Tataramon na Bushi

An Kibosy (Shibushi o Kibushi) sarong diyalekto kan Malagasy na ipinagtataram sa pigpamunuang nin ̺Pranses na isla nin Komoryano kan Mayotte. Ipinagtataram an mga diyalekto kan Malagasy na mas kaano-ano sa Bushi sa norte-sulnupan kan Madagaskar sa lugar kan Antsiranana (Diego-Suarez) asin Mahajanga (Majunga),na kun siring man iyo an pinakaharaning puro sa Madagaskar paduman Mayotte. Pigkokonsiderar na saro sa mga tataramon na Malagasy an magkaibahan na Kibosy asin Majunga sa paagi kan Glottolog.

kibosy
Shibushi
Bushi-Majunga
Subong sa	Mayotte
Subong na mga parataram	47,900 (2012)
Pamilya nin Tataramon	Austronesyo Malayo-Polynesian East Barito Malagasy kibosy
Sistema nin pagsurat	Latin
Mga kodigo nin tataramon
ISO 639-3	buc
Glotologo	bush1250

Panheograpiya na pagkawararak

Bisto an Bushi bilang Kibushi sa Mayotte asin ipinagtataram kan 40% na katawo sa isla (1980). Pigtataram ini kaiba kan diyalektong Maore (Shimaore) kan Komoryano, sarong tataramon na Bantu. Sa pan-uusipon, ipinagtataram sa mga tiyak na baryo an Kibushi asin Shimaore alagad may kaugaliang an Shimaore na maging de facto na katutubong lingua franca sa pang-aro-aldaw na buhay, nin huli ta sa mas dakulang populasyon na nagtataram nin Shimaore. An Shimaore lang an minakapot sa lokal na programa sa barita sa telebisyon sa paagi kan Réseau Outre-Mer 1re. KInababalihan an mga diyalekto kan Bushi sa Mayotte (bistado bilang Shibushi sa Shimaore) kan Kiantalaotse asin Kibushi-Kimaore ( Shibushi-Shimaore sa Shimaore). Ipinagtataram an Bushi sa kalabaan kan subangang baybayon kan panginot na isla (Grande-Terre) kabali an mga baryo kan Bambo Est, M'Boueni, Passy-Kéli, Mronabeja, Kani-Kéli, Chirongui, Poroani, Ouangani, Chiconi, Sohoa, M'Tsangamouji, Acoua, Mtsangadoua, Handrema.