Stancho Belkovski
Si Stancho Belkovski (Bulgarian: Станчо Белковски) (1891–1962), sarong Bulgarong arkitekto.
| Stancho Belkovski | |
|---|---|
| Kamundagan | Agosto 11, 1891 Sofia, Bulgarya |
| Kagadanan | Oktobre 10, 1962 (edad 71) Polonya |
| Nasyunalidad | Bulgaro |
Si Belkovski iyo an saro sa mga prominenteng pangaran sa historya nin arkitekturang Bulgaro poon pakatongtong kan katahawan nin ika-20ng siglo.[1] An magkapirang maoonabihan na mga edipisyo nin Sofia saiyang pigdesenyo o katuwang siya igdi arog kan complex “Bulgaria” sa sentrong gayo kan siyudad na may hotel, restoran asin concert hall. Siya an enot na naelehir na rektor (1944–45) kan si bagong tugdas na Higher Technical School sa Sofia na iyo an sinundan kan University of Architecture, Civil Engineering and Geodesy.[1][2]
Biograpiya asin karera
baguhonSi Belkovski namundag sa Stancho Iliev Belkovski kan Agosto 11, 1891 sa Bulgarong kabisera nin Sofia. An saiyang mga magurang pareho mga maestro. Siya nag'adal arkitektura sa Berlin Institute of Technology, Alemanya kun saen siya naggradwar kan 1920. Pakahaman kan instituto, nagbalik siya sa Bulgarya asin nagpoon nang magtrabaho katuwang an eminenteng Bulgarong arkitektong si Ivan Vasilyov. Poon 1925 madalian siyang nagtrabahong solo. Kan 1928 abot 1939, si Belkovski katuwang si Ivan Danchov, kun saen sindang duwa nagtabang kan proyektong iyo an kinabantogan Belkovski.
Kan 1944-45, si Stancho Belkovski naelehir na rektor kan Higher Technical School, Sofia kun saen ngapit saiyang itinugdas an departamento nin mga edipisyong publiko.
Si Belkovski nagadan sa sarong baranggaan nin tren kun saen siya nakasakay kan 1962 ta may asikasohon na negosyo duman sa siyudad nin Kraków, Poland.
Mga trabaho
baguhon- 1923 - Vlado Georgiev house, ngonyan Embahada nin Australya, sa Gladston str. 16, Sofia, (katuwang si Ivan Vasilyov)
- 1924 - Edipyso'ng Alliance française, Slaveykov square, Sofia
- 1925 - Nikola Mushanov na harong (narugba' kan 2005), Moskovska str. 47, Sofia
- 1930 - The Central Post Hall sa Veliko Tarnovo, (katuwang si Ivan Danchov)
- 1931-32 - German school, ngonyan lugar kan National Academy of Music, Sofia, (katuwang si Ivan Danchov)
- 1931-37 - Hotel Bulgaria na kasaro Concert Hall Bulgaria, Sofia, (katuwang si Ivan Danchov)
- 1932-33 - G. Semerdzhiev na harong, ngapit nagin embahada kan Byetnam, ngonyan embahada kan Libya, Oborishte str. 12, Sofia, (katuwang si Ivan Danchov)
- 1932-33 - Students palace, Narodno Sabrabie square, Sofia, (katuwang si Ivan Danchov)
- 1935-36 - Andzhelo Kuyumdzhiyski na harong, ngonyan ginagamit residensya kan embahador nin Estados Unidos, Veliko Tarnovo str. 18, Sofia, (collaboration with Ivan Danchov)
- 1935-37 - Hotel Balkan na may cinema hall, ngonyan Youth theatre Nikolay Binev, Sofia, (katuwang si Ivan Danchov)
- 1936-47 - The Telephone Palace, Gurko street, Sofia
- 1943 - Aleko mountain hostel, Vitosha Mountain
- 1943 - Tintyava mountain hostel, Vitosha Mountain
- 1951 - The Physics and Mathematics faculty building, James Bourchier boulevard, Sofia
