Shakti

Sa Hinduismo, orog na sa Shaktismo (sarong teolohikong tradisyon nin Hinduismo), si Shakti (Devanagari: शक्ति, IAST: Śakti; lit. "Enerhiya, abilidad, kosog, paghihingoa, kapangyarihan, kakayahan") iyo an kosmikong enerhiyang primordyal, babae sa aspekto, asin nagrerepresentar sa dinamikong mga pwersa na hinohonang naghihiro sa uniberso. Iniisip na siya malinalang, nagsusustenir, siring man mapandestroso, asin kun beses inaapod na enerhiya na dai naririsa.

Estatwang bronse ni diosa Adi Shakti (an mayor na Shakti). Sri Durga Paramésuari durante kan saiyang taonan na aldaw nin kapistahan sa templo nin Mundkur, harani sa Udupi, India.

Si Shakti kun minsan pinersonipay bilang an Kaglalang na diosa, asin inaapod na "Adi Shakti" o "Adi Para Shakti" (i.e., Primordyal na dai maipangidam na enerhiya). Sa Shaktismo, si Adi Parashakti sinasamba bilang an Supremong Persona/Diosa. Sa lambang plane nin paglalang, an enerhiya manifests saiya pasiring sa gabos na porma nin matter; an mga ini iyo an pighuhuna na daing kasagkoran na porma ni Para Shakti. Minsan siring, an totoo na porma ni Para Shakti iyo daing nakakaaram, asin lihis sa pagkasabot nin tawo. Siya linaladawan bilang si Anaadi (dai nin kapinonan, mayong katapusan) asin Nitya (sagkod pa man).