Bikol Sulnopan na Albay

Bikol Sulnopan na Albay
Subong sa	Filipinas
Rehiyon	Rehiyon Bikol
Subong na mga parataram	260,000 (2009 SIL)
Pamilya nin Tataramon	Austronesyo Malayo-Polinesyo Borneo-Filipino Sentral Filipino Mga tataramon na Bikol Kadagaan na Bikol Bikol Sulnopan na Albay; ; ; ; ; ;
Sistema nin pagsurat	Latin (Baryanteng Filipino);; Nakasurat sa Basahan kan panahon
Opisyal na kamugtakan
Sa regulasyon kan	Komisyon sa Wikang Filipino; (Commission on the Filipino Language)
Mga kodigo nin tataramon
ISO 639-3	fbl

An Bikol Sulnopan na Albay o West Albay Bikol (Mga alternatibing apod : Bicol Ligaoeño, Oasnun, Oasnün, Polanguinon) sarô sa mga tataramon na Bikol na pigtataram sa probinsya nin Albay, Filipinas. Tinataram ini sa mga banwaan nin Polangui, Oas, Pio Duran asin Syudad nin Ligao, Albay. Igwa ini nin haros 260,000 na parataram kan 2009. Haros kaagid ini sa Miraya Bikol. Igwa ining nagkapirang diyalekto na nagkakairibaiba sa lambang banwaan.

Ini an ikaapat sa pinakadakol na parataram sa mga tataramon na Bikol sunod sa Bikol Sentral, Rinconada Bikol asin Miraya Bikol. Kabali ini sa grupo nin mga tataramon sa Kadagaan na Bikol sagkod an Rinconada Bikol, Mt. Iriga Agta, Buhi Bikol, Libon Bikol asin Miraya Bikol.

Literatura

Mayo nin ipinapamugtak na pamantayan o estandarteng diyalekto an tataramon huli sa limitadong gamit asin nakasurat na literatura. Nagkapirang mga rawitdawit an nakasurat sa tataramon na ini.

An mga panurat ni Abdon Balde Jr. kan Oas, Albay yaon sa diyalektong Oasnun siring kan Sa Pangpang Sulong na nagluwas sa Ani nin mga Rawitdawit sa An Tambobong nin Literaturang Bikolnon kan 2010.^[1] Nagkapirang mga rawitdawit ni Mike Boribor kan Pio Duran, Albay sa diyalektong Pio Duran Bikol an napalagda sa Kamurawayan sa Burak na layas (Balai Ibalon, 2013) siring kan Pagrumdom, Agihan, Nagibasa asin Pagdungaw.^[2]

Igwa man mga rawitdawit sa manlainlain na diyalekto kan tataramon na ini an napalagda sa duwang antolohiyang Kalapakapa: mga Rawitdawit na pinakarhay ni Eduardo Uy.^[3] An iba pang diyalekto kan Bikol Sulnopan na Albay iyo an Ligaoeño asin Polanguinon.

Toltolan

↑ Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
↑ G. B. Calleja Kamurawayan sa Burak na layas (Balai Ibalon, 2013)
↑ Eduardo Uy, Ikaapat na Pagsurat-Bikol 2012. Ateneo de Naga University. Abril 29-30, 2012

Mga panluwas na takod

West Albay Bikol sa Ethnologue

Sarong saringsing na artikulo ini sa Tataramon. Makakatabang ka sa Bikol Wikipedia sa pagparambong kaining pahina.

[1] Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)

[2] G. B. Calleja Kamurawayan sa Burak na layas (Balai Ibalon, 2013)

[3] Eduardo Uy, Ikaapat na Pagsurat-Bikol 2012. Ateneo de Naga University. Abril 29-30, 2012

[1]

[2]

[3]