an selebrasyon kan anibersaryo. Nakatuwang giraray kan Komunidad an Ateneo de Naga na Unibersidad, naanduyogan kan Lokal na Gobyerno kan Syudad nin Naga asin organisasyon na Parasurat Bikolnon. Pinadrihonan man an aktibidad nin mga establisimento an aktibidad.
Nag-anduyog man an mga indibidwal na dati nang nakapartisipar sa mga aktibdad kan Komunidad: Open Web Day ADNU (Hunyo 30), Bikol Edithon (Agosto 15) asin mga nakaagin Naga Meetup.

Sukolan kan akomplisimento

  •   Dai Nagibo - Bilang nin partisipante sa Wikipedia Takes Naga: 20. Nilaoman an dai mababa sa 20 an partisipante sa Wikipedia Takes Naga alagad igwa sana nin kag-apat (14) na retratistang nagtunga kan sa apat (4) na banwaan sa Camarines Sur asin duwang syudad sa rehiyon Bikol. Igwa nin walong (8) team sa kompetisyon kabali na an duwa na igwa sana nin tigsarong myembro.
Igwa nin tulong posibleng dahilan kun tano ta hababa an nagin bilang kan partisipante:
  1. Dai naka-enganyar an premyong P1,000 dawa pa ngani nakaanduyog nin P5,000 an Lokal na Gobyerno kan Syudad nin Naga. Sa Wikipedia Takes Manila na ginibo kan Enero 15, 2011, igwa nin P37,500.00 an total na halaga nin premyong ipinamodmod sosog sa usip ni proyektong ipinasa pakalihis nin 1 taon.[6]
  2. Nagtao man nin pagduwaduwa sa mga tunggit na partisipante an waiver sa aplikasyon
  3. Isyu sa nagkapirang retratista an lisensya sa paggamit kan mga ladawan; asin
  4. Kadungan kan okasyon an pagbukas ka 8th Bicol Business Week sa Jesse M. Robredo Coliseum kun sain kadakli kan mga mahilig sa potograpiya yaraon duman.
  •   Dai Nagibo - Bilang nin retrato na maisasangat sa Commons: 2,000. Nilaoman an dai mababa sa 2,000 na retrato an maisasangat kan mga partisipante sa Wikimedia Commons alagad labing 600 sana an nakuang retrato kan gabos na partisipante. Dai man nakasangat nin mga retrato sa aldaw na idto huli sa teknikal na remalaso.
An mga dahilan kan hababang bilang kan mga retrato:
  1. Huli ta igwa sana nin walong (8) team kadiit man an bilang kan nadamot na mga ladawan. Dugang pa digdi an dai pakakahubo nin mga retrato sa computer kan sarong partisipante huli sa kawaran nin reader para sa saiyang ibang klaseng memory card; asin
  2. Labilabi an isasangat na ladawan siring man an hinahagad na impormasyon tanganing maisangat an mga ladawan. Huli kaini, pinagmarhay na an mga tagapadalagan na sana an magsangat kan mga ini sa Wikimedia Commons kan sumunod na mga aldaw.
  •   Dai Nagibo - Bilang nin partisipante sa Bikol Edition: 10. Nilaoman an dai mababa sa 10 an partisipante sa Bikol Edithon alagad igwa sana nin anom (6) indibidwal an nagtunga para sa aktibidad. Mayo man nin nangyaring aktibidad siring kan plinano kun kaya nagkaigwa na sana nin Urulay sa Hiron nin Wikimedia asin Hiron kan Komunidad.
An rason kun kaya hababa an bilang kan partisipante sa aktibidad na ini iyo an surood n pagpadara nin komunikasyon sa Bicol Region Librarians Council (BRLC). Huli pa sa kakulangan sa tao, nagin masakit an pagpadalagan kan duwang magkasabay na aktibidad asin naapektaran an programa dara kan pagtao nin oras sa duwang estasyon para sa intrebista.

