Rehensiyang Tabanan
An Tabanan saro sa mga Rehensiya(kabupaten) sa Bali, Indonesya. Medyo nasa irarom pa nin pag-uswag (kumpara sa Badung asin Denpasar sa sirangan), An Rehensiyang Tabanan, igwa nin hiwas na 839.33 km2 asin igwa nin katawo na 386,850 kan 2000, naglangkaw sa 420,913 kan 2010,[2] dangan 461,630 susog sa 2020 sensus;[3] an opisyal na pagtatantya kadtong katahawan kan 2022 maabot sa 469,340.[1] An tukawan kan rehensiya kaini iyo an banwaan nin Tabanan. Saro sa mga bantog na atraksyon sa turismo na mahihiling sa Tabanan iyo an magapong puro nin Tanah Lot.
Rehensiyang Tabanan Kabupaten Tabanan ᬓᬩᬸᬧᬢᬾᬦ᭄ᬢᬩᬦᬦ᭄ | ||
|---|---|---|
 | ||
| ||
 Kinamumugtakan sa Bali | ||
| Tagboan: 8°33′4.13″S 115°7′17.81″E / 8.5511472°S 115.1216139°ETagboan: 8°33′4.13″S 115°7′17.81″E / 8.5511472°S 115.1216139°E | ||
| Nasyon |  Indonesia | |
| Probinsya | Plantilya:Country data Bali | |
| Kapitolyo | Tabanan | |
| Hiwas | ||
| • Kabuuhan | 839.33 km2 (324.07 sq mi) | |
| Populasyon (tinatanya sa katahawan kan 2022 estimate)[1] | ||
| • kabuuhan | 469,340 | |
| • Densidad | 560/km2 (1,400/sq mi) | |
| Sona nin oras | UTC+8 (ICST) | |
| Area code | (+62) 361 | |
| Websityo | tabanankab | |
Mga distritong administratibo
baguhonNababanga an rehensiya sa sampulong mga distrito (kecamatan), itinala sa ibaba an saindang mga lugar asin kabilugan na populasyon sa 2010 sensus.[2] asin sa 2020 sensus,[3] kaiba an mga opisyal na pagtatantya kadtong katahawan na 2022. [1] Kabali man sa talahanayan an mga kinamumugtakan kan mga sentrong pang-administratibo kan distrito, an numero nin administratibong baryo sa lambang distrito (gabos naiuri bilang rural na desa), asin an mga kodigong postal kaini.
| Kode Wilayah |
Ngaran kan Distrito (kecamatan) |
Hiwas sa lambang km2 |
Sensus nin pop'n 2010 |
Sensus nin pop'n 2020 |
Pigtatanyang pop'n sa katahawan nin 2022 |
Sentro nin admin. |
Nu. kan mga baryo |
Mga kodigo nin poste |
|---|---|---|---|---|---|---|---|---|
| 51.02.01 | Selemadeg | 52.05 | 19,262 | 21,874 | 22,400 | Bajera | 10 | 82164 |
| 51.02.02 | Selemadeg Timur (Subangan na Selemadeg) |
54.78 | 21,154 | 23,826 | 24,300 | Megati | 10 | 82160 |
| 51.02.03 | Selemadeg Barat (Sulnopan na Selemadeg) |
120.15 | 18,809 | 21,079 | 21,500 | Antosari | 11 | 82162 |
| 51.02.04 | Kerambitan | 42.39 | 37,704 | 41,766 | 42,500 | Kerambitan | 15 | 82161 |
| 51.02.05 | Tabanan (distrito) | 51.40 | 70,526 | 76,235 | 77,300 | Tabanan (banwaan) | 12 | 82111 - 82115 |
| 51.02.06 | Kediri | 53.60 | 84,215 | 90,491 | 91,600 | Kediri | 15 | 82121 - 82123 |
| 51.02.07 | Marga | 44.79 | 40,353 | 42,898 | 43,400 | Marga | 16 | 82181 |
| 51.02.09 | Baturiti | 99.17 | 46,425 | 51,381 | 52,300 | Baturiti | 12 | 82191 |
| 51.02.08 | Penebel | 141.98 | 44,104 | 49,637 | 50,700 | Penebel | 18 | 82152 |
| 51.02.10 | Pupuan | 179.02 | 38,361 | 42,443 | 43,200 | Pupuan | 14 | 82163 |
| Mga kabilugan | 839.33 | 420,913 | 461,630 | 469,340 | 133 |
An administratibong sentro kan Distrito nin Selemadeg, yaon sa Bajera, an Selemadeg Timur, yaon man sa Megati, asin an Selemadeg Barat, yaon sa Antosari; the an lain pang mga distrito, igwang kaparehas na pangaran sa saindang sentro nin administratibo. An mga Distrito nin Kediti asin Tabanan sa habagatan-subangan kan rehensiya, yaon sa laog kan opisyal na lugar nin metropolitano kan Greater Denpasar (Sarbagita); An mga Distritong Pupuan, Selemadeg Barat, Selemadeg, asin Selemadeg Timur, magkaibang minabilog sa sulnopan na kabanga kan Rehensiya.
