An tubo (Saccharum officinarum), sarong tinanom na konsideradong doot sa pamilyang Poaceae, na primeramente pig'tatanom asin pigpapatubo huli sa nakukuang mahamis na tagok kaini na sa sarong pagproseso napapaluwas an produktong asukar. Mayoriya kan tubo tinatanom asin inaataman sa mga ronang subtropikal asin tropikal. An tinanom na ini pinapatalubo naman huli sa pigkukuan ini nin biofuel, orog na sa Brasil, ta mismo an kahawakan kan tubo direktang nakakaprodusir nin ethyl alcohol (ethanol). Sa pagproseso kan tubo, kan straw asin bagasse (mga awat kaini) nakakahaman pa nin cellulosic ethanol, biofuel pang paluwas sa ikaduwang paghiris. May mga iba pang produkto igdi sa tubo arog kan tangguli, rum, asin cachaca (alkohol Brasil), asin mismo an tinanom pwede man pang-atop asin pambahog sa mga hayop.[1] Huli sa modernong teknolohiya, asin pagsaligsig na maigot, mga importante pang produkto an napapaluwas hale sa tinanom na ini, arog kan bio-elekstrisidad, biohydrocarbons (na masirbeng salida sa gasolina, krudo, jet fuel) asin bio-plastik. [2]

Pagtatanom tubo, Queensland, 2016
Mga tinapas na bias nin tubo
Tubo asin mangko nin repinadong asukar

An tinanom na ini may mabaskog asin suru-surugpon na bias mayaman sa sugar sucrose na nagtitipon sa mga buko-buko kaini. An tinanom nalangkaw pwede poon duwa abot anom na metro (anom sundo duwang polong pye). An mga species kaini pwedeng maginterbreed asin an mga cultivar pangkomersyal magkasaralak na. Importanteng pananom, an tubo yaon sa pamilya na kairiba pa an mais, trigo, paroy, sorghum asin iba pang mga doot pambahog sa kahayopan.[3]

Ala, tinatanomLiwaton

Sa pagtatanom ngani dumakul ini, mga ala kaini an mayor na winawarak. Mas marhay na an alang pangtanom igwang duwang bias na may tolong buko. An mga ala tinatanom sa areglado nang tanoman, pig'arado na. Ngonyan may mga mekanikal nang pan-tanom na nasodsod kan mga kali-kali, nabugtak pampataba, nahulog kan mga ala sa pag'oltan asin may natahob daga sa mga poon kaini.

Produksyon sa kinabanLiwaton

ToltolanLiwaton

  1. [1]www.breitannica.com. Kinua 05-16-18
  2. [2]sugarcan.org. Kinua 05-16-18
  3. [3]sugarcane.orf. Kinua 05-16-18
  4. http://www.fao.org/faostat/en/#home
Sampolong Nangengenot na Prodyuser — 2015[4]
Nasyon Produksyon
(rinibong tonelada metriko, RMT)
  Brasil 739,267
  Indya 341,200
  Tsina *125,536
  Tailandya 100,096
  Pakistan 63,750
  Mehiko 61,182
  Kolombya 34,876
  Indonesia *33,700
  Filipinas 31,874
  Estados Unidos 27,906
Total sa Kinaban 1,877,105