Mga nanoodan

  • Preparasyon — Ipig-andam an proyekto sa laog sana nin duwampulong (20) aldaw. Mantang bakong kadipisilan an pagbilog nin konsepto kan okasyon huli ta igwa na nin siring na mga aktibidad an ibang Komunidad, labing makakakan panahon para sa mga tagapadalagan sa pag-asikaso kan materyales na kinakaipohan siring kan pagbilog kan list of goals, guidelines, registration form, desenyo kan okasyon kabali na an pag-layout kan mga tarpaulin asin bib kan mga partisipante.
Mantang bakong kadipisilan an paghanap nin mga makakatuwang sa okasyon, an pagkagahol sa panahon iyo man an dahilan kun tano ta an ibang mga establisimento dai nakaanduyog sa selebrasyon. Kabali sa mga dahilan kan pagsayuma iyo an halawig na proseso sa pagpa-abot sa manihamento nangurog na duman sa mga kompanya na kaipohan ipaabot pa sa panginot na opisina na kadali yaon sa Metro Manila.
An kakulangan sa panahon man an dahilan kun tano napasipara an Bikol Edithon na papartisiparan kuta kan mga nakaatendir sa Open Web Day ADNU kan Hunyo 30, 2012.
  • Venue — Nagin madali man an paghanap nin magigibohan kan okasyon huli sa namuknang pagtatarabangan kan Komunidad sa manlainlain na institusyon, organisasyon asin mga pribadong indibidwal. Binuksan giraray kan Ateneo de Naga na Unibersidad an institusyon tanganing makatabang sa pagpalakop kan kulturang Bikolnon. Libreng ipinagamit kaini an mga pasilidad kabilang an Instructional Media Center, sarong kwarto para sa Urulay kan mga partisipante sa Bikol Edithon, siring man sarong lugar para sa registration asin information table kan aktibidad.
Huli sa hiwas nin relasyon sa mga may negosyo asin manlainlain na mapagpipilian na lugar sa syudad, nagin madali man an paghanap nin paggigibohan kan Banggi nin Gawad sa Nanggarana. An mahiwas na lugar, harani sa mga tao, baratong pagkakan asin libreng paggamit sa pasilidad an dahilan kan pagpili sa Mudbugs Sports Bar bilang venue kan okasyon.
  • Suporta — Huli sa parehong itinutulod na programan, inanduyogan kan lokal na gobyerno kan Syudad nin Naga an espwerso kan Komunidad sa pagpabantog kan syudad bilang progresibo asin maugmang lugar. Nakisumaro man an organisasyon kan Parasurat Bikolnon huli sa parehong katuyohan kan Komunidad na maipabalangibog an tataramon na Bikol. Pagkakataon man na matawan doon an pagpabantog sa Bikolanong identidad an pagkikipatabangan sa mga kompanyang tubo digdi siring kan Bigg's Diner, Triboo Bikolano, asin MyTreatCity. Nagkapira man na establisimento na nag-anduyog sa selebrasyon sa paagi nin paghiras nin mga papremyo siring kan Green Earth Café asin Ramashinta Resort & Spa.
  • Media Mileage — Urog na naipabalangibog an Wikipedia sa paagi nin media na nagtampok kan selebrasyon sa saindang programa. Nagluwas sa ABS-CBN TV Patrol Bicol asin GMA 7 Baretang Bikol an ginibong aktibidad kan Komunidad mantang sa programang Ini an Totoo sa GNN TV 48 Naga, nagin bisita sinda Irvin Sto. Tomas, Ramon Olaño asin Dindin Daliva tanganing tukaron an proyekto. Inireplay man an bareta kan ABS-CBN TV Partrol asin intrebista sa GNN TV 48 Naga kan sumunod na aldaw.
Dakol man an nakaisi kan okasyon sa paagi kan Facebook, digdi nasusubaybayan kan mga may panindog digdi an mga aktibidad kan Komunidad.