-
Mga distrito sa Rehensiyang Tabanan
Jatiluwih
baguhon
An Jatiluwih sarong administratibong baryo sa Distrito nin Penebel, amihanan kan Tabanan; nabilog ini na na igwang duwang nakatu'dan na baryo, an mga ini iyo an Gunung Sari asin Jatiluwih; sa irarom kan duwang kaugalian kan baryo na ini, igwang pitong kaugalian nin baryo o banjar.[4] Yaon sa taas na 700 metro an baryo. Duwang ruta sa Jatiluwih iyo an Denpasar > Kediri > Tabanan > Penebel > Jatiluwih o Denpasar > Mengwi > Baturiti > Jatiluwih.[5]
Igwa ining nakahagdan-hagdan na mga paruyan na minasunod sa mga kontor kan daga sa background kan Bukid Batukaru asin Bukid Agung. Ginagamit kan mga hagdan-hagdan an tradisyonal na patubig kan mga Balinon na midbid sa subak, Sistema nin pamamayo kan kontrol sa tubig na nakasusog sa komunidad kan Bali.
Saro an hagdan-hagdan na paruyan kan Jatiluwih sa limang mga lugar na kun sain binibilog kan pamanang lugar nin kultural sa kinaban kan UNESCO na nakalista sa subak.[6]
Kadtong inot na parte kan 1990s, saro an Jatiluwih sa tolong baryo na pinili para sa sarong pilot project na nagmamawot na magbilog nin turismo sa baryo, bilan sarong alternatibo sa mass tourism na nag-abot sa Bali. Nangatuwiran an gobyerno na an proyektong ini, yaon sa irarom kan lokal na pamamayo asin kumbaga magigin mas kapaki-pakinabang sa lokal na komunidad. . Kan panahon na idto, nabigo an inisyatiba na makaagda nin dakulang halaga nin mga pagbisita kan turista; asin an mga kita na nabilog kaini, dayaday na pinagpupunan nin iwalan. Kaya kadakol na tagabaryo an nag-iriwal na an proyektong ini sa turismo, nadaog tanganing maabot an mga mawuton na ini. [7]
Kontrol sa pagpapauswag kan turismo
baguhonTanganing mamantinir an pinakadakulang lugar na 53,000 ektarya nin mga patlang kan agrikultura sa isla, dai na tinugutan kan Administrasyon sa Rehensiyang Tabanan an pagbilog nin star-rated na mga hotel sa syudad. An mga pasilidad nin turismo na igwang tuga sa pangangataman sa kapalibutan, tinutugutan, na may 30 % na ibabaw kan daga para sa mga gusali asin 70 % na ibabaw kan daga an wawalaton na natural bilan paruyan o mga lain pang mga plantasyon. Napagdesisyunan man kan administrasyon an sarong 300-ektaryang protektadong sona nin mga paruyan, asin sarong 100-ektaryang sona nin paharong sa luwas kan protektadong sona.
Para sa mga bisita, posibleng bisitahon an 300-ektaryang paglakaw (mga 31⁄2 hrs trekking) o sa paagi kan e-bike tour na inorganisa kan mga lokal na tagabaryo poon kadtong mula 2017 (mga 1 oras).
