Tanso

An tanso o tangso (Spanish: cobre; Ingles: copper) iyo sarong elementong kimikal na may atomikong bilang na 29 sagkod simbolo na Cu (gikan sa taramong cuprum sa Latin). Kabale man sa pagsadiring karakter kaini an pagkakaigwa nin atomikong gabat na 63.54, punto nin pagkatunaw na 1,083 °C, punto nin pagkulo 2,595 °C, espesipikong grabidad na 8.96, asin balensyang 1 sagkod 2.

Saro ining malumoy asin madaling makurti na kulay kapeng metal, asin saro mang magayon na konduktor nin kuryente. Piggagamit ini sa paggibo nin mga kawad kan kuryente, sa mga tubo nin tubig, asin dae tinataklang mga piyesa nin makinarya, partikular na kapag pigsalak sa ibang mga metal ngarig magin bronse.^[1]

Harus ginagamit an tanso bilang konduktor nin kuryente, sarong materyal sa paggibo nin mga edipisyo, asin bilang sarong parte nin dakulon pang mga salakang metal o alloy. Saro man ining kinakaipuhang nutriente sa gabos nin mga halangkaw na tinanom asin hayop. Sa mga hayop, kabale an tawo, kaenot-enot na mahihiling an tanso sa dugo. Sa limitasyon nin bilang, nakakalason asin nakakagadan an tanso sa mga organismo.

Hilingon man

Bulawan (Gold)
Nickel
Bakal (Iron)

Toltolan

↑ Gaboy, Luciano L. "Copper, tanso, kobre". Gabby's Dictionary, Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com. External link in |title= (help)

Sarong tamboan an artikulong ini sa Siyensya. Makakatabang ka sa Bikol Wikipedia sa pagpoon kaining pahina.

[Gaboy-1] Gaboy, Luciano L. "Copper, tanso, kobre". Gabby's Dictionary, Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com. External link in |title= (help)

[1]