Varahi

Si Varahi (Sanskrito: वाराही, Vārāhī) iyo an saro sa Matrikas, sarong grupo nin pitong inang diosa sa relihiyon na Hindu. Igwa siya nin payo nin urig, si Varahi iyo an shakti (pambabaeng enerhiya) ni Varaha, an urig na avatar kan diyos na si Vishnu. Sa Nepal, inaapod siyang Barahi. Sa Rajasthan asin Gujarat, siya pigrerespeto bilang si Dandini.

Si Varahi nakatukaw sa sarong tigre, gikan sa Tantrikong Devi series attributed ki Kripal kan Nurpur (active c. 1660 - c. 1690). San Diego Museum of Art

Si Varahi mas midbid sa sekta kan Diosa-orienteng Shaktismo, alagad sa Shaivismo (mga deboto ni Shiva) asin Vaishnavismo (mga deboto ni Vishnu). Parate siang sinasamba kun banggi, na ginagamit an sekretong mga kaugalean na Tantrikong Vamamarga. An mga diosang Budhista na sinda Vajravārāhī asin Marichi naggikan sa diosang Hindu na si Varahi.

Ikonograpiya

An ikonograpiya ni Varahi ilinadawan sa Matsya Purana asin agamas, siring kan Purva-karnagama asin kan Rupamandana. An Tantrikong teksto na Varahi Tantra nagsambit na si Varahi igwa nin limang porma: Svapna Varahi, Canda Varahi, Mahi Varahi (Bhairavi), Krcca Varahi asin Matsya Varahi. An Matrikas, bilang mga shakti kan mga dios, ilinadawan na magin kaagid kan mga dios na idto sa porma, alahas asin lunadan, alagad si Varahi minana sana an lalawgon na urig ni Varaha.