Puri Anyar Kerambitan
baguhonAn Puri Anyar Kerambitan ("bagong palasyo kan Kerambitan"), sa Baturiti, iyo an saro sa tolong maharlikang palasyo (puri) sa distrito nin Kerambitan. Itinugdok ini kadtong 1620's kan ika-12 hade kan Tabanan para sa saiyang pangaduwang aki - an inot na aki na lalaki na nagmana kan Puri Agung Kerambitan, sa panahon na idto an solosolong nag-eeksistir na palasyo. Ang bawat palasyo ay tumanggap ng mahigit 100 ektarya ng lupa at ang nalikom ng nasabing lupa. Duman pigsagibo an kadarakulang seremonya para sa komunidad. Nagbisita an mga wakang na dignitaryo para sa mga kauyunan sa kalakalan asin iba pang urulayan. Kabali sa mga regalong dinara ninda iyo an kadakol na mga platong seramiko, orihinal na Delftware (Delft Blue) hali sa Holandya, na nauli bilan mga adornment sa mga lanob kan establishimento asin mga dambana kan templo; matatamawan pa nanggad sinda duman sagkod ngunyan.[8]
Pagkatapos kan katalingkasan kan Indonesya (1945) uminabot an Land Reform Law kadtong 1961 asin hinali an daga, nawalat an puri na daing kita para sa pagmamantinir kaini. Si Pak Oka, tagapagmana kadtong panahon na idto, an nagbuka kan palasyo sa publiko, bilang sentro nin mga seremonya alagad arog pa man kaito kan pagselebrar nim kultura: sinagibo an 'Royal Dinners', na nagpapahiling nin mga lokal na tarok asin kultura. Poon 1967, naging sentro kan sosyudad an Puri Anyar Kerambitan. Kabali sa mga bisita iyo sinda David Bowie, Hadeng Hussein kan Hordan, Dewi Sukarno, Mick Jagger (na 3 ka honga na nagbisita na naglalaom siya na manu'dan an bayle na tektekan, na dai napaghuhurop-hurupan na saro ining sagradong
bayle nin ulirat). Sa arog kaito, itinao an kita tanganing mamantinir an palasyo asin templo.[8]
Dangan nag-abot sa grabeng turismo asin marikas na pagpapakaray, asin nagluwas an mga midbid na tawo - asin an kita. An presenteng tagapagmana na si Ibu Giri Putri, nagsagibo nin gibuhon nin restorasyon kan templo. An kabilugan na lugar, kinokonsiderar na may importansyang pangkasaysayan: saro ini sa mga huring palasyo na nagpapamantinir kan orihinal kaining istraktura. An saiyang gitnang patyo (jabah tengan), dai nagbabago sa laog nin 400 taon; ni an layout kan bilog na tambalan, na binilog susog sa mga prinsipyo kan kosala-kosali,[lower-alpha 1] na naggagalang sa mga panoytuyan manongod sa mga kardinal na direksyon na igwang takod sa anatomya kan tawo. An kahoy kan mga pabilyon na bale, orihinal man, na may mga suanoy na pattern nin prada [lower-alpha 2] nakaukit sa mga hallrigi. Limang pamilya nin maharlikang ginikanan an nakairok duman. [8]
Klima
baguhonIgwa an Tabanan nin klima nin tropikal na rainforest (Af) na may moderatong pagbagsak nin uran poon Abril sagkod September asin magabat na oagbagsak nin uran poon Oktober sagkod Marso.
