An TigsTXT sarong patiribayan nin paghaman nin tigsik kan Parasurat Bikolnon sa katuyohan na buhayon asin ipasa an tradisyon nin pagtuyaw kan mga Bikolnon sa paagi nin matalinhagang mga tataramon.[1] Sa ipinaluwas na antabay kan patiribayan, "Minamàwot kan patiribayan na buhayon an tradisyon nin pagtao nin tuyaw sagkod reparo sa paagi kan pagkawat sa mga tataramon, asin darahon ini sa bagong henerasyon."

TigsTXT
KamugtakanAktibo
GenreTigsik
KalakawanTaonan
NasyonFilipinas
Pinonan2011
Mga partisipanteMga Bikolnon
AktibidadPatiribayan
Inorganisar kanParasurat Bikolnon
SponsorBicol Mail, Bicol Standard
TigsTXT Participant

Ngaran kan patiribayan baguhon

Gikan an ngaran kan patiribayan sa sinugpon na katagang "tigs" gikan sa "tigsik" asin "TXT" para sa texting o pagpadara nin mensahe gamit an selpon. Inot na binuksan an patiribayan kan 2012 dangan kan 2013 alagad ikinanselar. Kan 2018, liwat na binuksan ini sa pakikipagtabangan kan Kintab Artists Group asin Bicol Standard kan 2018.[2]

Nanggarana sa inot na edisyon baguhon

Bukas an patiribayan sa mga Bikolano kun sain an lambang partisipante makakapadara nin sagkod sa limang (5) entra lambang bulan. Minadalagan an kontes sa laog nin apat na bulan kun sain igwa nin tema na titigsikan sa lambang bulan an mga partisipante. Nagdalagan poon Desyembre 2012 sagkod Marso 2013 an inot na edisyon na igwa minasunod na tema: Inosenteng Kaakian (Desyembre) – karahayan asin naturalesa kan mga aki na dai pa nin pagkaaram sa kinàban; Pagpoon sa Poon (Enero) – gawì-gawì asin ugalì sa pagpopoon dapit sa ano man na gibo-gibo o sa buhay; Urastigon na Bikolnon (Pebrero) – tibay asin talento kan Bikolnon sa lado kan Arte; dangan An Kababaihan Ngunyan (Marso) – katungdan kan babai sa pamilya asin komunidad.

Napili an minasunod na tigsik bilang pinakamarahay sa lambang bulan kan patiribayan:[1]

Bulan (Taon) Napiling Tigsik Paratigsik (Ginikanan)
Desyembre (2012)[3] Tigsik ko an mga kaakian
Na siging pasadpasad sa dalan
Ta sa pagkarol nababanggihan
Magkaigwa lang nin pamanggihan
Asther Villareal (Syudad nin Naga)
Enero (2013)[3] Tigsik ko an tabì apò
Sambit ngùna bàgo igapô
An ano man, pisog o tipô
Nganing taong lipod dai maigò
Imelda Brazal (Syudad nin Naga)
Pebrero (2013) Tigsik ko si Rez Cortez
Irigenyong aktor sa syowbis
Kayang mangotis, kayang magpakotis
Pwede dawa magsopong sa tapis”
Nestor Awa (Syudad nin Iriga)
Marso (2013) - -

Toltolan baguhon

Panluwas na takod baguhon

Hilngon man baguhon