Usip nin Gastos

Uya an sumada kan gastos sosog sa alok nin proyekto:

Kategorya Tagama PHP/(USD) Gastos PHP/(USD)
Tarpaulin kan selebrasyon asin bib kan mga partisipante sa Wikipedia Takes Naga 500.00 ($12.25) 1,849.00 ($45.30)
Gubing na Bikol Wikipedia 8,000.00 ($196) 8,000.00 ($196)
Pagkakan sa Banggi nin Gawad kan Nanggarana sa Wikipedia Takes Naga; asin
Ika-7ng Harampangan kan mga paraambag kan Bikol Wikipedia		 10,000.00 ($245) 6,955.00 ($170.40)
Ika-3ng Premyo (3rd Prize) sa Wikipedia Takes Naga 1,000.00 ($24.5) 1,000.00 ($24.5)
Suplay 1,350.00 ($33.08) 2,529.75 ($61.98)
Mga kanigoan 4,000.00 ($98) 5,298.57 ($129.81)
Total PHP24,850.00 (USD608.85) PHP26,657.32 (USD653.10)

Usip nin Anduyog

Uya an sumada kan manlainlain na anduyog na serbisyo, materyal, produkto asin pinansyal:

Anduyog Padrino Kantidad PHP (USD) Halaga PHP (USD)
Lugar, pasilidad para sa Wikipedia Takes Naga asin Bikol Edithon sa bilog na aldaw Ateneo de Naga na Unibersidad - Dai isi
Pagpadalagan kan aktibidad poon sa pagpaguhit sagkod gawad sa nanggarana Parasurat Bikolnon - Dai isi
Premyo sa primer (1st Prize) asin segunda premyo (2nd Prize), asin mapa kan
syudad sagkod mga babasahon na Naga Smiles Magazine na ipinanao sa mga
partisipante		 Gobyerno kan Syudad nin Naga 5,000.00 ($122.5) -
Pangudtohan kan mga tagapadalagan Bigg's Diner - 6,500.00 ($159.25)
Premyo asin gubing kan tagapadalagan Triboo Bikolano - 4,000.00 ($98.00)
Ekipahe asin teknikal na suporta MyTreatCity - 2,800.00 ($68.60)
Lugar, pasilidad asin teknikal na suporta Mudbugs Sports Bar - Dai isi
Desenyo kan tatak na Wikipedia Takes Naga Ajohn Dorotical - Dai isi
Mga pampaugmang premyo na gift certificates Ramashinta Resort & Spa - 900.00 ($22.05)
Mga pampaugmang premyo na gift certificates Green Earth Café - 750.00 ($18.375)
Inomon na tubig kan mga tagapadalagan asin partisipante Asian Breeze - 200.00 ($4.90)
Total PHP5,000.00 (USD122.5) (PHP15,150.00)(USD371.175)
Natàwan nin plake/sertipiko nin pagpapahalaga an nagtarabang tanganing magin matriyumpo an okasyon.

Note: Based on Philippine Peso and US Dollar exchange rate on November 24, 2012: 0.02450 USD[7]

Toltolan

  1. ↑ Treasurer Decision:01-2012 In the matter determining allowable Communications Expenses
  2. ↑ Resolution:Philippine Wikimedia Communities
  3. ↑ Resolution:Philippine Wikimedia Communities amendment
  4. ↑ Grants:WM PH/Chapter startup 2
  5. ↑ Request for an extension of the project completion date
  6. ↑ Wikipedia Takes Manila
  7. ↑ Philippine Pesos (PHP) to US Dollars (USD) exchange rate for November 24, 2012

Panluwas na takod

Kinua sa "https://bcl.wikipedia.org/w/index.php?title=Wikipedia:Usip_nin_Proyekto/5th_Bikol_Wikipedia_Day:_Aldaw_nin_Talingkas_na_Ensiklopedya&oldid=145755"