Wikipedia:WikiProyekto Kabikolan

Maugmang pag-abot sa WikiProyekto Kabikolan! An katiripunan nin mga WikiProyekto na dapit sa paggibo asin pagpapaurog nin mga artikulong manungod sa Kabikolan sa Bikol Wikipedia.

An proyektong ini mawot hamanon an Kategorya:Kabikolan sa Bikol Wikipedia, asin dagos maitampok sa Portal kan Kabikolan.

Introduksyon

Poon sa pagkamondag kan Bikol Wikipedia sa taon 2007, saro sa mga nagin pokus kan websityo iyo an magsurat nin mga artikulo na manungod sa Kabikolan. Namokna an manlainlain na mga WikiRabuz poon kan taon 2008 na iyo an nagin pinakaenot na pormal na inisyatibo para sa pagpapaurog nin mga artikulong dapit sa Kabikolan. Huli kan mga paghirong ini, an Bikol Wikipedia nagin saro sa mga panginot na gunuan nin mga impormasyon asin datos sa lado nin Literaturang Bikolnon, Uusipon, Kultura, asin iba pa.

Kan taon 2021, pormal na piglunsar an WikiProyekto Kabikolan para pagsararoon an mga proyekto na dapit sa Kabikolan. Nasa irarom kan WikiProyekto na ini an mga proyekto sa manlainlain na lado arug kan pagkakan, musika, edukasyon, asbp. na parte nin pagbuhay kan mga Bikolano.

Bilang an pinakadakulang websityo na minagamit nin tataramong Bikol Sentral, kaipohan na marhay kan Bikol Wikipedia an pagpapabantog sa proyektong ini. Sa ngunyan, nagpapadagos an WikiProyekto Kabikolan bilang saro sa mga pinakaaktibong proyekto sa Bikol Wikipedia.

Mga katuyohan kan proyekto

Pagsararo sa gabos na proyekto na dapit sa Kabikolan digdi sa Bikol Wikipedia
Pag-organisa asin paglista nin mga artikulong manungod sa Kabikolan sa manlainlain na lado
Makatabang sa pagpapadakul asin pagpapaurog nin mga artikulo sa Bikol Wikipedia

Hilingon man

Mga WikiProyekto sa Bikol Wikipedia
Rehiyon Bikol - artikulo sa Bikol Wikipedia