| Climate data for Tabanan | |||||||||||||
|---|---|---|---|---|---|---|---|---|---|---|---|---|---|
| Month | Jan | Feb | Mar | Apr | May | Jun | Jul | Aug | Sep | Oct | Nov | Dec | Year |
| Average high °C (°F) | 30.4 (86.7) |
30.5 (86.9) |
30.6 (87.1) |
31.1 (88.0) |
30.8 (87.4) |
30.1 (86.2) |
29.4 (84.9) |
29.5 (85.1) |
30.3 (86.5) |
31.1 (88.0) |
31.2 (88.2) |
30.8 (87.4) |
30.5 (86.9) |
| Daily mean °C (°F) | 26.3 (79.3) |
26.3 (79.3) |
26.2 (79.2) |
26.3 (79.3) |
26.0 (78.8) |
25.3 (77.5) |
24.9 (76.8) |
24.9 (76.8) |
25.6 (78.1) |
26.3 (79.3) |
26.5 (79.7) |
26.4 (79.5) |
25.9 (78.6) |
| Average low °C (°F) | 22.2 (72.0) |
22.2 (72.0) |
21.9 (71.4) |
21.6 (70.9) |
21.2 (70.2) |
20.5 (68.9) |
20.4 (68.7) |
20.4 (68.7) |
20.9 (69.6) |
21.5 (70.7) |
21.9 (71.4) |
22.1 (71.8) |
21.4 (70.5) |
| Average rainfall mm (inches) | 314 (12.4) |
260 (10.2) |
221 (8.7) |
102 (4.0) |
111 (4.4) |
110 (4.3) |
135 (5.3) |
69 (2.7) |
108 (4.3) |
213 (8.4) |
237 (9.3) |
298 (11.7) |
2,178 (85.7) |
| Source: Climate-Data.org[13] | |||||||||||||
Mga tala asin toltolan
baguhonMga tala
baguhon- ↑ An kosala-kosali, arog kan feng shui, sarong kumplikadong sistema nin arkitektura na hararom na nakatakod sa kultura asin espirituwalidad kan Bali. An mga panoytoyan kaini, iniladawan sa sarong lontar na midbid sa Kosala Kosali, poon sa pagdatong kan mga Aryan gikan sa kahadean nin Majapahit sagkod Bali. Nagreresulta ini sa sarong arkitektura na inaapod na arkitektura nin Bali Arya.[9]
- ↑ An Prada iyo an pagtubog kan mga bagay, arkitektura[10][11] o bado.[12] Parati sa bulawan, maninigo man na gamiton an pirak.[8]
Mga toltolan
baguhon- ↑ 1.0 1.1 1.2 Badan Pusat Statistik, Jakarta, 2023, Kabupaten Tabanan Dalam Angka 2023 (Katalog-BPS 1102001.5102)
- ↑ 2.0 2.1 Biro Pusat Statistik, Jakarta, 2011.
- ↑ 3.0 3.1 Badan Pusat Statistik, Jakarta, 2021.
- ↑ Wardana 2015, p. 3.
- ↑ The Jakarta Post (ed.). "Jatiluwih's beautiful terraced rice fields". Archived from the original on 2011-06-07. Unknown parameter
|url-status=ignored (help) - ↑ "Cultural Landscape of Bali Province: The Subak System as a Manifestation of the Tri Hita Karana Philosophy". whc.unesco.org.
- ↑ Wardana, Agung (2015). "World Heritage-Making in the Pluralistic Legal-Institutional Setting of Catur Angga Batukaru, Bali". academia.edu (Australian Research Council International Workshop: “Intangible Cultural Heritage Across Borders: Laws, Structures and Strategies in China and its ASEAN Neighbours”). School of Law, Deakin University, Melbourne, 15-17 April 2015. Retrieved 2024-05-11. See p. 2.
- ↑ 8.0 8.1 8.2 8.3 Speirs, Edward (October 2, 2018). "Puri Anyar Kerambitan : A Palace of History". nowbali.co.id. Retrieved 2024-05-28.
- ↑ Arthana, Nyoman Nuri (2019). "The knowledge building of construction process of Bali Arya's architecture: interpretation of the manuscript Asta Kosala Kosali". Journal of Architectural Research and Education 1 (2): 168-175. https://www.researchgate.net/publication/338602494_The_Knowledge_Building_of_Construction_Process_of_Bali_Arya%27s_Architecture_Interpretation_of_the_Manuscript_Asta_Kosala_Kosali. Retrieved on 2024-05-28.
- ↑ Nandaryani, Ni Wayan; Brahmanta, I Wayan Agus Palguna (October 2020). "Aesthetics of form and function of dulang Bali". International Proceeding Conference on Multimedia, Architecture & Design (IMADe) 1: 383, 385, 389, 390. Archived from the original on 2024-05-29. https://web.archive.org/web/20240529025330/https://eprosiding.idbbali.ac.id/index.php/imade/article/download/420/304/. Retrieved on 2024-05-28.
- ↑ "Photo of a wall sculpture adorned with prada". dreamstime.com. Retrieved 2024-05-28.[permanent dead link]
- ↑ "Prada Papua". iwarebatik.org. Retrieved 2024-05-28.
- ↑ "Climate: Tabanan". Climate-Data.org. Retrieved 17 November 2020.
Mga panluwas na takod
baguhon
An Tabanan travel guide gikan sa Wikivoyage
Igwang relatibong medya para sa Tabanan Regency duman sa Wikimedia Commons- Lua error in Module:In_lang at line 41: attempt to call local 'name_from_tag' (a nil value). Official website
